YESAYA 49:9 - KITTA' MATANGKASA'

⁹ Tau nitarungkua Kusuroi assulu'; tau niaka lalang ri sassanga Kuerangi mae ri singaraka. Ba'lalo manna ri bulu' a'gondoloka tena nalakakurangang ke'nanga, ri sikontu oloanna nia' sadia kanre.

YESAYA 49:9 Referans Kwoze

YESAYA 42:16

BansaKu butaya laKurenrengi angngolo rioloang tenaya naassengi ke'nanga; laKurenrengi ke'nanga ri agang tenaya naassengi ke'nanga. Sassanga Kupa'jari singaraki mae ri ke'nanga, na oloang a'buttu-buttua Kulappari. Iaminjo laKugaukang mae ri ke'nanga, siagang attantumi laKugaukanna.

YESAYA 42:7

Untu' ansungkei matanna tau butaya, siagang allappassangi taua battu ri sassanna tarungkua.

1 PETRUS 2:9

Mingka ikaumi bansa le'baka nipile, imang-imang allayania karaeng, bansa matangkasaka, untu' KalenNa Allata'ala, siagang umma' KalenNa Allata'ala. Napileko siagang Nakiokko Allata'ala assulu' battu lalang ri sassanga untu' antama' ri singara' kalompoanNa, sollanna nupa'la'bang biritta ri sesena sikontu panggaukang malompoNa.

LUKAS 4:18

“Niaki RohNa Batara ri KalengKu, Nasaba' le'ba'Ma' Nalanti' untu' ambirittakangi Kabara' Bajika mae ri tu kasi-asia. NasuroA' battu untu' ampa'la'bangi biritta kalappassanna tu nitarungkua siagang lamaccini'na tu butaya; untu' allappassangi tu nijallakkanga

YESAYA 61:1

KoasaNa Batara Kaminang Tinggia niaki ri nakke; Napilea' siagang Nasuroa' untu' angngerang kabara' baji' mae ri tau kasi-asia siagang ampammollei tau ancuruka pa'mai'na; untu' ampa'la'bangi mae ri tau nitahanga angkanaya tasalloami nanilappassang ke'nanga, siagang mae ri sikamma tau nitarungkua angkanaya lanipasulu'mi ke'nanga.

YESAYA 41:18

Kupasolongi je'neka battu ri bulu'-bulu' a'gondoloka; lassuluki je'neka battu ri timbuseng je'neka ri tangnga-tangngana lapparaka. Parang lompoa laKupa'jari kollang; lassuluki je'neka battu ri butta kalotoroka.

YESAYA 9:2

O, Batara, Kisarei ke'nanga karannuang lompo, Kipa'jari ke'nanga makkio' rannu. Rannui ke'nanga lanri kabajikanTa, rapang tau a'rannu-rannua wattu napasse'rena wassele' kattoanna, yareka a'bage barang nirampasa'.

PAMMUJI 102:20

Acciniki Batara battu rate ri tampa' tinggina, battu ri suruga attoa' naung ri lino

PAMMUJI 69:33

Nacini'na kammaya anjo, rannumi tau nijallakkanga, lompomi pa'mai'na tau anynyombaya ri Allata'ala.

KOLOSE 1:13

Le'ba' maki' Nalappassang battu ri kakoasanna masassanga, nampa napalettekki' antama' ri pamarentahanNa Ana'Na Nakamaseanga.

EFESUS 5:14

Na sikontu apa nicini' bajika, a'jari singara'mi. Iaminjo saba'na nania' nikana, “Ambangungko ikau tau tinroa, ammentengko nai' battu ri kamateanga! Accayami singara'Na Almasi irateangannu.”

EFESUS 5:8

Ikau riolo niakko lalang ri sassanga. Kamma-kamma anne a'jari mako umma'Na Batara; jari nia' mako lalang ri singaraka. Lanri kammana, musti attallasakko lalang singaraka.

