YESAYA 57:13 - KITTA' MATANGKASA'

¹³ Punna ammarrangko, lappassammi na napasalamakko anjo patung-patunga! Latappelaki ke'nanga niri'bakang ri anging siagang lalanynyaki lalang sipa'maikang nappasa' bawang! Mingka tau a'la'langa mae ri Nakke lanawarisiki anjo pa'rasanganga siagang anynyomba mae ri Nakke ri BallakKu.”

YESAYA 57:13 Referans Kwoze

PAMMUJI 37:9

Saba' lanipa'lanynyaki tau a'gau' ja'dalaka, mingka tu manrannuanga ri Batara lanawarisiki anjo buttaya.

PAMMUJI 37:3

Tappakko ri Batara, siagang gaukangi bajika, ammantang mako ri anjo pa'rasanganga siagang teako amminrai.

YESAYA 65:25

Serigalaya siagang gimbalaka lasiagangi sipa'rukukang; singaya angnganre rarame sangkamma sapi, siagang ularaka tenamo bahayana. Ri sikontu bulu' matangkasakKu, tenamo lappakarugi siagang a'gau' ja'dala'.”

YESAYA 56:7

“LaKuerangko mange ri Sion, mange ri bulu' matangkasakKu, na Kusareko karannuang ri balla' sambayangKu. LaKutarimai sikamma koro'bang nupassareanga ri tampa' pakkoro'bangngangKu. BallakKu laniarengi balla' pappala' doangang untu' sikontu bansaya.”

ZAKHARIA 7:13

Tena naKupiali pappala' doanna ke'nanga, lanri tenana todong namappilangngeri ke'nanga ri wattungKu a'bicara.

YO"EL 3:17

“He Israel, kamma-kamma anne lanuassemmi, angkanaya iNakke Karaeng Allata'alanu. AmmantangA' ri Sion, bulu' matangkasakKu. Na Yerusalem a'jari tongi kota matangkasa', talantamakkami bansa maraenga.

YEHEZKIEL 20:40

Nasaba' ri butta Israel, ri coppo' bulukKu matangkasaka, ikau ngaseng, bansa Israel lanynyombako mae ri Nakke. Anjoreng lasannangi nyawaKu mae ri kau siagang erokKa' antarimai koro'bang-koro'bannu, passare-passarenu kaminang bajika siagang passare-passare nusa'laka.

YESAYA 66:20

Battu ri anjo sikammaya pa'rasangang, lanaerangi ammotere' ke'nanga sikamma sari'battang julu bansanu, a'jari hadia mae ri Nakke. Lanaerangi ke'nanga sikamma anjo taua mange ri bulu' matangkasakKu ri Yerusalem, a'dongko' jarang, keledai, unta, kareta siagang bendi, kamma biasaya nagaukang tu Israel punna a'lampa ke'nanga mange ri Balla'Na Batara ri Yerusalem untu' assare passare gandung lalang pammoneang tangkasa'.

YESAYA 65:9

Nia' siapa are jaina tau battu ri suku Yehuda laKubarakkaki, siagang turunganna ke'nanga lanapatangi butta pa'moncongangKu. Sikamma tu nipileKu, ia anynyombaya mae ri Nakke lammantangi anjoreng.

YESAYA 11:9

Ri Sion, Bulu'Na Allata'ala Matangkasaka, tena tau ja'dala' yareka ammanraki. Rassi pa'rasanganga siagang pangngassengang ri Allata'ala, rapang je'ne' ampirassi tamparanga.

PAMMUJI 125:1

Kelong siara. Tau tappaka mae ri Batara, sanrapangi Bulu' Sion majarre' tama'lenggaya, attahang satunggu-tungguna.

HAKING-HAKING 10:14

A'lampamako mange ri anjo rewata-rewata le'baka nupile. Akkio'mako mae ri ke'nanga! Boli'mi kamma naanjo ke'nanga antulungko ri wattu lalannu ri kasukkaranga.”

HOSEA 13:3

Lanri kammana anjo lalanynya' kabusuki anjo taua rapang allung yareka saliuka ri wattu bari'basa'na alloa. Lasanrapangi ke'nanga limbu'bu' niri'bakang ri anging ri panggilingang gandunga, siagang sanrapang umbu assuluka battu ri rateanna pattunuanga.

YEREMIA 22:22

Lanri kammana anjo sikamma pamimpinnu lalanynyaki rapang nitui' ri anging. Sikamma agang-agannu laniengkaki salaku tau nitahang, kammayatompa kotanu lanihinai siagang nipakasiriki passabakkang sikontu kaja'dallannu.

YEREMIA 22:20

Nakana Batara, “He pandudu'na Yerusalem, a'lampako mange ri Libanon siagang Basan, nampa akkiokko anjoreng. Ammarrangko ri monconna Moab, nasaba' sikontu agannu nibeta ngasemmi.

