YESAYA 58:3 - KITTA' MATANGKASA'

³ Akkuta'nangi anjo bansaya angkana, “Apa matu-matunta taua appuasa punna tena Naciniki Batara? Apa matu-matunta nipakatuna kalenta punna tena Naparhatikangki'?” Nakanamo Batara, “Sikontutojenna, lalang appuasanu, nuboyami kaparalluang kalennu na nupacco' sikamma tungnganre gajinu.

YESAYA 58:3 Referans Kwoze

MALEAKHI 3:14

Nukana ngaseng, ‘Tena matu-matunna taua anynyomba ri Allata'ala. Apa matu-matunna nigaukang kawajibanta mae ri Batara Kaminang Koasaya, yareka nipappicinikang mae ri Ia angkanaya assesse' lalang maki' ri kasalanta?

KAIMANGNGANG 16:29

Anne paratorang-paratoranga musti nituruki sa'genna satunggu-tungguna. Ri tanggala' sampulo bulang tuju, tu Israel siagang bansa maraeng ammantang tulia ri alla'na ke'nanga musti appuasai siagang tanipa'biangai anjama, nasaba' anjo alloa iamintu allo teai sipato' matangkasa'na. Anjo alloa musti nigaukangi upacaraya untu' antangkasi bansa Israel battu ri sikontu dosana ke'nanga sollanna a'jari matangkasa'.

PANGNGEBARANG 28:9

Punna tena numannuruki ri hukkunNa Allata'ala, latakkoa' tongi Allata'ala ri pappala' doannu.

NEHEMIA 5:7

Kupattantumi angkana langngallea' tindakang. Nampa kupakainga'mo sikamma tutoa-toana ra'yaka siagang sikamma pamimpinna ra'yaka. Kukana ri ke'nanga, “Angngapa nanujallakkang sikamma sari'battannu tonji?” Nampa appare'ma passirapakkang siagang tau jaia untu' a'boya cara untu' ambantui ke'nanga ri kasusaanga.

LUKAS 15:29

Mingka nakanamo anjo anaka, ‘Attaung-taummi salloku akkareso ampanjamangki'. Tena le'bakai takugaukang apa kipassuroanga ri nakke. Na apa le'ba' kipassareang mae ri nakke? Manna sikayu bembe tale'baka' kisare lakupake assua'-suara' siagang agang-agangku!

YESAYA 47:6

Riolo larroA' mae ri ummakKu, tenamo naKukana iNakke ampatangi. Nampa Kupassareang ke'nanga mae ri kau, nampa tena nukamaseangi ke'nanga, ba'lalo manna tau toa-toaya nujallakkang nukapallaki todong.

YESAYA 22:13

Mingka kabalekanna, ikau assannang-sannang jako siagang assua'-suara' jako. Ammolongko sapi siagang gimbala', angnganre dageng siagang angnginung je'ne' anggoro' nampa akkio' angkana, “Umba ningnganre siagang angnginung, saba' ammuko lamate maki'!”

PAMMUJI 69:10

Sanna' lompona sumangakku lanri mangngaiku ri BallatTa, paccau-cauna tau anghinayaKi' natujui kalengku.

PAMMILANGNGANG 23:4

nampa anjoreng nia'mi Allata'ala battu mae ri ia. Nakanamo Bileam mae ri Allata'ala, “Le'bakka' ambangung tuju tampa' pakkoro'bangngang siagang assare sikayu sapi laki kammayatompa sikayu gimbala' laki irate ri massing anjo tampa' pakkoro'bangnganga.”

EZRA 8:21

Nampa kupa'la'bammo kupau anjoreng ri biring Binanga Ahawa angkana sikontu taua musti appuasai siagang napakatunai kalenna ri dallekanNa Allata'ala. Appala' doammi ikambe sollanna nipimping ikambe ri Allata'ala lalang ri anjo pa'jappanga, siagang Najagai ikambe, ana'-ana'na ikambe, siagang sikontu barang-baranna ikambe.

YESAYA 22:12

Anjo wattua laNasuro ngasengko Batara Kaminang Tinggia siagang Kaminang Makoasaya angngarru' siagang appiraung, ancukkuruki uu'nu siagang ammake kaeng karung.

AYUB 34:9

Nakana, tena matu-matunna punna usaha taua anggaukangi ero'Na Allata'ala.