YESAYA 59:13 - KITTA' MATANGKASA'

¹³ Le'baki assassala' siagang angngewa ikambe mae ri Batara, siagang taeroka mannuruki ri Allata'ala ikambe. Le'baki ikambe anjallakkangi paranna tau siagang sala oloang; lingui pikkiranna ikambe, siagang a'balle-ballei bicaranna ikambe.

YESAYA 59:13 Referans Kwoze

YAKOBUS 3:6

Anjo lilaya sanrapangi pepeka. Iami akkulle nakabattui kaja'dallanga lalang ri batangkalenta; akkullei a'la'bang anjo kaja'dallanga mae ri sikontu batangkalenta battu ri anjo lilaya. Akkullei ammutung sikontu katallassanta napakamma pepe' battua ri naraka, passabakkang lilata.

IBRANI 3:12

Sikamma sari'battangku, tutu laloko, gassingka niakko kalase'rennu sanna' ja'dala'na pa'mai'na siagang tena natappa', sa'genna a'boko siagang napakabella kalenna battu ri Allata'ala assarea katallassang!

YAKOBUS 1:15

Nampa, punna naturukimo anjo kaerokang ja'dala'na, iaminjo allassukang dosa; napunna jarre'mo anjo dosaya, iaminjo angngerang kamateang.

TITUS 1:16

Nakana kalenna ke'nanga Naassengi Allata'ala, mingka ma'nassa nasassali lalang ri panggaukanna ke'nanga. Sanna' appakaringi'-ringi'na ke'nanga siagang taerokai mappilangngeri; tau tena sikali naero' ke'nanga anggaukangi apa-apa bajika.

MATIUS 10:33

Mingka inai-nai ansassaliA' ri dallekanna tau jaia angkanaya amminawangi ri Nakke, laKusassali tongi sallang ri dallekanNa ManggeKu ri suruga.”

HOSEA 7:13

Cilakai ke'nanga, lanri nabokoiMa' ke'nanga. Laancuruki ke'nanga lanri angngewana mae ri Nakke. ErokKa' ampasalamaki ke'nanga, mingka ibadana ke'nanga mae ri Nakke anu tena nakontutojeng.

HOSEA 6:7

Mingka sangkamma Adam, nudakkai janjinnu mae ri Nakke.

HOSEA 1:2

Ri wattunna uru a'bicara Batara mae ri bansa Israel tete ri nakke, Nakana Batara, “Hosea, a'buntingko siagang sitau baine nangaia assundala' nampa ana'-ana'nu la'jari sangkamma tongi anjo bainennu. UmmakKu sangkammai anjo bainennu; tena namajarre' pa'mai'na ke'nanga mae ri Nakke, siagang nabokoiA'.”

YEHEZKIEL 18:25

Nakulle kapang nia' tau akkana kamma anne, ‘Anjo tindakanNa Batara salai.’ Pilangngeri he tu Israel! Maka salai anjo tindakangKu? Ikaumi sala.

YEHEZKIEL 6:9

anjorengi ke'nanga lattallasa' ri pa'rasangang pammelakkanga. Nampa lamangngu'rangi ke'nanga mae ri Nakke, kammayatompa lanapahangi angkanaya iNakke anghukkungi siagang ampakatunai ke'nanga, lanri tenana namajarre' pa'mai'na ke'nanga mae ri Nakke. Le'ba'Ma' nabokoi ke'nanga nampa napilei barhalaya salaku sambengKu. Nampa lalanre kalenna ke'nanga mae ri kalenna lanri anjo sikontu kaja'dallang siagang kakodiang le'baka nagaukang ke'nanga.

YEREMIA 42:20

angkanaya le'ba' mako appare' kasalang lompo. Nupalaki sollangku appala' doang mae ri Karaeng Allata'alata untu' ikau ngaseng, siagang a'janjiko untu' anggaukangi sikontu apa Napaua Batara.

YEREMIA 32:40

LapparekKa' parjanjiang mannannungang siagang ke'nanga. Tena Kulammari a'gau' baji' mae ri ke'nanga. LaKupa'jari mallaki ke'nanga siagang mappakalompoi ri Nakke lalang sikontu nyawana sollanna tena nabella ke'nanga ri Nakke.

YEREMIA 17:13

Batara, iKatte panrannuanna Israel, ummatTa; sikontu a'bokoa ri Katte la'jari siri'-siri' ngasengi. Lalanynyaki ke'nanga battu ri anne linoa nampa a'lampa mange ri linona tau matea. Nasaba', iKatte kabattuanna je'ne' katallassanga le'ba' maKi' nabokoi, o Batara.

YEREMIA 5:23

Mingka kapala batuko siagang nungai angngewaya; nungai ammengka maraenga siagang ambokoiA'.

YEREMIA 3:20

Mingka rapang baine tenaya namajarre' pa'mai'na, sangkamma tomminjo tena namajarre' pa'mai'nu mae ri Nakke. INakke, Batara, anne a'bicara.”

YEREMIA 3:10

Le'baki nagaukang ngaseng sikammaya anjo, ammotere'mi anjo tu Yehuda tamajarreka pa'mai'na mae ri Nakke mingka assara-saraiji, lanri tena natulusu' antama' ri atinna ke'nanga. INakke, Batara, anne a'bicara.”

