YESAYA 55:5 - KITTA' MATANGKASA'

⁵ Lanukioki bansa-bansa maraenga, na battu linta' ke'nanga mae ri kau, lanri iNakke, Karaeng Allata'alanu, Allata'ala matangkasa'na Israel, lanri le'ba' mako Kupakalompo.”

YESAYA 55:5 Referans Kwoze

YESAYA 60:9

Iaminjo sikamma kappala' battua a'labu angngerangi umma'Na Batara ammotere' battu ri pa'rasangang bella. Angngerang tongi pera' siagang bulaeng untu' mammuji ri Karaeng Allata'alanu; mae ri Allata'alana Israel Kaminang matangkasaka, ampa'jariai umma'Na nipakalompo.

YESAYA 60:5

Lannasa' mako nucini'na anjo siagang accayami rupannu; dinging-dingingi siagang lompoi pa'mai'nu. Nierangi barang-baranna sikamma bansaya mae ri kau, nitambungiko ri kakalumanynyangang battu ba'leang tamparanga.

ZAKHARIA 2:11

Anjo wattua jai bansa labattu mae ri Batara untu' a'jari umma'Na. Ia lammantang ri tangnga-tangnganu, siagang lanuassengi angkanaya Batara assuroa' battu mae ri kau ngaseng.

ROMA 15:20

Ia pa'minasangku iamintu poro akkullea' ambirittakangi Kabara' Baji' battua ri Allata'ala ri tampa'-tampa' tenayapa nale'ba' nalangngere' taua passala'na Isa Almasi. Nasaba' tena nakuero' sanrapang tau ambangung irate ri pondasi le'bakamo napadongko' tau maraenga.

LAMPA-LAMPANA 5:31

Siagang nisaremi ri Allata'ala empoang siagang kakoasang matinggi, a'jari Pamimping siagang Mappasalamaka; sollanna nisare kasampatang bansa Israel untu' a'jari toba' battu ri dosa-dosana na nipammopporang.

LAMPA-LAMPANA 3:13

Allata'ala nasombaya Abraham, Ishak, Yakub, Allata'alana boeta, Iaminjo Allata'ala ampakalompoai Ana'Na, iamintu Isa. Iaminjo Isa le'baka nupassareang ri pamarentaya, siagang numusua ri dallekanna Pilatus, ri wattunna ero' nilappassang ri Pilatus.

YESAYA 56:8

Kammaminne kananNa Batara Kaminang Tinggia angngantarakai bansa Israel battu ri pa'rasangang pammelakkanga, “LangngerangA' tau maraeng untu' asse're siagang ke'nanga niakamo a'rappungang.”

YESAYA 55:4

Sikontutojenna, ia laKupa'jari pamimping siagang panglima, sa'bi kakoasangKu mae ri sikamma bansa-bansaya.

YESAYA 45:23

INakke le'ba' a'janji, na janjingKu tena nalasala-salang; lanri KalengKu na Kuassumpa: Tunggala' taua lakkulantuki ri dallekangKu, lalang massing bahasana a'janji massing talamamminraya mae ri Nakke.

PAMMUJI 18:43

Kiancuruki ke'nanga sanrapang limbu'bu' tassimbunga, nampa Kibarrasa' sanrapang peo' ri aganga.

PA'JARIANG 49:10

Yehuda lanna'gala' takkang kakaraengang. Turunganna lammarenta satunggu-tungguna. Bansa-bansaya langngerangi passare, nasu'ju' tundu' ri dallekanna.

YOHANES 17:1

Le'baki akkana kamma, accongami Isa nai' ri langika nampa Nakana, “Bapa', kamma-kamma anne narapi'mi wattunna. Kipakala'biri'mi AnatTa, sollanna Napakala'biri' tongKi' AnatTa.

HOSEA 1:10

Bansa Israel la'jari sanrapangi kassika ri tamparanga jaina, sa'genna takkullea nibaku' yareka nirekeng. Kamma-kamma anne Nakana Allata'ala ri ke'nanga, “Ikau teaiko ummakKu,” mingka lanarapiki sallang wattunna nalaNakana ri ke'nanga, “INakkemi Allata'ala mattallasaka siagang ikaumi ana'-anakKu!”

