YESAYA 55:1 - KITTA' MATANGKASA'

¹ Nakana Batara, “Mae ngasengko sikamma tau turerea, angnginung mako battu ri je'ne' nipasadiaya. Battu mako mae tau tenaya doe'na tarimai gandunga nuta'bayarra, siagang angnganre mako! Anggoroka siagang dadika sadiai, alle bawang-bawammi.

YESAYA 55:1 Referans Kwoze

PAPPICINI' 21:6

Nampa Nakana, “Le'ba'mi! INakkemi uru-urua siagang kala'busanga; iNakkemi Batara battu ri Pakaramulaya sa'genna ri Kala'busanga. Sikamma tau turerea laKusare cuma-cumai je'ne' inung battu ri timbuseng je'ne' katallassanga.

PAPPICINI' 22:17

Nakanamo RohNa Allata'ala siagang Bunting Bainea, “Mae mako!” Sikamma allangngerekai musti angkana tongi, “Mae mako!” Inai-nai turere, battu mako mae! Siagang inai-nai ero' mae mako angngalle cuma-cuma je'ne' katallassang!

YESAYA 44:3

Saba' laKupaturungi bosia ri butta kalotoroka, Kupasolongi binanga-binangaya ri butta rosoka. LaKusarei koasaKu turungannu, siagang Kubarakkaki ana' cucunnu.

PAMMUJI 143:6

Kupatara limangku appala' doang mae ri Katte; sanrapang butta kalotoro', nakkuki nyawaku mae ri Katte.

PAPPICINI' 22:1

Napicinikiang tomma' anjo malaekaka binanga assarea katallassang je'ne'na. Anjo binangaya accillaki je'ne'na sanrapang kaca a'lo'loroka battu ri empoang kala'biranNa Allata'ala siagang battu ri anjo Ana' Gimbalaka,

MATIUS 13:44

“Punna ammarenta Allata'ala, pangngebaranna lakammaminne: Nia' barang-barang taccokko lalang butta, nanibuntulu' ri se'reang tau, na napoterang pole anjo baranga antama' ri buttaya. Nampa, lanri teai sipato' rannuna, a'lampami anjo taua ambalukang ngasengi sikontu barang-baranna, na nampa ammotere' amballi anjo tampaka sumpaeng.”

MATIUS 10:8

Pakabaji'mi sikamma tau garringa; pabangung poleangi tau matea pakabaji'mi tau garring salaya, siagang bongkami sikamma setanga. Na anne Kusareangako, apa kupassareang bawang-bawanji ri kau ngaseng. Jari passareang bawang-bawang tommi mae ri taua.

YO"EL 3:18

Ri anjo wattua sikamma monconga larassi koko anggoro'. Olo'-olo' niparakaia langnganrei ruku' ri bulu'-bulu' copponga. Sikamma binangaya ri Yehuda tena le'bakai lala'busu' je'ne'na. Se're binanga lassolong battu ri Balla'Na Batara, na nabasai Ka'bung Akasia siagang je'ne' nyamang.

PAMMUJI 63:1

Pammujina Daud, ri wattunna nia' ri parang lompona Yehuda.

YESAYA 52:3

Nakana Batara mae ri umma'Na, “Nibalukang bawang-bawangko riolo, jari kamma-kamma anne nilappassang bawang-bawang tongko.

PAPPICINI' 3:18

Lanri kammanami anjo naKupakaingakko sollannu ammalli ngaseng battu ri Nakke bulaeng, iamintu bulaeng ti'no', sollannu a'jari kalumanynyang. Ammalli todong mako battu ri Nakke pakeang kebo' sollannu akkulle ammakeang siagang nutongko' kalennu natena nussolara' siagang natena nuppakasiri'. Siagang ammalli todong mako pa'balle untu' nupasapu mae ri matannu, sollannu akkulle accini'.

1 PETRUS 2:2

Paralluko a'jari sanrapang ana' lolo beru lassuka, tuli turerea ero' angnginung je'ne' susu rohani tenaya bengkoro'na, sollannu akkulle a'bakka' siagang nipasalama'.

ROMA 3:24

Jari, lanri passare mangngamaseanNa bawang Allata'ala, iamintu Napassareang bawang-bawanga, nampa akkulle a'jari baji' ammotere' passisambunganna rupataua siagang Allata'ala; carana iamintu: nilappassangi rupataua ri Isa Almasi.

HOSEA 14:4

Takkulleai Asyur ampasalamaki ikambe, siagang jarang pa'bundukanga takkulleai antulungi ikambe. Tenamo nalakkio' Allata'ala ikambe mae ri patung-patung napareka ikambe. O, Batara, Kikamaseangi sikamma tau tenaya apa-apa lanapattoang lampasalamaki.”

