YESAYA 5:11 - KITTA' MATANGKASA'

¹¹ Cilaka mako kau! Battu ri bari'basa' sa'genna bangngi iaji bawang nugaukang angnginunga inungang terasa' siagang nasa'ringa.

YESAYA 5:11 Referans Kwoze

ROMA 13:13

Musti nigaukangi apa-apa mala'birika, sangkamma biasaya nagaukang taua ri wattu singaraka; teako alla'bi dudu batenu assua'-suara', yareka teako ta'liwakki batenu angnginung sa'gennu nasa'ring. Teako assalimaraki, yareka teako appanggaukang kammai tu tena nungngasseng atorang. Teako assiba'ji, yareka teako assereati.

YESAYA 5:22

Cilakako kau tuporea angnginung anggoro'! Baraniko siagang hebakko punna accampurukko inungang terasa'!

PANGNGEBARANG 20:1

Inungang terasaka napa'jari kurangajaraki siagang ricui taua. Toloi tau angnginunga sa'genna nasa'ring.

GALATIA 5:21

kammayatompa assereatia, painunga sa'genna nasa'ring, assua'-suara' appala'busuka apa-apa, na maraengannaya. Yangasennami anjo kupakaingakkangko kamma-kamma anne; sangkamma todong kupakainga'nu pirangalloang, angkanaya anjo tau a'gau' kammaya takkulleai a'jari anggota Umma'Na Allata'ala.

1 KORINTUS 6:10

inai-nai a'lukka', angngoa, siagang painung, inai-nai nangai ambicara kodi paranna tau siagang ampaccoki paranna tau – yangasemmi anjo tau kammaya takkullea a'jari umma'Na Allata'ala.

LUKAS 21:34

“Jagai kalennu, gassingka sangnging assua'-suaraka, angnginung inungang terasa', yareka sangnging passala' katallassannu bawang nunawa-nawa, sa'genna tena nusadia natanusanna-sannaya nabattumo anjo wattua.

YESAYA 28:1

Cilakai kota nakalompoang pa'maika sikamma painunna Israel! La'jari toami kaga'ganna, rapang bunga kalumeng niaka ri simbolenna ke'nanga. Cilakai kota tinggia nai' battu ri tangngana ka'bung copponga, nakalompoanga pa'mai' sikamma tau sitangnga matea nasa'ring.

HABAKUK 2:15

Nitunraiko ikau! Nuhinai siagang nupakasiriki singngampi'-ampi' balla'nu; nupa'jari ke'nanga ta'royong-royong rapang tau nasa'ring.

PANGNGEBARANG 23:32

Ammukona bari'basa' sangkammami nusa'ring tau le'baka nitotto' ri ulara' a'racung.

1 SAMUEL 25:36

Ri wattunna ammotere' Abigail mae ri Nabal, nia'mo narapikang passua'-suarrang lompo nigaukang ri balla'na, sangkamma passua'-suarrang karaeng. Nalanri nasa'ringi Nabal siagang a'rannu-rannuna, tena sikalimo nanipauangi ri bainenna sa'genna ammukona.

2 SAMUEL 19:35

Sagantujupulo taummi umuru'na atanta, siagang tena akkulle lanakasannangngang atanta. Tenamo nakkulle nakasia' baji' apa nakanrea siagang apa nainunga atanta, kammayatompa takkulleami nalangngere' atanta sa'ranna tau akkelonga. Poro ikatteji bawang lakubattalli karaeng.

YESAYA 22:13

Mingka kabalekanna, ikau assannang-sannang jako siagang assua'-suara' jako. Ammolongko sapi siagang gimbala', angnganre dageng siagang angnginung je'ne' anggoro' nampa akkio' angkana, “Umba ningnganre siagang angnginung, saba' ammuko lamate maki'!”

YESAYA 24:9

Tenamo tau angnginung anggoro' siagang akkelong-kelong, tenamo tau angkasiaki nyamanna inungang terasaka.

YESAYA 28:3

Kalompoang pa'mai'na anjo sikamma pamimping nasa'ringa lanionjo'-onjokangi.

YESAYA 56:12

Sikamma painunga anjo nakana, ‘Umba kingnginung anggoro' sa'genna sukku' pakkasiatta. Ammukoa lala'bi bajikangngangi na anne alloa!’ ”

HABAKUK 2:5

Anjo kakalumanynyanganga tuli appa'dongo'-dongoki. Anjo tau angngoaya tampoi siagang lussaki. Rapang kamateang, tena todong nale'ba' sukku' nasa'ring; tasse're-se're bansa naallei nakammai.