YESAYA 57:3 - KITTA' MATANGKASA'

³ Mingka ikau ngaseng tau dorakaya, battu mako mae untu' niadeli! Tena nubajikangngang na pabale'-bale' mataya, siagang tau nangaia a'gau' bawang kammayatompa baine pagau' salaya!

YESAYA 57:3 Referans Kwoze

MATIUS 16:4

Teai sipato' ja'dala'na siagang dorakana ngaseng taua ri anne jammanga. NusuroA' anggaukangi gau' appakalannasaka. Mingka manna sirupa gau' appakalannasa' tena todong lanipicinikiangko, pantaranganna gau' appakalannasa' le'baka kajariang ri kalenna Na'bi Yunus.” Le'baki akkana kamma Isa, a'lampami ambokoi ke'nanga.

1 YOHANES 3:10

Iaminne sisalana ana'-ana'Na Allata'ala siagang ana'-ana'na Billisika: inai-nai tena nagaukangi ero'Na Allata'ala, yareka tena nakamaseangi paranna tau, anjo taua teai ana'Na Allata'ala.

YAKOBUS 4:4

Teai ngasengko tau majarre'! Maka nuassengi angkanaya punna agangko mae ri linoa, a'jari musuko mae ri Allata'ala? Jari inai-nai ero' a'jari agang mae ri anne linoa, napa'jarimi kalenna musu mae ri Allata'ala.

LUKAS 3:7

Jaimi tau mae ri Yohanes untu' nije'ne'. Nakanamo Yohanes ri ke'nanga, “Ikau ngaseng tau ja'dalaka! Inai ampauangko angkanaya lakkullei nuliliang hukkungang labattua ri Allata'ala?

MATIUS 23:33

E, ikau ngaseng tau ja'dalaka siagang sossorang tau ja'dalaka! Antekamma lakkulle nuliliang hukkunganga ri naraka?

MATIUS 12:34

Ikau tau ja'dala' ngasengko! Antekammako lakkulle ampaui kabajikanga punna tau ja'dalakko? Apa nupau iamintu bonena lalang atinnu, assulu' battu ri bawanu!

MATIUS 3:7

Jai tommi tu Farisi siagang tu Saduki battu mae ri Yohanes, ero' assuro je'neki kalenna. Mingka nacini'na Yohanes battu todong ke'nanga, nakanamo ri ke'nanga, “Ikau ngaseng tu ja'dalaka! Inai ampauangko angkanaya akkullei nuliliang hukkunganNa Allata'ala, labattua sallang mae ri kau?

HOSEA 1:2

Ri wattunna uru a'bicara Batara mae ri bansa Israel tete ri nakke, Nakana Batara, “Hosea, a'buntingko siagang sitau baine nangaia assundala' nampa ana'-ana'nu la'jari sangkamma tongi anjo bainennu. UmmakKu sangkammai anjo bainennu; tena namajarre' pa'mai'na ke'nanga mae ri Nakke, siagang nabokoiA'.”

YESAYA 45:20

Nakana Batara, “A'rappung mako siagang battu mako assama-sama, ikau ngaseng tau ta'lappasaka ri bansa-bansaya! Dongoki tau a'balulunga anrurungangi patung kayua, siagang appala' doanga mae ri rewata-rewataya ia tenaya nakkulle appasalama'.

YESAYA 1:21

Kota tamamminraya tappa'na riolo taunna, kamma-kamma anne sanrapammi baine pagau' sala! Riolo yangaseng pandudu'na adeleki, lambusuki, mingka kamma-kamma anne sangnging pabuno-buno pandudu'na.

PA'JARIANG 3:15

Lasikabirisiko siagang anne bainea. Sossorannu siagang sossoranna latuli simusui. Laniancuruki ulunnu ri sossoranna, nalanukokko' kacunu'na ke'nanga.”

YESAYA 1:4

Cilakako kau bansa dorakaya, tau panraka siagang ja'dalaka! Ta'loposo' ngaseng mako lanri dosa-dosanu. Nutollaki Batara siagang nubokoi Allata'ala Kaminang Matangkasaka, siratanga musti nusomba.

YESAYA 48:16

Battu mako a'reppese' mae ri Nakke siagang pilangngeri, battu riolo iji Ku'bicaramo silambusu'na; na sikamma kanangKu tuli Kupa'rupai.” Kamma-kamma anne Nasuroa' Karaeng Allata'ala siagang Nasarea' koasa KalenNa.

YESAYA 57:7

A'lampako mange ri coppo'-coppo'na monconga untu' assare koro'bang siagang ampassukkuki hawa napasunu.

YESAYA 58:2

Tunggala' alloi anynyomba ke'nanga mae ri Nakke, siagang eroki naasseng erokKu, kamma nicini' angkana bajiki apa nagaukanga ke'nanga, siagang majarreki mae ri hukkungKu. Nakana ke'nanga angkana sannangi nyawana anynyomba ri Nakke siagang nakellai adele' hukkungKu.”

MALEAKHI 3:5

Nakana Batara Kaminang Koasaya, “LabattuA' mae ri kau ngaseng untu' angngadeli. LabattuA' linta' anjari sa'bi mae ri pabale'-bale' mataya, sikamma tau a'gau' bawanga, pasa'bi balle-ballea, a'gau' jekkonga ansarei gajina tau angnganre gajia, tau anjallakkangai sikamma jandaya, ana'-ana' kukanga, siagang bansa maraeng battua annompang, mae ri sikontu tau tenaya napakala'birikKa'.”

YEREMIA 3:6

Ri wattu pamarentahanna Karaeng Yosia, akkana kammai anne Batara ri nakke, “Le'ba'mi nucini' apa nagaukanga tu Israel, anjo rapang baine tenaya namajarre' pa'mai'na? NabokoiA' nampa nagaukang assundalaka irate ri tunggala' moncong tinggia siagang irawanganna poko' kayu lompoa.

YEREMIA 3:9

siagang tena sikali siri'-siri'na. A'gau' bawangi lanri anynyombai ri batua siagang poko'-poko' kayua, sa'genna a'jari rantasa' anne pa'rasanganga.

HOSEA 2:4

Ikau ana'-ana'na, tena nalaKukamaseangko; ikau lassukko battu ri gau' passundallang.

HOSEA 2:6

Lanri kammana anjo laKukurungi lalang ri rompo' akkatintinga, siagang laKujempangi oloanna siagang kalli' tembo'.