YESAYA 5:24 - KITTA' MATANGKASA'

²⁴ Nutollaki ajaranNa Batara Kaminang Koasaya, na nuhina parentaNa Allata'ala matangkasa'na tu Israel. Lanri kammana anjo, rapang rarame siagang ruku' kalotoro' la'busu' nakanre pepe', kamma tomminjo aka'-aka'nu la'jari bottoki, bunga-bungannu la'jari kalotoroki na la'busu' nairi' anging.

YESAYA 5:24 Referans Kwoze

YESAYA 30:12

Lanri kammana anjo Nakanamo Allata'ala matangkasa'na Israel, “Nutollaki kanangKu siagang nupattoang panjallakkanga siagang pannipuanga.

AYUB 18:16

Kalotoro'mi siagang akkapurru'mi aka'-aka'na; tangke-tangkenna kalotoro'mi na rokko'.

LUKAS 3:17

Nia'mi lalang limanNa pa'dinginga, untu' laNapake antapi sikamma berasaka sa'genna tangkasa'. LaNapasse'rei berasaka lalang ri pammolikanna; mingka awanga laNatunui ri pepe' tenaya nalammari rinrana!”

YO"EL 2:5

A'lumpa'-lumpa' ke'nanga ri coppo' monconga, sa'ranna kontui sa'ra galutturu'na kareta pa'bundukanga siagang a'rete'na pepe' akkanreya. A'barrisiki kontu pasukang barania, sadiaya maju mange ri pa'bundukanga.

YESAYA 47:14

Ciniki, rapangi ke'nanga rarame nakanrea pepe'; takkulleai napasalama' kalenna ke'nanga! Ta'lalo bambanna anjo pepeka mae ri ke'nanga, teai pepe' kammu' untu' a'binrung.

YESAYA 30:9

Saba', anjo ke'nanga bansa nangai angngewaya ri Allata'ala, nangai a'balle-balle siagang tale'bakai ero' appilangngeri ri pangngajaranNa Batara.

KALAPPASSANG 15:7

Lanri kala'birang malompoTa Kipanraki sikontu angngewaya ri Katte. A'rinrai larroTa rapang pepe', na natunu ke'nanga rapang rarame.

1 TESALONIKA 4:8

Lanri kammana, inai-nai taeroka antarimai anne pangngajaranga, teai rupataua tanatarimaya, passangalinna Allata'ala ampassareangai Roh matangkasa'Na mae ri kau ngaseng.

LAMPA-LAMPANA 13:41

‘Parhatikangi baji'-baji' ikau tau nungaia pahina-hina! La'jari lannasakko, nunampa mate! Nasaba' anne jammanga nia' apa-apa Kugaukang tenaya nalanupatappaki, manna nia' tau ampakasingaraki mae ri kau.’ ”

YOHANES 12:48

Inai-nai ansorongbokoA' siagang tanapilangngeriai kanangKu, nia'mo angngadeli anjo taua. Iaminjo kana-kanangKu Kupabattua langngadeli sallang ri Allo Kiamaka.

LUKAS 10:16

Nampa Nakana Isa mae ri ana'-ana' gurunNa, “Inai-nai ampilangngeri kanannu, iNakke mintu napilangngeri. Inai-nai ansorongbokoko, iNakke mintu nasorongboko. Na inai-nai ansorongbokoA', nasorongboko tommi Allata'ala assuroA'.”

LUKAS 7:30

Mingka taerokai tu Farisia siagang guru-guru agamaya antarimai rancanaNa Allata'ala eroka ampasalamaki ke'nanga. Taerokai ke'nanga nije'ne' ri Yohanes.

MATIUS 3:12

Nia'mi pa'dinginga lalang limanNa, eroka Napake antapi sikontu berasaka sa'genna tangkasa'. Sikontu berasaka laNaboliki lalang ri pammolikanna, mingka sikamma awanga laNatunui lalang ri pepe' tenaya nalammari rinrana.”

MALEAKHI 4:1

Nakana Batara Kaminang Koasaya, “Labattui sallang allonNa nasikontu tau tampoa siagang tau ja'dalaka nitunui rapang rarame. Ri anjo alloa lanitunui sa'genna la'busu' ke'nanga, siagang tenamo ke'nanga latassesa.

NAHUM 1:10

Lanitunuko rapang rarame kalotoro' kontu rompo' akkatinting sikalasaka.

AMOS 2:9

Mingka manna nakamma, he ummakKu, untu' ikaumi naKupanraki tu Amori tinggia kalenna rapang poko' camara siagang kassaka rapang poko' kayu terpentin.

HOSEA 9:16

LaKuhukkungi tu Israel. La'jari ke'nanga sanrapang lamung-lamung tenaya na'rappo, siagang kalotorokamo aka'-aka'na. Takkulleai ke'nanga nia' ana'na; mingka manna pole nania' ana'na ke'nanga, laKubunoi anjo ana'-ana' nakamaseanga.”

HOSEA 5:12

Lanri kammana anjo laKuancuruki bansa Israel, siagang laKuputtai tu Yehuda.

YEREMIA 8:9

Sikamma tau cara'de' niaka ri tangnga-tangnganu lanipakasiriki. Lamatei akkala'na ke'nanga siagang lanaallei sikko'. Taerokai ke'nanga ampilangngeri pappakaingakKu; kamma-kamma anne, kacara'dekang apa mami nia' ri ke'nanga?

