YESAYA 49:8 - KITTA' MATANGKASA'

⁸ Nakana Batara ri umma'Na, “Punna mangngellaiA', lappialiA'; ri allo appasalamakKu, laKutulungko. Kula'langiko siagang Kujagaiko, siagang Kupa'jariko parjanjiang mae ri bansa-bansaya. Kupa'jari bajiki ammotere' pa'rasangang sinoa a'jari butta pisaka nipammantangia.

YESAYA 49:8 Referans Kwoze

2 KORINTUS 6:2

Nakana Allata'ala lalang ri Kittaka, “Ri wattu pangngellaingKu, Kupilangngerimi pappala'nu, siagang ri wattu allo kasalamakkanga, Kupasalama' mako.” U'rangi baji'-baji'! Iaminne wattua, wattu pangngellaiNa Allata'ala. Kammayatompa iaminne alloa, allo pappasalama'Na Allata'ala.

YESAYA 42:6

“INakke, Batara, angkiokko siagang assareko tugasa' untu' ampajappai kaadelanga. Kurenrengko siagang Kuparakaiko untu' a'jari parjanjiang mae ri umma' rupataua, untu' a'jari singara' mae ri sikontu bansaya.

PAMMUJI 69:13

A'jari carita' ri tampa' pa'rappunganna taua, kelong-kelong tunasa'ringa inakke napitabai.

IBRANI 12:24

Isa nudallekang patteteang amparekai anjo parjanjiang berua; cera' nipa'ba'basaka nudallekang, iamintu cera' ampattantui la'bi baji'na apa-apaya, naia napattantua cera'na Habel.

YESAYA 61:4

Lanabangungi ke'nanga kota-kota salloamo runtung nappaenteng tampa'-tampa' salloamo sino.

YESAYA 58:12

Kota salloamo rumbanna lanubangungi ammotere' irate ri pundasi sallona. Lanigallarakko ‘Bansa ambangungai ammotere' sikamma tembo' kallika siagang ampakabajikai sikamma balla' ancuruka.’ ”

IBRANI 5:7

Ri wattunna attallasa' Isa ri anne linoa, akkio' lompoi siagang angngarruki appala' doang mae ri Allata'ala, akkullea ampasalamaki battu ri kamateanga. Na lanri tunduki siagang Napakalompoi Allata'ala, nipilangngerimi pappala'Na.

YESAYA 51:16

INakke ampaka'rangi langika siagang ampadongkoki dasara'na buttaya. Kukana mae ri Sion: Ikaumi ummakKu; Kupassareangi ajarangKu mae ri kau na Kula'langiko siagang koasaKu.”

YESAYA 44:26

INakke ampakajarreki kananna atangKu, siagang anggaukangi rancana napa'nyataya tunisuroKu, iNakke angkana lanipammantangngi poleammi Yerusalem, siagang kota-kota Yehuda laKubangung poleangi ammotere'; laKupakabajiki sikamma rumbanganna.

EFESUS 1:6

Nipujimi Allata'ala lanri la'biri'na kabajikang pa'mai'Na, le'baka allumpa Napa'nyata mae ri katte ri tete Ana'Na Nakarimangngia.

YESAYA 54:3

Lapila' katambangi luara'nu mae ri kanang siagang mae ri kairi, pandudu'nu lanaempoi buttana bansa-bansaya siagang lanapammantangngi kota-kota sinoa kamma-kamma anne.

YESAYA 49:19

Pa'rasangannu rosoka siagang sino sikalia kamma-kamma anne a'jari seppa' dudumi mae ri tau eroka ampammantangngi. Na tau eroka ampanrakiko, a'lampami bella battu ri kau.

YESAYA 42:1

Nakana Batara, “Iaminne atangKu Kururunganga, tunipileKu appakasannanga ri atingKu. Le'ba'mi Kusare koasaKu, untu' angngerang kaadelang mae ri tunggala' bansaya.

YESAYA 26:3

O, Batara, iKatte assare passiamakkang siagang salewangang mae ri tau jarreka pa'mai'na, lanri tappa'na mae ri Katte.

PAMMUJI 75:3

Nakana Allata'ala, “Ri wattu le'bakamo Kupattantu, laKuadeli taua siagang adele'.

PAMMUJI 2:8

Palaki, naKupassareang sikontu bansaya ri kau, sikontu buttaya Kupa'jari ikau pata.

IBRANI 8:6

Mingka kamma-kamma anne la'bi lompoangangi jama-jamang imang Nagappaya Isa, naanjo jama-jamang imang nagaukanga ke'nanga. Nasaba' anjo passijanjiang Napareka Allata'ala siagang rupataua la'bi bajikangangi lanri situruki ri janji apa-apa la'bi bajikanganga.

MATIUS 26:28

Nasaba' iaminne cerakKu, ampakajarrekai janjinNa Allata'ala – cera' nipasolonga, sollanna akkulle nipammopporang sikontu dosana tau jaia.

YESAYA 51:3

Ikau Yerusalem, laKusaleoriko, siagang sikontu niaka ammantang ri alla'na rumbangannu. Sikamma parang kalotoro'nu Kupa'jari koko ga'ga, rapang Eden, koko coppongKu. Anjoreng taua larannui siagang ma'reja-rejai siagang appala' sukkuru' lalang kelong-kelong.

YESAYA 27:3

INakke, Batara, pajagana; tunggala' wattu Kusirangi, allo bangngi Kujagai, sollanna tena angganggui.

YESAYA 41:10

Teako mallakki, saba' iNakke anrurungangko, teako lussakki, saba' iNakke Allata'alanu. LaKupakajarrekko siagang laKutulungko, Kurenrengko lalang lima makassakKu.

YESAYA 55:6

Ammotere' mako mae ri Batara lalang akkullena ija; akkio' mako mae ri Ia lalang a'reppese'Na.

YESAYA 57:13

Punna ammarrangko, lappassammi na napasalamakko anjo patung-patunga! Latappelaki ke'nanga niri'bakang ri anging siagang lalanynyaki lalang sipa'maikang nappasa' bawang! Mingka tau a'la'langa mae ri Nakke lanawarisiki anjo pa'rasanganga siagang anynyomba mae ri Nakke ri BallakKu.”

YESAYA 58:5

Punna appuasako, nusessai kalennu; nupadundui ulunnu rapang ruku' ta'layuka. Akka'rangko kaeng karung nampa nukiori au, nampa attinroko rateanna. Iakaminjo nukanaya appuasa? Nukapangi angkana sannangi nyawaKu ancini' anjo panggaukang kammaya?

YESAYA 61:2

Nasuroa' angkabarrangi angkanaya narapi'mi wattunna Batara appasalama'; untu' ansaleori sikontu tau susaya, siagang Nabalasa' sikamma musu-musunna ke'nanga;

YESAYA 65:9

Nia' siapa are jaina tau battu ri suku Yehuda laKubarakkaki, siagang turunganna ke'nanga lanapatangi butta pa'moncongangKu. Sikamma tu nipileKu, ia anynyombaya mae ri Nakke lammantangi anjoreng.