YESAYA 59:12 - KITTA' MATANGKASA'

¹² Tamaka jaina kaja'dallanna ikambe mae ri Katte; dosa-dosana ikambe ampassalai ikambe. Napahang tojemmi ikambe kaja'dallanna ikambe, siagang naassemmi sikamma dosa-dosana ikambe.

YESAYA 59:12 Referans Kwoze

EZRA 9:6

Kukanamo, “O, Allata'alaku, siri'-sirika' angngangkaki ulungku ri dallekanTa. Dosa-dosana ikambe attambung-tambungi irate ri ulunna ikambe sa'genna narapi' langika.

HOSEA 5:5

A'nassai nicini' katampoanna bansa Israel, siagang a'jari buttimi ri kasalanna. Dosana ke'nanga a'jari saba' natatto'ro siagang tu'guru', siagang bansa Yehuda tu'guru' tommi siagang ke'nanga.

HOSEA 4:2

Assumpai ke'nanga mingka tena narupai; paballe-ballei ke'nanga, ammunoi, a'lukkaki siagang a'gau' bawangi. Katambangi ka'ja'dallanga, siagang sitampe-tampei kajariang pammunoanga.

YEHEZKIEL 5:6

Mingka Yerusalem natollaki parentaKu siagang a'nassami angkana ja'dallangngangi nabansa-bansa maraenga, ba'lalo la'bi tenangngang namannuruki nabansa-bansa maraenga ri tammulilina. Nadakkai Yerusalem parenta-parentaKu siagang taerokai tundu' mae ri hukkung-hukkungKu.”

YEREMIA 14:7

Akkioki ummakKu angkana, ‘Batara manna pole naniutung ikambe ri dosana mingka Kitulungi ikambe situru' janjinTa. A'mole-mole maKi' nibokoi ri kambe; tojeng, dorakami ikambe ri Katte.

YESAYA 1:4

Cilakako kau bansa dorakaya, tau panraka siagang ja'dalaka! Ta'loposo' ngaseng mako lanri dosa-dosanu. Nutollaki Batara siagang nubokoi Allata'ala Kaminang Matangkasaka, siratanga musti nusomba.

HOSEA 7:10

A'nassai nicini' katampoanna tu Israel siagang iaminjo a'jari butti mae ri kasalanna ke'nanga. Manna pole nakajariang ngasemmo anjo sikammaya, tena tongijapa naboyA' ke'nanga yareka ammotere' mae ri Nakke, Karaeng Allata'alana ke'nanga.

YEHEZKIEL 7:23

Sikontu pa'rasanganga a'jari ricui; kemae-kemae nia' pammunoang siagang kapallakkang.

YEREMIA 3:2

Coba sako accini' nai' ri coppo'-coppo'na buluka! Tampa' kereanga mami tena le'ba' nubattui untu' a'gau' bawang? Sangkamma tu Arab ri parang lompoa, kammaminjo batenu ammempo ri biring aganga attayang tau lanuaganga attanring. Nurantassi anne pa'rasanganga lanri a'gau' bawannu siagang kaja'dallannu.

YESAYA 3:9

Sipa' borrona ke'nanga ampa'nassai kaja'dallanna ke'nanga. A'nassa-nassai ke'nanga doraka sangkamma tu Sodom riolo. Cilakami ke'nanga! Kalenna tonji ke'nanga ampabattui cilakaya mae ri kalenna.

NEHEMIA 9:33

Adeleki tindakanTa, Kihukkungi anne ikambe dorakaya; tuli majarrekKi', manna jai callanna ikambe.

EZRA 9:13

Dorakami ikambe siagang nadakkaimi hukkunTa, kammayatompa Kihukkummi ikambe. Mingka naassengi ikambe, o Allata'alana ikambe, angkanaya anjo hukkunganTa mae ri kambe tenapa nasambattala' siratanga siagang battala'na dosana ikambe, ba'lalo Kipasalama' iji ikambe.

PAMMILANGNGANG 32:23

Mingka u'rangi, punna tena nurupai janjinnu, dorakako mae ri Batara siagang lanihukkungko lanri anjo dosanu.

PAMMUJI 51:3

Kikamaseanga' o, Allata'ala, lanri tuli mangngamaseanTa, Kilu'lu'mi dosaku lanri pangngamaseang lompoTa.

YESAYA 58:1

Nakana Batara, “Gassingi ammarrang! Pauangi sikamma dosana ummakKu.

HABAKUK 1:4

Hukkunga nibawang-bawangngangi siagang kaadelanga tale'bakai nipaenteng. Tau ja'dalaka ammetai mae ri tau lambusuka, siagang kaadelanga niputara' baleki.

YESAYA 64:4

Tale'bakai nia' allangngere', siagang tale'bakai nia' accini' angkanaya pantaranganna iKatte nia' ija allata'ala maraeng, angngallea tindakang mae ri tau manrannuanga ri ia.

YEHEZKIEL 7:16

Nia' sipa'gang lata'lappasa' nampa lari naiki ri pa'bulukanga. Anjoreng lasanrapangi ke'nanga jangang-jangang pune-pune nibongkaya battu ri ka'bunga; kabusu'na lakkunrarengi pa'risi' lanri dosa-dosana ke'nanga.