YESAYA 51:12 - KITTA' MATANGKASA'

¹² Nakana Batara, “INakkemi ansaleori ngasengko. Angngapa numalla' mae ri rupatau lamatea, mae ri rupatau nipelaka rapang ruku'?

YESAYA 51:12 Referans Kwoze

PAMMUJI 118:6

Tena kumalla' lanri Narurunganga' Batara, tena pakkullena rupataua mae ri nakke.

1 PETRUS 1:24

Nia' tattulisi' lalang ri Kittaka angkanaya, “Sikontu rupataua sanrapangi ruku', sikontu kalompoanna sanrapangi bunga ruku'. Punna kalumeng rukuka, ru'rusu' tommi bunganna;

YESAYA 2:22

Jari, teako manrannuangngi mae ri rupatau lamatea, nasaba' anjo ke'nanga tena anggaranna.

YOHANES 14:18

Tena nalaKubokoiko ammantang kale-kalennu, a'jari sanrapang ana' kukanga. LammoterekKa' pole mae ri kau.

YESAYA 66:13

LaKusaleoriko ri Yerusalem, rapang se'rea amma' ansaleori ana'na.

MATIUS 10:28

Teako mallakki ri tau akkullea ammuno tubu, mingka tenaya koasaNa ammuno nyawa. Mingka musti mallakko mae ri Allata'ala, niaka koasana ammuno tubu siagang nyawa lalang ri naraka.

YESAYA 51:3

Ikau Yerusalem, laKusaleoriko, siagang sikontu niaka ammantang ri alla'na rumbangannu. Sikamma parang kalotoro'nu Kupa'jari koko ga'ga, rapang Eden, koko coppongKu. Anjoreng taua larannui siagang ma'reja-rejai siagang appala' sukkuru' lalang kelong-kelong.

YESAYA 43:25

Mingka iNakke Allata'ala allu'luki dosanu, Kupammopporangko lanri kammaminjo sipakKu; tena natuli Kuu'rangi dosanu.

PANGNGEBARANG 29:26

Jai tau nangai a'boya-boya pa'mai' ri tukoasaya, mingka assarea kaadelang, Bataraji bawang.

PAMMUJI 146:4

Punna mate ke'nanga, ammotereki ke'nanga mae ri buttaya; anjo memang alloa nalanynya' ngasemmo rancanana ke'nanga.

PAMMUJI 92:7

Tau dongoka takkulleai napahang, tau toloa takkulleai napahang.

LAMPA-LAMPANA 9:31

A'jari sannammi sikontu jama'aka ri Yudea, Galilea, siagang Samaria. Na lanri malla'na ri Batara siagang pannulunNa RohNa Allata'ala, pila' jarre'mi siagang pila' katambammi jaina ke'nanga.

1 SAMUEL 15:24

Nalangngere'na anjo, mangakumi Saul ri Samuel, angkana, “Memang dorakama'. Kudakkaimi parentaNa Batara siagang takujampangiami pitunjutta bapa'. Mallaka' ri ana' buaku nakuturukiang pappala'na ke'nanga.

2 KARAENG-KARAENG 1:15

Anjo memang wattua nakanamo malaeka'Na Batara ri Elia, “Teako mallakki! Amminawang mako naung battu ri anne bontoa.” Lanri kammana anjo a'lampami Elia siagang anjo perwiraya mange ri karaenga.

YESAYA 40:1

Kammai anne kananNa Allata'alanu, “Saleori, saleorimi bansaKu!

YESAYA 49:13

Akkelongko he langika, akkio' rannuko he buttaya, he sikamma monconga, akkio' rannuko! Saba' niaki battu Batara ansaleori umma'Na, Nakamaseangi umma'Na nijallakkanga.

YESAYA 57:11

Nakana Batara, “Inaika anjo rewata-rewata ampajariako malla', sa'gennu a'balle-balle siagang tenamo nungngu'rangi mae ri Nakke? Apaka tenamo nunynyomba mae ri Nakke lanri sallo duduKumo tamakkana-kanaya?

YEREMIA 38:19

Appialimi karaenga angkana, “Mallakka' mae ri tau bansata lariamo a'limbang mae ri tu Babel. Gassingka napassareanga' mae ri ke'nanga nampa nisessa'.”

YEHEZKIEL 2:6

Mingka ikau, he tau, teako mallakki mae ri anjo tau paewaya, yareka mae ri manna apa pole nakana ke'nanga. Lanaewako siagang lanahinako ke'nanga, sa'gennu rapangko tau attallasaka ri tangnga-tangngana olo'-olo' niaka racunna punna angngokko'. Mingka manna nakamma teako mallakki.

1 SAMUEL 17:11

Nalangngere'na Saul siagang sikamma taunna anjo pa'ngaraya, ta'bangkami ke'nanga siagang a'jari malla' sikalimi.

1 SAMUEL 21:13

Lanri kammana anjo, assara-saraimi pongoro' Daud ri dallekanna tau jaia. Ri wattunna ero' ke'nanga antahangi, sangkammami nicini' Daud tau tena nasilolongang pikkiranna. Naallemi nakara'musu' tojeng pakke'bu' kotaya, siagang nalappassammi ta'bene-bene iloro'na naung ri janggo'na.

YESAYA 8:12

“Teako arengi passikongkolang apa nakanaya ke'nanga passikongkolang, siagang teako mallakki ri apa-apa nakamallakkanga ke'nanga.

YESAYA 12:2

Tojeng, anjo Allata'ala Mappasalamakku, inakke tappaka' mae ri Ia. Tena kumalla', saba' Napakajarreka'. Mappasalamakku iamintu Allata'ala, makkelonga' mae ri Ia.

YESAYA 52:9

Akkio' rannuko, he sikamma rumbanna Yerusalem, saba' Nasaleori Batara umma'Na na Napakabebasa' Yerusalem.

YESAYA 61:2

Nasuroa' angkabarrangi angkanaya narapi'mi wattunna Batara appasalama'; untu' ansaleori sikontu tau susaya, siagang Nabalasa' sikamma musu-musunna ke'nanga;