YESAYA 58:2 - KITTA' MATANGKASA'

² Tunggala' alloi anynyomba ke'nanga mae ri Nakke, siagang eroki naasseng erokKu, kamma nicini' angkana bajiki apa nagaukanga ke'nanga, siagang majarreki mae ri hukkungKu. Nakana ke'nanga angkana sannangi nyawana anynyomba ri Nakke siagang nakellai adele' hukkungKu.”

YESAYA 58:2 Referans Kwoze

TITUS 1:16

Nakana kalenna ke'nanga Naassengi Allata'ala, mingka ma'nassa nasassali lalang ri panggaukanna ke'nanga. Sanna' appakaringi'-ringi'na ke'nanga siagang taerokai mappilangngeri; tau tena sikali naero' ke'nanga anggaukangi apa-apa bajika.

YESAYA 29:13

Nakana Batara, “Anjo taua nasombA' siagang bawana, mingka atinna lalang bellai ri Nakke. Agamana ke'nanga poro atorang napare'ji rupataua, untu' niapele'ji bawang.

YOHANES 5:35

Anjo Yohanes, sanrapangi lampu a'rinraya siagang tassioroka cayana. Untu' sinampekang, nungai antarimai anjo cayana.

MARKUS 12:14

Battumi ke'nanga mae ri Isa nakkuta'nang angkana, “Bapa' Guru, naassengi kambe angkanaya iKatte tau lambusukKi', siagang manna inai tena Kijampangi panggappana. Punna angngajarakKi' Kipaui silambusu'na apa ero'Na Allata'ala mae ri rupataua. Tena kimmile-mile tau. Jari Kipau sabeki ri kambe, ‘Manuru' ri atoranna agamata, maka akkulleji taua a'bayara' sima mae ri Karaenga yareka tena? Apaka musti nibayaraki anjo simaya yareka tena?’ ”

MARKUS 6:20

Nasaba' le'ba'mi nasuro jagai baji'-baji' Herodes kasalamakkanna Yohanes lalang ri tarungkua, lanri mallaki ri Yohanes. Naassengi angkanaya tau baji' anjo Yohanes, nisuroa ri Allata'ala. Na memang, punna a'bicara Yohanes, nangai tonji Herodes allangngereki, manna mamo na'jari sanna' lussa'na nyawana napakamma.

YEREMIA 42:20

angkanaya le'ba' mako appare' kasalang lompo. Nupalaki sollangku appala' doang mae ri Karaeng Allata'alata untu' ikau ngaseng, siagang a'janjiko untu' anggaukangi sikontu apa Napaua Batara.

YEREMIA 42:2

mae ri nakke nampa angkana, “Bapa', sangkamma kicinika kalenta, ikambe anne riolo jaiki', na kamma-kamma anne sike'de' mamaki' ammantang. Napalaki ikambe ri katte Bapa', nakiero' ampappala' doangngangi ikambe mae ri Karaeng Allata'ala kisombaya. Kipappala' doangngangi ikambe anne niaka ija tassesa ri Karaeng Allata'ala kisombaya,

PANGNGEBARANG 15:8

Natarimai Batara pappala' doanna tau bajika, mingka birisiki mae ri passarena tau ja'dalaka.

YAKOBUS 4:8

A'reppesekko mae ri Allata'ala na'reppese' todong Allata'ala mae ri kau. Bissaimi limannu, ikau tau dorakaya! Siagang tangkasi atinnu, ikau tau a'rua nyawaya!

PAMMUJI 119:15

Erokka' ampilajari sikontu kaputusanTa, siagang amparhatikangi sikamma pitunju'-pitunjutTa.

PAMMUJI 119:87

Sike'de' mami nakkullemo ke'nanga ambunoa', mingka tena nakubalang parekangi parentaTa.

PAMMUJI 119:151

Mingka iKatte a'reppesekKi', o, Batara, annabai sikontu parentaTa.

YESAYA 1:4

Cilakako kau bansa dorakaya, tau panraka siagang ja'dalaka! Ta'loposo' ngaseng mako lanri dosa-dosanu. Nutollaki Batara siagang nubokoi Allata'ala Kaminang Matangkasaka, siratanga musti nusomba.

YESAYA 1:28

Mingka tau dorakaya, angngewaya mae ri Ia, laNapanraki, nampa sikamma tau ambokoiyai laNapaccappuki.

YESAYA 57:3

Mingka ikau ngaseng tau dorakaya, battu mako mae untu' niadeli! Tena nubajikangngang na pabale'-bale' mataya, siagang tau nangaia a'gau' bawang kammayatompa baine pagau' salaya!

YESAYA 57:12

Mingka Kupauangko angkanaya, anjo kabajikannu anu nupare'-pare', na sikontu panggaukannu tena matu-matunna mae ri kalennu.

YESAYA 59:13

Le'baki assassala' siagang angngewa ikambe mae ri Batara, siagang taeroka mannuruki ri Allata'ala ikambe. Le'baki ikambe anjallakkangi paranna tau siagang sala oloang; lingui pikkiranna ikambe, siagang a'balle-ballei bicaranna ikambe.

YEREMIA 7:9

A'lukkakko, ammunoko, a'gau' bawangko, sa'bi balle-balleko, assareko koro'bang mae ri Rewata Baal, siagang anynyombako mae ri rewata-rewata tenaya nanuassengi.

YEREMIA 7:10

Punna le'ba' ngasemmo anjo sikammaya nugaukang, battu mako mae anrinni ri BallakKu, nampa nukana, ‘Amangki'!’ Nampa nupatulusu' pole nugaukang anjo panggaukang palla'nu.

YESAYA 42:20

Israel, jai nucini', mingka tena nuparhatikangi, tassungkei tolinnu, mingka tena nullangngere'.”

YEHEZKIEL 20:3

“He tau, a'bicarako siagang anjo sikamma pamimpinga siagang pauangi angkana iNakke, Batara Kaminang Tinggia, akkana kamma anne, ‘Barani sikaliko appala' pangngunju' mae ri Nakke! Lanri iNakke, Allata'ala mattallasaka, taeroKa' nipappalakki pangngunju' ri kau! INakke, Batara Kaminang Tinggia anne akkana.’

AMOS 5:18

Tojeng, cilaka ngaseng mako tau nakkuka ri AllonNa Batara! Apa matu-matunna anjo alloa mae ri kau? Anjo alloa poro allo sassanji bawang, teai allo singara' mae ri kau.