KELONG MALA'BIRI' 5:1

Battua', mae ri kokongku, andi', buntingku, appasse'rea' muru' siagang rampa-rampa; kukanrei ru'mung baniku siagang je'ne' baniku, kuinungi dadika siagang je'ne' anggorokku. Angnganre siagang angnginung ngaseng mako, bela-belaku, angnginungko sa'gennu nasa'ring pattanringang.

PANGNGEBARANG 8:4

“He, umma' rupataua, makkioka' mae ri kau; tunggala' rupatau ri lino, parhatikangi anne pakkiokku!

MATIUS 26:29

Patappaki: Pakkaramula anne wattua, tenamo Kulangnginung anggoro' sa'genna narapi' wattunna Kuinung anggoro' berua siagang ikau ngaseng lalang ri Lino BeruNa ManggeKu.”

ZAKHARIA 9:15

Umma'Na mattantu laNasarei pa'la'langngang, sa'genna akkulle nabeta ke'nanga sikontu musua. Sanrapang pakkio'na tau nasa'ringa lanri angnginung, kammaminjo pakkio'na ke'nanga lalang pa'bundukang. Sanrapang cera' nitumpaya irate ri tampa' pakkoro'bangnganga, kammaminjo tattumpana cera'na musunna ke'nanga.

KELONG MALA'BIRI' 1:4

Umba linta', o, karaengku, eranga' antama' ri kamara'nu. Lanri ikau nama'reja-reja ngaseng ikambe, mammuji ri pangngainu la'bia na anggoro'; siratang memangi tuloloa ero' ri kau!

1 KORINTUS 3:2

Riolo sanrapangi kanre ana' lolo kusareangko, jari teai kanre tau toa; nasaba' tanukulleapi angnganre kanre terasa'. Mingka ri kamma-kammaya anne sanrapang tena tompa nanuakkulle angkanrei anjo kanre terasaka,

ZAKHARIA 10:7

Umma' Israel la'jari sangkamma tubarani makassaka, rapang tau angnginunga anggoro' larannui pa'mai'na ke'nanga. Jari-jarina ke'nanga battu ri jammanga mae ri jammang poleanga talanakaluppaiyai anne pammetang Kupassareanga. La'rannu-rannui ke'nanga lanri apa Kugaukanga mae ri ke'nanga.

ZAKHARIA 2:6

Nakana Batara mae ri umma'Na, “Le'bakko Kupasiara' mae ri kere-keremae. Mingka kamma-kamma anne, ikau sikamma tau nipelaka a'lampako ampilari Babel siagang ammotere' mako mange ri Yerusalem.

RUT 4:1

A'lampai Boas mange ri tampa' passibuntulanga ri pakke'bu' lompona kotaya. Ammemponamo anjoreng, nia'mo allalo sitau bura'ne naassenga Boas angkanaya anjo taua bija ma'reppese' sikalina Elimelekh. Nakio'mi Boas anjo taua angkana, “Sari'battang, mae sako ammempo anrinni.” Battumi anjo taua, nampa ammempo.

KELONG MALA'BIRI' 1:2

Bauma' siagang muncennu; la'bi nyamangi pangngainu na anggoro'!

PIRAUNG 5:4

Manna je'ne' inung siagang kayu tunuang musti naballi ngasemmi ikambe.

MATIUS 5:6

Mate'nei tau attojeng-tojenga ero' anggaukangi ero'Na Allata'ala; nasaba' iami lanipasukku' tallasa'na ri Allata'ala!

LAMPA-LAMPANA 8:20

Mingka appialimi Petrus nakana, “Cilaka mako ikau siagang doe'nu! Nukana lakkullei niballi passareNa Allata'ala siagang doe'?

PANGNGEBARANG 9:5

“Umba nanipinyamangngi kanreku siagang nukasia' anggoro' kupareka.

YEHEZKIEL 47:1

Naeranga' anjo tu bura'nea ammotere' mange ri pakke'bu' antamaya ri Balla'Na Batara. Nia' kucini' je'ne' a'lo'loro' battu rawanganna anjo pakke'buka a'lampa anrai', sangkamma Balla'Na Batara a'dalle' anrai' tongi. Anjo je'neka a'lo'loroki battu ri rawanganna pakke'bu' lompona Balla'Na Batara bageang timboro', allalo ri sa'ri timboranna tampa' pakkoro'bangnganga.

YEHEZKIEL 47:9

Manna pole a'lo'loro' kemae anne binangaya, anjoremmi lajai sangka' rupa juku' siagang olo'-olo' maraengannaya. Je'ne'na Tamparang Matea napa'jari la'bai, siagang kemae-kemae a'lo'loro' anjo je'neka, anjoreng tommi lania' katallassang.

PANGNGEBARANG 9:1

Kacara'dekanga ambangummi balla', siagang napaenteng tujua bentenna.

YESAYA 1:19

Punna erokko mannuruki mae ri Nakke, lanukasia' ngasengi apa bajika, iamintu wassele'na pa'rasangannu.