YESAYA 59:2 - KITTA' MATANGKASA'

² Lanri kaja'dallannu natena Napilangngeriko ri wattunnu appala' doang mae ri Ia. Dosa-dosanu ampasisa'lakko siagang Allata'ala.

YESAYA 59:2 Referans Kwoze

YEREMIA 5:25

Mingka iaminjo dosa-dosanu ngaseng anrompai sikontu anjo apa bajika sa'genna tena nukasiaki baji'na.

PANGNGEBARANG 15:29

Napilangngeri Batara punna appala' doang tau bajika, mingka tena najampangi tau dorakaya.

MIKHA 3:4

Lanarapiki wattunna nulappala' tulung ngaseng mae ri Batara, mingka taerokai appiali. Tena nalaNapilangngeri sikamma pappala' doannu, lanri le'ba'na nugaukang kaja'dallanga.

YESAYA 1:15

Punna nupatara limannu appala' doang, tena Kuero' amparhatikangi. TaKujampangiai angkana siapa jaina pappala' doannu, taerokA' ampilangngeri, nasaba' iaminjo limannu jai sikali tau nabuno.

YEHEZKIEL 39:29

LaKupantamaki RohKu antama ri bansa Israel, siagang tenamo nalanibokoi pole ke'nanga. INakke, Batara Kaminang Tinggia, anne akkana.”

YESAYA 57:17

Dosa lanri ngoana ke'nanga ampakanassuA', lanri kammana naKuhukkung siagang Kubokoi ke'nanga. Mingka terasa' dudui ulunna ke'nanga na tuli ero'na naturukiang.

YOSUA 7:11

A'gau' dosami tu Israel. Le'ba'mi Kuparentakang mae ri ke'nanga sollanna naturuki parjanjiangKu siagang ke'nanga, mingka nadakkaimi ke'nanga anjo parentaKu! Sikamma barang-barang mustia niancuru', naallei ke'nanga. Nalukkaki ke'nanga siagang nacokkoi ri alla'na barang-baranna ke'nanga sollanna tena nakaassengang.

YESAYA 58:4

Lalang appuasanu, assiba'jiko siagang a'geakko, kammayatompa nugaukangi katerassanga. Nukapangi angkanaya lanri apuasanu nakkulle nupagio' atingKu untu' ampilangngeri sikamma pappala' doannu?

YESAYA 50:1

Nakana Batara ri Israel, “He ummakKu, nukapangi angkana Kubongkako rapang se'rea bura'ne ambongkai bainenna? Punna kamma, kemae sura' talla'na? Nukapangi angkana Kubalukangko, rapang sitau mangge ambalukangi ana'na mae ri tau assingaraka pappiinrang? Tena! Nitahangko siagang nipelakko, lanri dosanu siagang kaja'dallang kalennu!

PIRAUNG 1:8

Nara'massi kalenna Yerusalem lanri gau' dosa majaina. Sikontu tumappakalompoa riolo mae ri kalenna, anne kamma mappakatunami anciniki ri assolara'na. Makkunrareng mami nagaukang napakamma siri'-siri'.

1 SAMUEL 4:3

Ri wattu ammotere'na anjo tantara tassesaya mange ri tampa' kemaya, nakanamo sikamma pamimpinna tu Israel, “Apa kutadeng saba'na naNalappassangki' Batara nibeta ri tu Filistin anne alloa? Umba nanialle Patti ParjanjianNa Batara battu ri Silo, na nierang mae anrinni, sollanna ero' Batara antulungki' siagang Napasalamakki' battu ri musua.”