YEREMIA 6:19

Parhatikangi, he ikau buttaya! Taerokai ummakKu antarimai pangngajarangKu siagang taerokai mannuruki ri Nakke. Lanri kammana anjo ero'na ke'nanga, Kupitujui ke'nanga bala lompo.

YESAYA 8:6

“Anne bansaya natollaki je'ne' ci'nong battua ri pangka Binangana Syiloah, na sannang ri Karaeng Rezin siagang Karaeng Pekah.

PAMMUJI 50:17

Saba' taerokako antarimai pappakaingakKu, siagang nutollaki parenta-parentaKu.

NEHEMIA 9:26

Mingka apparicui ummatTa na tamannurukia, nabawang-bawangngangi hukkunTa siagang paratoranTa, nabunoi na'bi-na'bi ampakaingakai ke'nanga, assuroai ke'nanga ammotere' ri Katte, Allata'alana. O, Batara, a'mole-mole tongKi' nihina ri ke'nanga.

1 SAMUEL 15:26

Mingka appialimi Samuel angkana, “Tena kuero' ammotere' siagang ikatte. Kiewami parentaNa Batara, na kamma-kamma anne tenamo Naakuiki' salaku karaenna Israel.”

1 SAMUEL 15:23

Nasaba' tamappilangngeria mae ri Batara sangkammai ja'dala'na anggaukanga bale'-bale' mata, siagang nyawa tampoa sangkammai ja'dala'na anynyomabaya ri rewata. Nasaba' kiewami parentaNa Batara, natena tommo Naakuiki' Batara salaku karaeng.”

2 KARAENG-KARAENG 19:22

Maka nuassenji angkanaya inai anjo nupakkana-kanai siagang nupakatuna? INakke, Allata'alana tu Israel, Allata'ala matangkasaka! Teai sipato' tampona panggaukannu mae ri Nakke.

YESAYA 1:4

Cilakako kau bansa dorakaya, tau panraka siagang ja'dalaka! Ta'loposo' ngaseng mako lanri dosa-dosanu. Nutollaki Batara siagang nubokoi Allata'ala Kaminang Matangkasaka, siratanga musti nusomba.

YESAYA 1:31

Rapangi rarame akkanrea lanri nitaba ri racci' bara pepe', kamma tomminjo sikamma tukoasaya lanipanraki lanri panggaukang-panggaukang kalenna tonji ke'nanga, iamintu kaja'dallanna ke'nanga. Nampa tena tau akkulle ampamari anjo kaancuranna.

YESAYA 7:9

Anjo Israel tena nakassakkangngang na Samaria, iamintu ibukotana, kammayatompa anjo Samaria tena nakassakkangngang na Karaeng Pekah. Punna tena nuttojeng-tojeng tappa' mae ri Nakke, mattantu tena nukkulle lattahang.”

YESAYA 9:18

Sanna' larroNa Batara Kaminang Koasaya, na hukkunganNa rapangi pepe' a'rinra lompo; nampa anjo bansaya napare' kayu tunuang sa'genna cappu' nakanre pepe'. Tena manna sitau angkamaseangi sari'battanna.

YESAYA 9:19

Ri sikontu anjo pa'rasanganga massing a're'bu'mi siagang sambarang mami apa-apa nakanre, mingka tena bassoro'na ke'nanga. Ba'lalo massing para iami sikanre-kanre sipa'agangngang!

YESAYA 24:6

Lanri kammana anjo Natunraimi Batara buttaya siagang Nahukkummi pandudu'na lanri panggaukanna ke'nanga. Nipa'jari ammutungi ke'nanga siagang sike'de' mami battu ri ke'nanga salama'.

YESAYA 26:11

O, Batara, sadia maKi' langhukkungi musunTa, mingka tanaassengai kalenna ke'nanga. Lappassammi ke'nanga ammakkala' kacci anciniki pangngamaseanTa mae ri ummatTa. Lappassammi ke'nanga cappu' niancuru' ri hukkungang Kisadiakanga mae ri ke'nanga.

HOSEA 11:9

Tena nalaKuhukkungko lalang larroKu; tenamo nalaKuancurukko pole. Nasaba' iNakke Allata'ala, tena Kusangkamma rupataua. INakke, Matangkasaka, anrurungangko, siagang taerokaMa' larro mae ri kau.”

KALAPPASSANG 5:12

Jari a'lampami tu Israel anjappai sikontu butta Mesir untu' appasse're rarame.

PAOLE 28:24

Talappaturungai bosi je'ne' Batara, passangalinna bosi limbu'bu' siagang kassi' sa'gennu cappu' nipanraki.

AYUB 8:17

Aka'na nakaluki batu-batu ri buttaya; akkalu' jarreki, tagampangai ta'lagasa'.

YEHEZKIEL 15:6

Lanri kammana anjo Nakanamo Batara Kaminang Tinggia, “Rapang kayu poko' anggoro' niallea battu ri romanga nampa nitunu, kammatommi anjo laKugaukangi pandudu'na Yerusalem!

AMOS 2:4

Nakana Batara, “Tu Yehuda a'mole-molei doraka, lanri kammana anjo ma'nassa laKuhukkungi ke'nanga. Nadakkai ke'nanga parenta-parentaKu siagang tanajampangiai ajarang-ajarangKu. Nipa'lingui ke'nanga ri rewata-rewata maraenga nasombaya boe-boena ke'nanga.