YESAYA 65:11

Mingka tena nakamma anjo sarenna tau ambokoiA', tenaya najampangi Sion, bulu' matangkasakKu, assarea passare mae ri Gad siagang Meni, iamintu rewata-rewata kaupakkanga siagang sarea.

YESAYA 41:16

Lanutapi ke'nanga, nampa niri'bakang ri anging ke'nanga nipasimbung ri anging lompo. Larannui pa'mai'nu lanri Nakke, Batara, lompoi pa'mai'nu lanri Nakke, Allata'alana Israel

YESAYA 40:24

Rapangi ke'nanga lamungang lolo, beru accu'laka aka'na. Punna Napatui' Batara anginga, kalotoro'mi ke'nanga na niri'bakang rapang rarame.

PANGNGEBARANG 28:25

Punna kaparalluang kaleaji nicinikiang lappaumbai pa'beserang; la'bi upakkangngangko punna tappakko ri Batara.

PAMMUJI 84:12

Saba' Karaeng Allata'ala pa'la'langanta siagang Karaeng Malompo, assidakkiaki' pangngamaseang siagang kalompoang. Tale'bakai Natolla' apa bajika mae ri tau tenaya callanna ri tallasa'na.

PAMMUJI 58:9

Boli'mi kamma ke'nanga sangkamma biku assolonga sangkamma urusu', sangkamma ana' lolo matea ri tenanapa naccini' singara'.

PAMMUJI 1:4

Ta'bale'na ri tu ja'dalaka: rapangi awang niri'bakang ri anging.

AYUB 21:18

Le'bakkai ke'nanga rapang rarame siagang limbu'bu' niri'bakang ri anging puttusu' siagang anging allaloa?

2 KARAENG-KARAENG 3:13

Nakanamo Elisa ri karaeng Israel, “Angngapa nuppala' tulung ri nakke? A'lampamako mange appala' tulung ri na'bi-na'bina tau toanu!” Appialimi Yoram angkana, “Tena! Nasaba' Batara anrancanakangi untu' ampassareangi anne ikambe sipattallu mae ri karaeng Moab.”

PAMMUJI 118:8

Bajikangngangi a'la'langa mae ri Batara, kala manrannuanga mae ri rupataua.

YESAYA 14:32

Apa lanipappialiang mae ri sikamma tunisuroa battu ri bansa Filistin? Lanikana ri ke'nanga angkana le'ba'mi Nabangung Batara kota Sion, siagang umma'Na sessaya lanijagai anjoreng.

YESAYA 25:4

Saba' iKattemi palararianna tau lammaya, tampa' amanga mae ri tu kasi-asia lalang kasukkarranga. IKattemi pa'la'langngang battu ri anging lompoa, pa'la'langngang battu ri bambanna alloa. Saba' tau pallaka a'bakkai rapang anging lompo ri wattu bara',

YESAYA 49:8

Nakana Batara ri umma'Na, “Punna mangngellaiA', lappialiA'; ri allo appasalamakKu, laKutulungko. Kula'langiko siagang Kujagaiko, siagang Kupa'jariko parjanjiang mae ri bansa-bansaya. Kupa'jari bajiki ammotere' pa'rasangang sinoa a'jari butta pisaka nipammantangia.

YESAYA 60:21

Lannabai tindakanna pandudu'nu, lanapatangi ke'nanga pa'rasanganga satunggu-tungguna. Rapangi ke'nanga lamungang Kucangkoka KalengKu, untu' ampa'nyatai kala'birangKu.

YEREMIA 30:14

Sikontu tumangngainu takkaluppami ri kau; taerokami ampikkiriki kalennu. Kamma musu le'baka a'bakka na nahukkungko siagang palla', lanri jaina dosanu siagang lompona kasalannu.

PAMMUJI 37:11

Tau tuna pa'maika lanawarisiki anjo buttaya, na nakasia' kacoppongang alla'bia.

PAMMUJI 37:22

Tu nibarakkakia ri Batara lanawarisiki anjo buttaya, mingka laNabongkai tu Natunraya.

PAMMUJI 37:29

Tu bajika nawarisiki anjo buttaya, na napammantangngi satunggu-tungguna.

PAMMUJI 37:34

Manrannuangko ri Batara siagang turuki parentaNa, na Naangkakko untu' a'jari warisi' ri anjo buttaya; lanuciniki nipa'lanynya' tu ja'dalaka.

YESAYA 45:20

Nakana Batara, “A'rappung mako siagang battu mako assama-sama, ikau ngaseng tau ta'lappasaka ri bansa-bansaya! Dongoki tau a'balulunga anrurungangi patung kayua, siagang appala' doanga mae ri rewata-rewataya ia tenaya nakkulle appasalama'.

YEREMIA 2:28

Kemae ngaseng anjo barhala-barhala nupareka? Punna nia' kasukkarang, suromi anjo sikamma barhalaya ampasalamakko' punna akkullei! He Yehuda, anjo rewata-rewatanu sangkammai jaina kota-kotanu!