YESAYA 5:19 - KITTA' MATANGKASA'

¹⁹ Nukana, “Lappassammi angngalle linta' tindakang Karaeng, Allata'ala matangkasa'na Israel! Boli'mi kamma Nagaukang rancanaNa, sollanna niciniki siagang niassengi.”

YESAYA 5:19 Referans Kwoze

YEHEZKIEL 12:22

“He tau, angngapai tu Israel nangai kammai napau paruntu' kana kammaya anne: ‘Kasambeangi jammanga, mingka botoa tenanga'rupayai'’?

YEREMIA 17:15

Nakana taua ri nakke, “Kemae ngasenji anjo pa'garatta'Na Batara? Lappassammi Nagaukang kamma-kamma anne!”

YEREMIA 23:36

Takkulleami ke'nanga ammake kana-kana ‘pisangnganNa Batara’. Punna nia' ija ampakei anjo kana-kana kammaya, laKupa'jari anjo pasangKu a'jari pisangngang tojeng mae ri kalenna. Tau angkanaya ‘pisangnganNa Batara’ poro natunggennaja bicarangKu, Allata'alana ke'nanga, Allata'ala mattallasa', Batara Kaminang Koasaya.

YEHEZKIEL 12:27

“He tau, napaui tu Israel angkanaya anjo paccini'nu siagang nubotoa sallo duduiji sallang nampa la'rupa.

YEREMIA 23:18

Kukana, “Tena manna sitau battu ri sikamma anjo na'bi-na'bia angngassengi apa takkimbolonga lalang ri pikkiranNa Batara. Tena battu ri ke'nanga le'ba' allangngereki siagang ampahangi rancana-rancanaNa; tena todong amparhatikangi yareka anjampangi kana-kananNa.

YESAYA 66:5

Pilangngeri apa Napaua Batara, he ikau mallaka siagang mannurukia mae ri Ia, “Lanri tamamminranu mae ri Nakke, nia' ri bansanu angkabirisiko, na taeroka ansileporangko. Nacau-cauko ke'nanga na nakana, ‘Lappassammi Napappicinikang Batara kala'biranNa, sollanna nacini' ikambe karannuannu.’ Mingka kalenna tonji ke'nanga anggappa siri'-siri'.

YESAYA 30:11

A'liliko siagang oloang maraeng nuolo. Teako ganggui ikambe siagang Allata'ala matangkasa'na Israel.”

YEREMIA 36:23

Kamma le'ba'na Yehudi ambacai tallu yareka appa' barisi' naung, napolommi anjo bageanga siagang lading ca'di nampa napasambila antama' ri pepeka. Kammami anjo tulusu' nagaukang sa'genna la'busu' natunu ngaseng sikontu anjo kitta' nigulunga.

HOSEA 10:3

Tasalloami nanakana ke'nanga, “Tena karaenta nasaba' tena nakimalla' mae ri Batara. Apa matu-matunna se'rea karaeng mae ri katte?”

MALEAKHI 2:17

Nupakalanrei Allata'ala lanri bicarannu. Mingka akkuta'nangko angkana, “Antekamma batena ikambe ampakalanrei Batara?” Iamintu lalang nukanana, “Sikontu tau a'gau' kodia nibilang bajiki ri Batara, siagang mangngellai mae ri ke'nanga.” Yareka akkuta'nangko angkana, “Kemae anjo Allata'ala nikanaya adele'?”