YESAYA 59:18 - KITTA' MATANGKASA'

¹⁸ Napa'balassi sikamma musunNa situru' panggaukanna ke'nanga. Ba'lalo manna bansa-bansa niaka ri pulo-pulo bellaya tena todong nata'lappasa' battu ri hukkunganNa.

YESAYA 59:18 Referans Kwoze

YEREMIA 17:10

INakke, Batara, ansalidiki atia, Kuso'ri pa'mai'na rupataua. Tunggala' taua laKubalasaki situru' panggaukanna siagang Kugauki situru' panggaukanna.”

YESAYA 63:6

Lalang kalarroangKu a'rinra-rinraya, Kuonjo'-onjokangi bansa-bansaya; Kuancuruki ke'nanga, naKutumpa cera'na ke'nanga naung ri buttaya.”

ROMA 2:6

Nasaba' laNabalasaki Allata'ala mae ri taua situru' massing panggaukanna.

MATIUS 16:27

Tasalloami Nabattu Ana' Ma'rupataua siagang kakoasanNa ManggeNa, nirurungang ri malaeka'-malaeka'Na. Iaminjo wattua naNabalasa' massing panggaukanna rupataua.

NAHUM 1:2

Taerokai Karaeng Allata'ala punna nia' ambaliangi, inai-nai angngewai, ma'nassa anggappai hukkungang. Sanna' larroNa, Na'balasa' mae ri ke'nanga.

LUKAS 21:22

Nasaba' iaminjo allo-allo nikanaya, ‘Allo-allo Kabattuanna Hukkunganga,’ sollanna a'rupamo apa le'baka tattulisi' lalang ri Kittaka.

PIRAUNG 4:11

Napa'betteseki larroNa Batara na Natunu Kota Sion sa'genna sillappara' buttaya.

YESAYA 66:15

Tojeng, labattui Batara siagang pepe'; laNadongkoki karetaNa rapang anging lompo, untu' ampa'betteseki kalarroanNa, siagang angga'gara' lompo.

YESAYA 63:3

“Kale-kalengKu antama' ri pammaccokang anggoroka tena battu ri ummakKu antulungA'. Kuonjo'-onjokangi bansa-bansaya lalang larroKu, rapang tau angngonjo'-onjokanga rappo anggoro'. Tappaccoki cera'na ke'nanga na nabasai bajungKu, nara'massi sikontu pakeangKu.

YESAYA 1:24

Lanri kammana anjo Nakanamo Batara Kaminang Koasaya, Allata'alana Israel: “He, musu-musungKu, la'balasakA' mae ri kau, sa'genna tenamo nanususaiA' pole.

PAMMUJI 62:12

Pissiapammi kulangngere' Allata'ala angkana, anjo kakoasanga battu ri Ia,

AYUB 34:11

Nahukkungi taua situru' panggaukanna, Nagauki taua situru' gau'na.

PAPPICINI' 19:15

Battu ri bawaNa nia' assulu' pa'dang tarang; siagang iaminjo pa'danga laNapake ambetai bansa-bansaya, nampa laNaparenta ke'nanga siagang takkang bassi. LaNapaccoki anggoroka lalang ri pammaccokang anggoro' kalarroanNa Allata'ala Kaminang Koasaya.

PAPPICINI' 16:19

Assisa'la'mi anjo kotaya ta'bage tallu, siagang ancuru' tommi kota-kotaya ri sikontu pa'rasanganga ri linoa. Nampa Nau'rangimo Allata'ala anjo Babel lompoa. Jari Napainummi Allata'ala anjo Babel anggoro' battua ri pammoneang anggoro'Na Allata'ala – iamintu anggoro' pangngalarroi lompoNa.

LUKAS 19:27

Na kamma-kamma anne erang ngasemmi mae sikamma tau ammusua', iamintu tau tenaya naero' akkaraeng ri nakke. Buno ngasengi ke'nanga ri dallekangku!’ ”

YEHEZKIEL 38:18

Nakana Batara Kaminang Tinggia, “Mingka tena nasallo le'ba'na Gog ambunduki Israel, lajallo'Ma'.

YEHEZKIEL 6:12

Lanakasia' ngasengi ke'nanga jallo'na kalarroangKu. Sikamma tau bellaya ri butta pammelakkanga latu'guru' garringi nampa mate; tau ambania lamatei lalang bundu', siagang la'binnaya lamate naallei garring.

