YESAYA 58:1 - KITTA' MATANGKASA'

¹ Nakana Batara, “Gassingi ammarrang! Pauangi sikamma dosana ummakKu.

YESAYA 58:1 Referans Kwoze

TITUS 2:15

Pangngajarrangi yangasenna anjo, siagang pakaingaki kammayatompa piu'rangi sikamma tau mallangngereka; usahakangi nangngali' ke'nanga mae ri kau. Teako pa'biangi kalennu nicini' tuna ri taua.

HOSEA 8:1

Nakana Batara, “Pasa'rai tanra bahayaya! Niaki musua ambunduki pa'rasangangKu rapang balangkoa' antamberoai apa lanakanrea! UmmakKu nadakkai parjanjiangKu siagang ke'nanga, siagang nabaliangi ajarang-ajarangKu.

YEHEZKIEL 20:4

He tau, sadia mako untu' angngadeli ke'nanga? Gaukammi! Pakaingaki ke'nanga sikontu kakodiang le'baka nagaukang boe-boena ke'nanga.

YEHEZKIEL 22:2

“He tau, sadia mako untu' angngadeli anjo kota rassia pabuno? Picinikiangi sikontu panggaukanna appakaringika.”

YESAYA 56:10

Nakana Batara, “Sangnging tau buta sikamma pamimpinna bansaKu! Tena apa-apa naasseng ke'nanga. Rapangi ke'nanga kongkong pepe tenaya nappilollong, mingka attinroji siagang asso'naji bawang. Sannang sikali tinrona ke'nanga!

YESAYA 40:6

Nia' sa'ra angkana, “Kabarrangi!” Akkuta'nanga', “Apa musti kukabarrang?” “Kabarrangi angkana rupataua rapang ruku', rapang bunga poro sinampe'ji ga'gana.

PAPPICINI' 1:10

Ri allonNa Batara, nikoasaia' ri RohNa Allata'ala; nampa nia' kulangngere' sa'ra sannaka lompona, sangkamma sa'ra tarompe', battu ri bokoku.

PAPPICINI' 4:1

Le'baki anjo anggappama' pole paccini'. Accinikka' se're pakke'bu' tassungke ri suruga. Nampa kulangngere'mo pole anjo sa'ra le'baka kulangngere' a'bicara mae ri nakke, sangkammaya tarompe' sa'ranna. Nakana anjo sa'raya, “Naikko mae anrinni. Erokko Kupicinikiang apa lakajarianga sallang.”

YESAYA 27:13

Anjo wattua lanipasa'rai tarompe' lompoa untu' angkioki ammotere' sikontu tu Israel nipelaka mange ri Asyur siagang Mesir. Labattui ke'nanga Mange ri Yerusalem untu' anynyomba ri Batara, ri bulu' matangkasa'Na.

YESAYA 2:5

He, turunganna Yakub, umba ki'jappa lalang singara'Na Batara!

YESAYA 43:27

Dorakami boe-boenu riolo dudua, sikamma pamimpinnu angngewai ri Nakke,

YESAYA 50:1

Nakana Batara ri Israel, “He ummakKu, nukapangi angkana Kubongkako rapang se'rea bura'ne ambongkai bainenna? Punna kamma, kemae sura' talla'na? Nukapangi angkana Kubalukangko, rapang sitau mangge ambalukangi ana'na mae ri tau assingaraka pappiinrang? Tena! Nitahangko siagang nipelakko, lanri dosanu siagang kaja'dallang kalennu!

YESAYA 57:12

Mingka Kupauangko angkanaya, anjo kabajikannu anu nupare'-pare', na sikontu panggaukannu tena matu-matunna mae ri kalennu.

YESAYA 59:12

Tamaka jaina kaja'dallanna ikambe mae ri Katte; dosa-dosana ikambe ampassalai ikambe. Napahang tojemmi ikambe kaja'dallanna ikambe, siagang naassemmi sikamma dosa-dosana ikambe.

YEREMIA 6:17

Nampa a'mole-molemo Batara angngangka' pajaga untu' ampakaingaki ke'nanga sollanna napilangngeri pammateina sa'ra tarompeka. Mingka nakana ummaka, “Taerokai ikambe ampilangngeri.”

PIRAUNG 2:14

Apa napabattua na'bi-na'bia mae ri kau, sangnging balle-balleji bawang. Tena le'bakai nasungke ke'nanga dosanu, sa'genna tena nutoba'. Kabalekanna iaji bawang napabattu ri kau kana-kana baji' a'balle-ballea.

YEHEZKIEL 16:2

“He tau, pappicinikangi mae ri Yerusalem sikamma panggaukang kodi le'baka nagaukang ke'nanga.”

YEHEZKIEL 23:36

Nakana Batara ri nakke, “He tau, sadia mako untu' angngadeli Ohola siagang Oholiba? Pakaingaki ke'nanga ri passala' kakodiang le'baka nagaukang ke'nanga.

YEHEZKIEL 33:3

Punna naciniki anjo pajagaya battu musua, lappasa'rai pammatei tanra bahaya, sollanna tutu kabusu' taua.

YUNUS 1:2

Nakana, “A'lampako mange ri Niniwe, anjo kota lompoa, untu' angngancangi, lanri Kuassengi angkanaya pandudu'na sanna' ja'dala'na.”

YEREMIA 36:9

Ri bulang salapang taung makalima pamarentahanna Yoyakim karaeng Yehuda, appuasai ra'yaka untu' ampalaki pangngamaseanNa Batara. Pandudu'na Yerusalem siagang sikamma tau battua ri kota-kota Yehuda, appuasa ngasengi.