YEREMIA 2:13

Ruang rupa dosa nagaukang ummakKu: nabokoiA' assarea je'ne' pannallassi ri rupataua; napapparekangi kalenna ke'nanga kalo'bang assabang tenaya nakkulle annahang je'ne' tingkasa'na.”

YESAYA 57:11

Nakana Batara, “Inaika anjo rewata-rewata ampajariako malla', sa'gennu a'balle-balle siagang tenamo nungngu'rangi mae ri Nakke? Apaka tenamo nunynyomba mae ri Nakke lanri sallo duduKumo tamakkana-kanaya?

YESAYA 48:8

Kuassengi angkanaya takkulleako nipatappa', battu rioloji numasahoro' angkana tunungai doraka. Lanri kammana minjo na tanuassenga, tena manna sibuku kana battu mae ri tolinnu.

YESAYA 32:6

Tau toloa kana-kana tolo napasulu' siagang kaja'dallang narancana. Apa-apa mamo nagaukang yareka napau, tuli nahinai Allata'ala. Tale'bakai nasare kanre tau cipuruka yareka nasare je'ne' inung tau turerea.

YESAYA 31:6

Nakana batara, “O, bansa Israel, nuewaMa' siagang doraka mako ri Nakke. Mingka kamma-kamma anne, ammotere' lalo mako mae ri Nakke!

YESAYA 5:7

Saba' koko anggoro'Na Batara Kaminang Koasaya iamintu umma' Israel, siagang tu Yehuda iami poko' anggoro' Nalamunga. Battu ri ke'nangami Naminasai kaadelanga, mingka kapallakkanji napa'nia'. Naminasai ke'nanga appaenteng katojengang, mingka karru'ji appala' kaadelang napanai'.

PANGNGEBARANG 30:9

Saba', punna kalumanynyanga', gassingka kukana sallang angkana tenamo kuparalluangKi'. Na punna kasi-asia', gassingka a'lukkaka' sa'genna kura'massi arenTa.”

PAMMUJI 78:36

Mingka naballe-ballei ke'nanga Allata'ala, bicaranna ke'nanga sangnging balle-balle bawang.

PAMMUJI 18:21

Nabalasaki Batara panggaukang tojengku; Nabarakkakia' lanri tena kusala.

YOSUA 24:27

Le'baki anjo nakanamo Yosua mange ri yangasenna anjo taua, “Anne batua a'jari sa'bi mae ri katte. Sikontu kana-kana Napabattua Batara mae ri katte, le'ba'mi nipau ri dallekanna anne batua. Jari, iaminne batua la'jari sa'bi mae ri kau ngaseng, untu' ampiu'rangiangko sollanna tena nanuewai Allata'alanu.”

AYUB 31:28

Dosa kammaya anjo siratangi anggappa hukkungang mate; lanri nasassali Allata'ala Kaminang Koasaya.

YESAYA 10:1

Cilakako kau appareka hukkung tenaya naadele' untu' anjallakkangi bansaKu.

YESAYA 30:12

Lanri kammana anjo Nakanamo Allata'ala matangkasa'na Israel, “Nutollaki kanangKu siagang nupattoang panjallakkanga siagang pannipuanga.

YESAYA 58:2

Tunggala' alloi anynyomba ke'nanga mae ri Nakke, siagang eroki naasseng erokKu, kamma nicini' angkana bajiki apa nagaukanga ke'nanga, siagang majarreki mae ri hukkungKu. Nakana ke'nanga angkana sannangi nyawana anynyomba ri Nakke siagang nakellai adele' hukkungKu.”

YESAYA 58:9

Punna appala' doangko, laKuturukiangko pappala'nu. Punna akkiokko mae ri Nakke, lappialiA' mae ri kau. Tea' mako jallakkangi parannu tau, pammarimi passimusuanga siagang pitinaya.

YESAYA 58:13

Nakana Batara, “Pakalompoi allo Pammari-marianga, a'jari allonNa Batara. Teako urusuki kaparalluang kalennu ri anjo alloa. Pakalompoi anjo alloa a'jari allo mate'ne; pakalompoi anjo allonNa Batara iamintu teako a'lampai; teako anjamai yareka a'bicara tenaya matu-matunna.

YEREMIA 12:8

Umma' nipileKu nabaliangA'; rapang singa ri romang lompoa, kammaminjo ammarrunna sa'ranna ke'nanga mae ri Nakke. Iaminjo saba'na naKubirisi' mae ri ke'nanga.

AMOS 6:12

Maka akkullei lari jaranga irate ri bulu' batua? Niakka tau le'ba' ampa'jekoi tamparanga siagang sapi? Mingka ikau ngaseng le'ba'mi nuputara' bale' kaadelanga a'jari racung ammunoa, siagang annabaya a'jari sala.

YEREMIA 2:16

He Israel, nigoncimmi uu'nu ri tu Memfis siagang tu Tahpanhes.

YEREMIA 2:17

Kalennu tonji a'jari passabakkang sikontu apa kajarianga mae ri kalennu, lanri ri wattunnu Kuulu ri pa'jappannu, ma'bokoko ri Nakke, Karaeng Allata'alanu

HOSEA 7:1

Nakana Batara, “Sampang eroki Kupammolle ummakKu Israel siagang Kupakabaji' ammotere' pattallassanna ke'nanga ia tuli Kucinika iamintu kaja'dallanna siagang dosana bawang ke'nanga. Assitipui para ia ke'nanga, antamaki ri balla'na taua a'lukka', siagang angngellaki ke'nanga ri aganga.