YESAYA 5:15 - KITTA' MATANGKASA'

¹⁵ Tunggala' taua lanipakasiriki, siagang tau borroa lanipakatunai.

YESAYA 5:15 Referans Kwoze

YESAYA 2:11

Tau borroa lanipakatunai na tau tampoa lanipa'dundui. Bataraji bawang nipakalompo.

YESAYA 2:9

Tunggala' taua lanihinai siagang lanipakatunai. TeaKi' pammopporangngi ke'nanga Batara!

1 PETRUS 5:5

Kammayatompa ikau sikamma tau rungkaya. Mappilangngeriko mae ri tau toaya. Musti nupakatunai kalennu; siagang musti silayaniko siagang tuna pa'mai'nu. Nasaba' nia' tattulisi' lalang ri Kittaka angkanaya, “Nabaliangi Allata'ala tau tampoa, mingka Nakamaseangi tau tunaya pa'mai'na.”

DANIEL 4:37

Jari kamma-kamma anne, inakke Nebukadnezar, kupuji, kupakatinggi siagang kupakala'biriki Karaenga ri Suruga. Sikontu Nagaukanga annabai siagang adeleki, siagang akkullei Napakatuna tau tampoa panggaukanna.

YEREMIA 5:9

Maka tena namusti Kuhukkung bansa kammaya anjo siagang Kubalasa' apa le'baka nagaukang ke'nanga?

YESAYA 37:29

siagang Kulangngere'mi ri passala'na anjo kalarroannu siagang katampoannu. Kamma-kamma anne Kusarei pakkai' ka'murunnu siagang Kusarei sa'mang bawanu, nampa Kubesokko ammotere' allalo ri oloang nuoloa ri wattunnu battu.”

YESAYA 37:23

Nuassenji angkana inai anjo nupakka-pakkanaia siagang nuhinaya? INakke, Allata'alana Israel, Allata'ala matangkasaka.

YESAYA 13:11

Nakana Batara, “LaKuhukkungi linoa lanri kaja'dallanna, siagang tau ja'dalaka lanri dosa-dosana ke'nanga. Tunggala' tau tampoa laKupakatunai, siagang laKuhukkungi tau borroa siagang pallaka.

YESAYA 10:33

Batara Kaminang Makoasaya laNaruntungi anjo ke'nanga, rapang tangke kayu nite'baka battu ri poko'na. Kaminang porea siagang kaminang tinggia ri ke'nanga lanipolongi siagang laniruntungi.

YESAYA 10:12

Mingka Nakana Batara, “Punna le'ba'mo apa eroka Kugaukang ri Bulu' Sion siagang ri Yerusalem, laKuhukkungi karaeng Asyur lanri kaborroanna siagang katampoanna.”

YESAYA 2:17

Tau borroa lanipakatunai, siagang tau tampoa lanipadundui. Bataraji bawang nipakalompo.

PAMMUJI 62:9

He, bansaku, manrannuangko ri Allata'ala lalang sikontu wattunnu; pabattui ri Ia bonena atinnu, saba' Iami tampa' pa'la'langanta.

KALAPPASSANG 9:17

Mingka manna mamo nakamma anjo, tuli tinggi langganu siagang taerokako allappassangi ummakKu a'lampa.

2 SAMUEL 22:28

Kipasalamaki tau tuna pa'maika; mingka tau tampoa Kipadundui.

PAMMUJI 131:1

Kelong siara battu ri Daud. O, Batara, tena nakutampo, siagang tena kuborro. Tena nakuondang apa-apa lompo dudua yareka sukkara' dudua mae ri nakke.

PANGNGEBARANG 30:13

Nia' tau nakanai kalenna baji' sikali, teai sipato' baji'na!

ZEFANYA 3:11

Anjo wattua, he ummakKu, tenamo nuparallu pole siri'-siri' lanri le'ba'nu angngewa mae ri Nakke. LaKubongkai sikamma tau tampoa siagang borroa, siagang tenamo nulangngewa mae ri Nakke irate ti bulu' matangkasakKu.

YESAYA 2:12

Ri anjo alloa laNapakatunai Batara Kaminang Koasaya sikamma tau ampakatinggiai kalenna, na nahukkung tau borroa siagang tau tampoa.