YEHEZKIEL 5:13

Lanupisa'ringi antekamma lompona pangngalarroingKu siagang pa'jallokangKu sa'genna sukku' Kusa'ring. Punna le'ba' ngasemmo kajariang anjo sikammaya, nampa mako latappa' angkanaya iNakke, Batara, anne a'bicara mae ri kau lanri larroKu mae ri sipa' tenana namattantu pa'mai'nu.

YEREMIA 50:29

Nakana Batara, “Suroi sikamma tantara angngeranga pana ambunduki Babel. Pagio' ngasengi sikamma tau cara'deka ammake sanjata pana. Kurungi anjo kotaya siagang teako lappassangngi manna sitau ta'lappasa'. Balasaki sikontu panggaukanna siagang gaukammi ri ke'nanga sangkamma le'baka panggaukanna, lanri le'baki a'gau' kurangajara' mae ri Nakke, Kaminang Matangkasaka, iamintu Allata'alana Israel.

KAIMANGNGANG 26:28

la'jari larroMa' ampangngajariko, siagang laKuhukkungko pole a'lappi tuju la'bi battala'na na hukkungang rioloa.

PAOLE 7:10

Mingka tena todong Nabata-bata anghukkungi tau birisika ri Ia.

YESAYA 35:4

Paui mae ri tau ca'dia pa'mai'na angkana, “Pakajarreki pa'mai'nu, teako mallakki, battui Allata'alanu untu' anghukkungi musunnu, battui untu' ampasalamakko.”

YESAYA 40:10

Ciniki, battui Karaeng Allata'ala siagang koasaNa ero' anggaukangi kaporeanNa. Nirurungang ri sikamma tau le'baka Nalappassang.

YESAYA 49:4

Mingka kukana, “Tena matu-matunna posoku; la'busu' sia-siaji kagassingangku!” Mingka tappaka' angkana Napattojengi Batara hakku, Nabalasakka' Allata'ala situru' panggaukangku.

YESAYA 65:6

Hukkunganna ke'nanga le'ba'mi tattulisi' ri dallekangKu. Tojeng, tena Kulammantang a'mereki. LaKubalasaki kaja'dallanna ke'nanga

YESAYA 65:7

lanri dosana ke'nanga siagang dosana boe-boena ke'nanga. NahinA' ke'nanga lanri attunui kamanynyang untu' rewata-rewataya ri tampa' panynyombanna ke'nanga irate ri bulu'. LaKubalasaki situru' siagang panggaukanna ke'nanga ri wattu allaloa.”

YESAYA 66:6

Pilangngeri! Nia' sa'ra gamarrung ri kotaya; nia' sa'ra battu ri BallakKu; iaminjo sa'rangKu a'balasaka mae ri musua!

YEHEZKIEL 23:49

He Ohola siagang Oholiba, laKuhukkungko lanri a'gau' bawangko siagang anynyombako ri barhala. Nampa nuassemmo angkanaya iNakke Batara Kaminang Tinggia.”

YO"EL 3:4

LanuapA' anne, he Tirus, Sidon siagang sikontu daera Filistin? Maka erokko a'balasa' mae ri Nakke? Jari, tarimami pa'balasakKu lintaka battu mae ri kau.

PAOLE 32:41

Punna le'ba' Kukantisi' pa'dangKu sa'genna accilla', laKupajappai kaadelanga. La'balasakKa' mae ri sikontu musua; Kuhukkungi tau birisika ri Nakke.

YESAYA 66:14

Nucini'na anjo kammaya, larannu mako, siagang a'jari gassing mako nukkamale kamma ruku' lolo. Nalanakasia'mo sikamma atangKu karannuangKu siagang lanakasia'mi kalarroangKu sikamma musu-musungKu.”

YEREMIA 32:19

Hebaki rancana-rancanaTa, siagang appakalannasaki sikontu panggaukanTa; Kiciniki sikontu apa nagaukanga rupataua, siagang Kibalasaki ke'nanga situru' panggaukanna ke'nanga.

YEREMIA 50:15

Ammarrangko akkio' bundu' ri tammulilina anjo kotaya! Kamma-kamma anne manyarami Babel. Tembo'-tembo'na le'ba'mi nilappo siagang niruntung. Kamma-kamma anne Kugaukangi pa'balasaka mae ri Babel. Lanri kammana anjo gaukammi mae ri ke'nanga sangkamma nagaukanga ke'nanga mae ri tau maraenga.