YESAYA 52:15

Mingka kamma-kamma anne jai bansa napa'jari lannasa', lannasa'mi siagang takkulleami akkana sikamma karaenga napakamma. Lanaciniki ke'nanga siagang lanapahangi, apa tenaya naassengi riolo.”

YESAYA 49:6

Nakana Batara ri nakke, “He atangKu, attayangi tugasa' lompoanganga ri kau; tena nanupoterang bawang sesa turunganna Yakub siagang nupoterang kalompoanna suku-suku Israel, mingka Kupa'jari tongko singara' mae ri bansa-bansaya, sollanna nipasalama' sikontu bonena linoa.”

1 PETRUS 1:11

Nasalidikimi ke'nanga angkanaya antekamma siagang ringngapanna nalakajariang anjo passalaka, iamintu Napakkanaya RohNa Almasi niaka lalang ri kalenna ke'nanga. Anjo wattua napau la'bi riolomi RohNa Almasi mae ri ke'nanga passala'na kasessang laNakasiaka Almasi siagang kala'biranNa la'nyataya ribokoanganna anjo.

IBRANI 5:5

Kamma tomminjo Almasi. Teai Ia angngangkaki KalenNa a'jari Imang Malompo. Mingka KalenNa Allata'ala angngangkaki. Nakana Allata'ala mae ri Ia, “IKau AnakKu; anne alloa iNakke a'jari Bapa'Nu.”

EFESUS 3:5

Riolo tena le'bakai nipau anjo rahasiaya mae ri rupataua; mingka kamma-kamma anne Nasungkemi RohNa Allata'ala mae ri tunisuroNa siagang na'bi-na'biNa.

LUKAS 24:26

Sai musti Nakasiaki rolong Karaeng Mappasalamaka anjo passessaya, nampa anrapi' ri kala'biranNa?”

EFESUS 2:11

Sikamma sari'battang, pantaranganna bansa Yahudia! U'rangi katallassannu wattu riolo; nigallarakko “tau tenaya nassunna'”, ri tu Yahudi nakanaya kalenna assunna' (battuanna anggappami pammatei ri kalenna, nipareka ri rupataua).

2 SAMUEL 22:44

Kilappassanga' battu ri tau dorakaya na Kipa'jaria' tukoasa mae ri bansa-bansaya; bansa tenaya nakuassengi a'jari atangku.

YESAYA 45:14

Nakana Batara mae ri tu Israel, “Patangi wassele' buttana Mesir siagang passawallanna Sudan. Sikamma tu Syeba barania a'jari ikau pata; a'jappai ke'nanga ri bokonu nisikkokang limanna. Lasu'juki siagang lamangakui ke'nanga angkana, ‘Ma'nassa nia' tojengi Allata'ala ri tangnga-tangnganu; tena allata'ala pantaranganna Ia!

YESAYA 45:22

He, sikontu pandudu'na buttaya, pasailemi kalennu mae ri Nakke sollannu Kupasalama', saba' iNakkeji bawang Allata'ala, tena pantaranganna!

YESAYA 49:12

Battu bellai ummakKu para battu, battu wara', battu lau' siagang battu ri kota Sinim bageang timboro'.”

YEREMIA 30:19

Pandudu'na lanapujiA' siagang kelong-kelong, siagang akkio' a'rannu-rannu pa'mai'. LaKupa'jari ke'nanga nipakalompo siagang tenamo nanihinai, siagang jaina ke'nanga pila' laKutambai.

YEHEZKIEL 39:7

Mingka ri tangnga-tangngana tu Israel, laKupa'nyatai arengKu matangkasaka, siagang tenamo nalanira'massi arengKu. Jari naassemmi bansa-bansaya angkanaya iNakkemi Batara, iamintu Allata'ala matangkasaka ri Israel.”