YESAYA 57:4 - KITTA' MATANGKASA'

⁴ Inai nukakkali? Inai nucau-cau? Sai ikau turungang paballe-balleko siagang turungang tau nangaia angngewa?

YESAYA 57:4 Referans Kwoze

2 PETRUS 2:13

Lanakasiaki ke'nanga kasessanga, a'jari pa'balasa' mae ri kasessang le'baka napare' ke'nanga. Ia nangaia ke'nanga iamintu tena masala nagaukang ri wattu singara'na alloa, sollanna napassukku' apa nakacinnanga tubuna ke'nanga. Punna simammempoangko siagang ke'nanga ri wattu pangnganre-nganreanga, sanna' appakaringi'na panggaukanna ke'nanga lanri nibengona ri hawa napasuna ke'nanga.

YESAYA 1:4

Cilakako kau bansa dorakaya, tau panraka siagang ja'dalaka! Ta'loposo' ngaseng mako lanri dosa-dosanu. Nutollaki Batara siagang nubokoi Allata'ala Kaminang Matangkasaka, siratanga musti nusomba.

PAMMUJI 35:21

Ammarrang-marrangi ke'nanga mae ri nakke angkana nacini'mi ke'nanga apa le'baka kugaukang.

KALAPPASSANG 9:17

Mingka manna mamo nakamma anjo, tuli tinggi langganu siagang taerokako allappassangi ummakKu a'lampa.

KOLOSE 3:6

Yangasennami anjo kammaya ampabattui pangngalarroinNa Allata'ala mae ri tau tenaya namannuruki ri Ia.

EFESUS 5:6

Teako erokki nitipu ri bicara-bicara tenaya bonena. Nasaba' ia ngasemmi anne kammaya ampammumbai pangngalarroiNa Allata'ala mae ri tau tenaya namannuruki ri Ia.

LAMPA-LAMPANA 9:4

Tu'guru'mi Saulus naung ri buttaya, nampa nia' sa'ra nalangngere' angkana ri ia, “O Saulus, Saulus! Apa saba'na nanusessa kamma duduA'?”

LUKAS 10:16

Nampa Nakana Isa mae ri ana'-ana' gurunNa, “Inai-nai ampilangngeri kanannu, iNakke mintu napilangngeri. Inai-nai ansorongbokoko, iNakke mintu nasorongboko. Na inai-nai ansorongbokoA', nasorongboko tommi Allata'ala assuroA'.”

MATIUS 27:29

Appare'mi ke'nanga passikko' ulu akkatintinga, nampa napasongko' ri ulunNa Isa. Nampa napita'galliang takkang bulo ri lima kananNa. Le'baki anjo akkulantu'mi ke'nanga ri dallekanNa Isa. Nacau-caumi Isa nakana, “Iye', Karaeng tu Yahudi!”

MATIUS 13:38

Anjo tanaya, iaminne linoa nataba. Na anjo lamungang bajika, iamintu tau a'jariamo umma'Na Allata'ala. Na anjo reaya, iamintu tau mannurukia ri Billisika.

HOSEA 10:9

Nakana Batara, “Baku' kajarianga ri Gibea, tenammariapi tu Israel a'gau' dosa angngewa ri Nakke. Lanri kammana anjo ri Gibea tommi ke'nanga lanatuju pa'bundukang.

YEHEZKIEL 2:4

Kapala batui ke'nanga siagang tena napakalompoA'. Kusuroko mange ri ke'nanga untu' ampabattui kanangKu, iamintu iNakke Batara Kaminang Tinggia, mae ri ke'nanga,

YESAYA 37:29

siagang Kulangngere'mi ri passala'na anjo kalarroannu siagang katampoannu. Kamma-kamma anne Kusarei pakkai' ka'murunnu siagang Kusarei sa'mang bawanu, nampa Kubesokko ammotere' allalo ri oloang nuoloa ri wattunnu battu.”

YESAYA 37:23

Nuassenji angkana inai anjo nupakka-pakkanaia siagang nuhinaya? INakke, Allata'alana Israel, Allata'ala matangkasaka.

YESAYA 30:9

Saba', anjo ke'nanga bansa nangai angngewaya ri Allata'ala, nangai a'balle-balle siagang tale'bakai ero' appilangngeri ri pangngajaranNa Batara.

YESAYA 30:1

Nakana Batara, “Cilakai sikamma pamimpinna tu Yehuda, lanri angngewana ke'nanga ri Nakke. Rancanana ke'nanga naturuki, teai rancanaKu. Annekengi parjanjiang ke'nanga, tenaya nasicoco' siagang erokKu. Jari attambung-tambummi dosana ke'nanga.

YESAYA 10:15

Mingka Nakana Batara, “Maka akkullei napattampoang kalenna pangkuluka mae ri tau ampakei ammangkulu'? Maka la'bi paralluangangi garagajia na tau ampagaragajiai? Teai palu-palua angngangkaki taua, passangalinna tauaji angngangkaki palu-palua.”

PAMMUJI 69:12

Ammakea' kaeng karung pammatei ri susaku, mingka napianderia' ke'nanga.

PAMMUJI 22:17

Nikatulunga' ri garombolang tau ja'dalaka; sanrapang kongkong jaia ke'nanga angkatulunga, anto'do'-to'doki limangku siagang bangkengku.

PAMMUJI 22:13

Sanrapangi tedong romang jaia, musua angkatulunga', sanrapang tedong romang liara' battu ri Basan angkatulunga'.

PAMMUJI 22:7

Mingka inakke anne sanrapanja' gallang-gallang, teai rupatau, nicau-cau na nihina ri tau jaia.

YOSUA 10:21

Nampa ammotere' ngasemmo tantarana Yosua siagang salama' mange ri Yosua ri pakkemaanga ri Makeda. Tena manna sitau ri anjo pa'rasanganga barani akkana angngewai tu Israel.

PAMMILANGNGANG 16:11

Punna ikau siagang sikamma tumminawannu a'moro-moro mae ri Harun, sikontutojenna angngewa mako mae ri Batara!”

YESAYA 48:8

Kuassengi angkanaya takkulleako nipatappa', battu rioloji numasahoro' angkana tunungai doraka. Lanri kammana minjo na tanuassenga, tena manna sibuku kana battu mae ri tolinnu.

YESAYA 57:5

Anynyombako ri rewata-rewata kacopponganga siagang nupassareang kalennu anturukiangi hawa napasunu irawanganna poko'-poko' kayu karama'nu. Nutarawangi sikamma ana'nu lalang ri binangaya, ri alla'-alla'na batua.

2 PATTOTTORANG 36:16

Mingka napare' karek-karenanji anjo sikamma tunisuroNa Allata'ala, siagang nakakkali na'bi-na'biNa, kammayatompa tena najampangi kana-kananNa. Kale'bakkanna sanna'mi larrona Batara mae ri ke'nanga, siagang takkulleami ke'nanga ta'lappasa' battu ri hukkunganNa Batara.

YEREMIA 20:8

Punna kua'bicara, musti ammarranga' sigassing-gassingku, angkana, “Kapallakkang! Bala!” O Batara, Nicau-caua' ri kere-kere wattu, lanri kupabattuna pasanTa.