LAMPA-LAMPANA 26:18

untu' ansungkeangi matanna ke'nanga, sollanna akkulle assulu' ke'nanga battu ri sassanga nampa antama' ri singaraka; sollanna ta'lappasa' ke'nanga battu ri pangngajara' salana Billisika, nampa nikoasai ke'nanga ri Allata'ala. Na lanri tappa'na ke'nanga mae ri Nakke, naKupammopporammo dosa-dosana siagang la'jarimi ke'nanga umma'Na Allata'ala nipilea.’ ”

YOHANES 10:9

INakkemi timungang. Inai-nai ammalo battu ri Nakke antama', iami lanipasalama'; assulu' antamai nanggappa kanre.

YOHANES 8:12

A'bicarami pole Isa mae ri tau jaia, Nakana, “INakke minne sanrapang singara'na linoa. Inai-nai amminawang ri Nakke, tena nala'jappa lalang ri sassanga, mingka nagappami singara'na katallassanga.”

LUKAS 1:79

kammaminjo na Nasingari sikontu taua niaka lalang ri sassang siagang kamallakkang. Nauluki' mange ri oloang a'lampa mangea ri kabajikanga.”

YO"EL 3:18

Ri anjo wattua sikamma monconga larassi koko anggoro'. Olo'-olo' niparakaia langnganrei ruku' ri bulu'-bulu' copponga. Sikamma binangaya ri Yehuda tena le'bakai lala'busu' je'ne'na. Se're binanga lassolong battu ri Balla'Na Batara, na nabasai Ka'bung Akasia siagang je'ne' nyamang.

YEHEZKIEL 34:29

LaKupicoppongi sikamma kokonna ke'nanga sa'genna tenamo wattu kacipurang ri anjo pa'rasanganga. Tenamo nalanihina ke'nanga ri bansa-bansa maraenga.

YEHEZKIEL 34:23

LangngangkakKa' sitau karaeng sangkammaya atangKu Daud, untu' a'jari pakalawaki tenaya ruanna mae ri ke'nanga, siagang iami lamparakai ke'nanga.

YESAYA 65:13

Sikontutojenna, tau anynyombaya ri Nakke langnganrei, mingka ikau naalleko cipuru'. Langnginungi ke'nanga, mingka ikau turereko. Larannui ke'nanga, mingka ikau nipakasirikko.

YESAYA 5:17

Ri rumbanganna kotaya angnganre ruku' ana' bembea siagang gimbalaka; tena nalakakurangang ke'nanga.

PAMMUJI 146:7

Naalleangangi ha'na sikamma tau nijallakkanga, na Nasare kanre tau cipuruka. Batara allappassangi sikamma tunitahanga,

PAMMUJI 22:26

Ri tangnga-tangngana passe'reanna ummaka mammujia' mae ri Katte, lanri sikontu apa le'baka Kigaukang. Ri dallekang umma' mappilangngeria kupassareang koro'bang le'baka kupa'janjiang.

PAOLE 32:13

BansaNa akkullei nakoasai moncong-monconga, ri butta a'batu-batua attimboi poko'-poko' zaitunga. Nakanrei ke'nanga wassele' koko-kokonna, nainung je'ne' bani taniparakaia ri alla' batu karanga.

LUKAS 2:32

Sanrapang singara', ansingaria oloanna bansa-bansa maraenga, untu' labattu mae ri Katte; singara' angngeranga kala'birang mae ri ummatTa Israel.”

YESAYA 48:17

Nakana Allata'ala matangkasa'na Israel, Mappasalama'nu, “INakke Karaeng Allata'alanu, angngajarakako apa a'matu-matua ri kalennu, anrurungangako ri agang mustia nuolo.

MIKHA 5:4

siagang lassarei kaamangngang. Punna battu tantara Asyur ambunduki pa'rasanganta siagang nalappo pattahanganta, lanipagio' kabusuki sikamma pamimpinta kassaka untu' ambunduki ke'nanga. Lanibetai tu Asyur ri pamimping-pamimpinta lanri kagassingang sanjata, nanipasalamakki' battu ri limanna ke'nanga.

KAIMANGNGANG 25:54

Punna takkulleai nipasulu' anjo taua lalang kalase'renna anjo caraya, ia siagang sikamma ana'na musti nipakabebasaki lalang Taung Pammoterang labattua.