YESAYA 57:19 - KITTA' MATANGKASA'

¹⁹ LaKusarei kasannangngang sikontu taua, baji' tau ambania kammayatompa tau bellaya. LaKupakabajiki ummakKu.

YESAYA 57:19 Referans Kwoze

IBRANI 13:15

Lanri kammana, tete ri Isa, paralluki' tuli mammuji-muji ri Allata'ala; iaminjo a'jari koro'bang sukkurutta mae ri Ia, nipassareanga lalang kana-kana nipaua untu' ampakala'biriki arenNa.

LAMPA-LAMPANA 2:39

Nasaba' anjo Napa'janjianga Allata'ala untu' ikau ngaseng siagang sossorannu, kammayatompa untu' tau battua ri pammantangang bellaya – iamintu sikontu tau Nakioka Allata'ala Batarata battu mae ri Ia.”

EFESUS 6:19

Siagang inakke pole, pappala' doangang tonga'; sollanna punna a'bicara', Nasarea' Allata'ala kana-kana cocoka lakupau. Kammayatompa nakubarani ampaui anjo rahasiana Kabara' Bajika.

LAMPA-LAMPANA 10:36

Nuasseng ngasemmi bonena kabara' Napabattua Allata'ala mae ri bansa Israel. Anjo kabaraka, iamintu ri passala'na Kabara' Baji' passiamakkang lalang ri KalenNa Isa Almasi iamintu Batara mae ri sikontu rupataua.

LUKAS 2:14

“Nipujimi Allata'ala ri langi' kaminang tinggia! Nasalewangang rupataua ri tompo'na linoa mappakate'nea ri atinNa Bataraya!”

LUKAS 21:15

INakke lassareko kacara'dekang siagang kana-kana lanupaua. Sa'genna manna sitau ri musu-musunnu takkulle ambeta kanako yareka ampassalai apa-apa nupaua.

MARKUS 16:15

Nakanamo Isa ri ke'nanga, “A'lampamako mange ri sikontu linoa, siagang pa'la'bammi Kabara' Baji' battua ri Allata'ala, mange ri sikontu rupataua.

MATIUS 10:13

Na punna natarimajako anjo taua antama' ri balla'na, boli'mi kamma nammantang anjo barakkaka ri ke'nanga sibatu balla'. Mingka punna tanatarimayako ke'nanga, alle poleammi ammotere' anjo barakkaka.

YESAYA 6:7

Naseroi muncengku siagang anjo bara pepeka na nakana, “Anne baraya le'ba'mi nasero muncennu. Kamma-kamma anne le'ba'mi nilu'lu' kasalannu siagang Napammopporang Batara dosanu.”

HOSEA 14:2

He bansa Israel, ammotere' mako mae ri Karaeng Allata'alanu! Passabakkang dosanu nutappeccoro' siagang tu'guru'.

EFESUS 2:13

Mingka kamma-kamma anne asse're mako siagang Isa Almasi. Riolo bellako, mingka kamma-kamma anne nipa'reppese' mako, lanri kamateanNa Almasi.

YESAYA 26:3

O, Batara, iKatte assare passiamakkang siagang salewangang mae ri tau jarreka pa'mai'na, lanri tappa'na mae ri Katte.

YESAYA 26:12

O, Batara, iKatte lampa'jari salewangangi ikambe; sikontu najamaya ikambe, iKattemi anggaukangi untu' ikambe.

YESAYA 32:17

Tunggala' taua lanagaukangi apa annabaya, sa'genna nia' kasalewangang siagang kasannangngang sa'genna satunggu-tungguna.

YESAYA 50:4

Batara Kaminang Tinggia angngajarakka' a'bicara, sollanna akkulle kanangku ampakajarreki tau la'baya pa'mai'na. Tunggala' bari'basa' Napabangungi erokku untu' ampilangngeri ajaranNa mae ri nakke.

YESAYA 51:16

INakke ampaka'rangi langika siagang ampadongkoki dasara'na buttaya. Kukana mae ri Sion: Ikaumi ummakKu; Kupassareangi ajarangKu mae ri kau na Kula'langiko siagang koasaKu.”

YESAYA 59:21

LapparekKa' parjanjiang siagang ikau ngaseng: Kusareko koasangKu siagang ajarangKu sa'genna satunggu-tungguna. Pangngajarrangi mae ri ana'-ana'nu sollanna akkulle todong ke'nanga ampangngajarrangi situlusu'na mange ri jari-jarina kamma-kamma anne sa'genna satunggu-tungguna.”

ZEFANYA 3:9

Mingka sallang laKupinrai atinna anjo bansa-bansaya, sa'genna appala' doang ke'nanga mae ri Nakke bawang, siagang tena nappala' doang mae ri rewata-rewata maraenga. Sikontu anjo bansa-bansaya lamannuruki mae ri Nakke.

ZAKHARIA 9:10

Nakana Batara, “LaKupelaki kareta-kareta pa'bundukang battua ri Efraim, sikontu jarang niaka ri Yerusalem laKupa'lanynyaki siagang sikontu panaya laKuancuruki. Lanapa'la'bangi napabattu Karaennu passiamakkanga ri alla'na bansa-bansaya. Lakoasai battu ri tamparang se'rea mange ri tamparang maraenga, battu ri Binanga Efrat sa'genna ri cappa'na linoa.”

YEREMIA 30:17

Manna pole nakana musunnu, ‘Sion le'ba'mi nipela', siagang taenamo amparhatikangi,’ mingka laKupa'jari bajikko ammotere', siagang laKuballei bokka'-bokka'nu.”

YEREMIA 33:6

Mingka sallang laKupakabajiki ammotere' anne kotaya siagang pandudu'na; lakassaki ammotere' ke'nanga. LaKusarei ke'nanga kasalewangang siagang kaamangngang alla'bia.

HOSEA 14:5

Nakana Batara, “UmmakKu ammengka salaya, Kuallei ammotere' naKukamaseang sikontu pa'mai'; talaKukalarroiami pole ke'nanga.