YESAYA 50:1 - KITTA' MATANGKASA'

¹ Nakana Batara ri Israel, “He ummakKu, nukapangi angkana Kubongkako rapang se'rea bura'ne ambongkai bainenna? Punna kamma, kemae sura' talla'na? Nukapangi angkana Kubalukangko, rapang sitau mangge ambalukangi ana'na mae ri tau assingaraka pappiinrang? Tena! Nitahangko siagang nipelakko, lanri dosanu siagang kaja'dallang kalennu!

YESAYA 50:1 Referans Kwoze

PAOLE 32:30

Kemae lakkulle sitau langngondang tau sisa'bu, siagang rua tau langngondang sampulo sa'bu tau? Batara, Allata'alana ke'nanga, le'ba' ambalukangi ke'nanga, nibokoimi ke'nanga ri Allata'ala malompoa.

MATIUS 18:25

Tanakulleami nabayara' anjo inranna. Jari napassuroammi anjo karaenga sollanna nibalukang anjo ataya sipakkalabini siagang ana'-ana'na, kammayatompa sikontu barang-baranna, nampa nabayara' inranna.

NEHEMIA 5:5

Sai ikambe anne tu Yahudi tonjaki'? Sai ana'na ikambe sangkamma tonji ana'-ana' tu Yahudi maraenga? Mingka manna nakamma tarpassa nalappassammi ana'-ana'na ikambe a'jari ata. Ba'lalo nia'mo ana' tulolonna ikambe le'ba' nibalukang a'jari ata. Tenamo pakkullena ikambe lanri le'ba'mi napappita'gallang kokonna siagang koko anggoro'na ikambe.”

2 KARAENG-KARAENG 4:1

Ri se'reang allo nia' sitau baine janda le'ba' baine na'bi a'lampa mange ri Na'bi Elisa nampa angkana, “Bapa', matemi bura'nengku! Nakiasseng tonja angkanaya anjo le'ba' bura'nengku tau mappilangngeri todong ri Allata'ala, mingka nia' inranna mae ri se'reang tau. Kamma-kamma anne battui anjo taua ero' angngalle rua anakku nampa napa'jari ke'nanga atanna, salaku pa'bayara' ri inranna tumate le'ba' bura'nengku.”

YESAYA 52:3

Nakana Batara mae ri umma'Na, “Nibalukang bawang-bawangko riolo, jari kamma-kamma anne nilappassang bawang-bawang tongko.

YEREMIA 4:18

Yehuda, kalennu tonji ampabattui anjo balaya mae ri kalennu. Batenu attallasa' siagang sikamma panggaukannu a'jari passabakkang mae ri sikontu anjo passessa ampa'rissiai atinnu.

YEREMIA 3:1

Nakana Batara, “Punna nia' sitau baine nitalla' ri bura'nenna, nampa anjo bainea nibaineangi ri bura'ne maraeng, takkulleai anjo le'ba' bura'nenna ambaineangi pole ammotere', lanri anjo passala' kammaya lammanraki ri anne pa'rasanganga. Ikau tu Israel, jai sikalimi tanrinnu, antekamma batenu lakkulle ammotere' mae ri Nakke!

PAMMUJI 44:12

Kibalang parekangi ikambe nisamballe sanrapang gimbala', siagang nipasisa'la'-sa'la' ri alla'na bansa-bansaya.

2 KARAENG-KARAENG 17:17

Napassareangi ana'na ke'nanga a'jari koro'bang nitunu mae ri rewataya. Ammakei ke'nanga pangngissengang siagang appalaki pangngunju' battu ri sanro-sanroa ia akkullea sipa'bicara siagang roh-roh tenaya naniciniki. Teai sipato' batena anggaukang ngasengi anjo apa-apa tenaya Nangai Batara,

ESTER 7:4

Nasaba' le'ba'mi anne atanta siagang bansana atanta nibalukang untu' nibuno. Ebara' angkana nibalukangi anne ikambe poro untu' nipa'jari ata, tenaja nalakkana-kana atanta siagang tenaja nalanasusai karaengku. Mingka kamma-kamma anne laniancuru'mi siagang laniputtami anne ikambe!”

1 KARAENG-KARAENG 21:25

Tena niakka tau lompo pattujunna anggaukangi kaja'dallanga ri dallekanNa Batara sangkamma nagaukanga Ahab. Yangaseng anjo kaja'dallanga nagaukangi lanri nipangarui ri Izebel, bainenna.

KALAPPASSANG 21:7

Punna sitau baine tu Ibrani nibalukang ri manggena na'jari ata, anjo bainea takkulleai nilappassang punna narapi' annang taung. Jari tena nasangkamma siagang bura'nea.

KAIMANGNGANG 25:39

Punna nia' tau julu bansanu ammantanga ri alla'nu tu'guru' kasi-asi sa'genna nabalukang kalenna salaku ata mae ri kau, anjo taua takkulleai nusuro anggaukangi jama-jamanna ataya.

YESAYA 1:28

Mingka tau dorakaya, angngewaya mae ri Ia, laNapanraki, nampa sikamma tau ambokoiyai laNapaccappuki.

YESAYA 27:8

Nahukkungi Batara umma'Na, iamintu Napelaki ke'nanga mange ri pa'rasangang maraenga. Nabongkai ke'nanga siagang anging ja'dala' niaka battu raya.

YESAYA 43:27

Dorakami boe-boenu riolo dudua, sikamma pamimpinnu angngewai ri Nakke,

YESAYA 46:8

U'rangi siagang tangara' bajiki, he sikamma tau dorakaya!

YESAYA 54:6

O, Israel, rapangko baine bunting beru si'naya pa'mai'na lanri nibokoi ri bura'nenna. Mingka Nakiokko ammotere' Allata'ala na Nakana,

YESAYA 54:7

“Sinampe' dudujA' ambokoiko; Kukamaseang duduko siagang Kualleko ammotere'.

YESAYA 58:1

Nakana Batara, “Gassingi ammarrang! Pauangi sikamma dosana ummakKu.

YESAYA 64:6

Ikambe tau rantasa' ngasengi, ba'lalo manna gau' baji'na ikambe rantasa' ngasengi na ra'masa'. Lanynyaki ikambe lanri kaja'dallanna ikambe rapang leko' kayu kalumeng niri'bakang ri anging.

HOSEA 4:5

Allo bangngiko anggaukangi kasalanga, kammayatompa sikamma na'bia. Lanri kammana anjo laKupanraki Israel, anronnu.