YESAYA 49:7 - KITTA' MATANGKASA'

⁷ Nakana Allata'ala matangkasa', Mappasalama'na Israel, mae ri tu nihina dudua, siagang nikabirisia ri bansa-bansaya kammayatompa a'jari ataya ri sikamma tukoasaya, “Sikamma karaenga lanaciniki panggaukangKu; lambangungi ke'nanga ampakalompoA'. Sikamma tukoasaya lanacini' tongi, nampa su'ju' anynyomba.” Kajariangi anjo kammaya lanri le'ba'mi Napile Batara atanNa; Allata'ala matangkasa'na Israel majarreki ri janjinNa.

YESAYA 49:7 Referans Kwoze

MATIUS 26:67

Massing battumi ke'nanga ampi'rui rupanNa Isa, nampa nasessa naba'ji. Nia' tommo antempaka'rangi,

1 PETRUS 2:4

Lanri kammana, battu mako mae ri Batara. Iami sanrapang batu mattallasaka, iamintu batu nipelaka ri rupataua lanri nakana tena matu-matunna; mingka nipilei ri Allata'ala a'jari batu lompoa anggaranna.

YESAYA 53:3

Nihinai siagang nililiangi, tau tuli sessaya siagang biasaya antanggongi pa'risika. Tena manna sitau ero' anciniki, siagang ikatte tena todong nijampangi.

MATIUS 20:28

Sangkamma minjo Ana' Ma'rupataua; niaki battu teai sollanna nanilayani, passangalinna sollanna na'jari palayang. NaNapassareang nyawaNa, sollanna nakkulle Napasalama' tau jaia.”

YESAYA 48:17

Nakana Allata'ala matangkasa'na Israel, Mappasalama'nu, “INakke Karaeng Allata'alanu, angngajarakako apa a'matu-matua ri kalennu, anrurungangako ri agang mustia nuolo.

YESAYA 49:23

Sikamma karaenga larapangi mangge mae ri kau, na sikamma karaeng bainea a'jari amma' mae ri kau. La'su'juki ke'nanga ampakalompoko siagang napakatuna kalenna mae ri kau. Na lanuassemmo angkanaya iNakke anne Batara; tau manrannuanga ri Nakke tena nala'ba pa'mai'na.”

YESAYA 49:1

Pilangngeria', he sikamma pa'rasangang bellaya parhatikangi kana-kanangku. Nakio' memamma' Batara ri tenanapa kunilassukang, Napile memamma' bakukku nitianangngang.

ZAKHARIA 11:8

Nia' tallu pakalawaki angkabirisia' nanapaccappu' kasa'barangku. Kubongkai ke'nanga lalang wattu sibulang.

YESAYA 52:15

Mingka kamma-kamma anne jai bansa napa'jari lannasa', lannasa'mi siagang takkulleami akkana sikamma karaenga napakamma. Lanaciniki ke'nanga siagang lanapahangi, apa tenaya naassengi riolo.”

YESAYA 42:1

Nakana Batara, “Iaminne atangKu Kururunganga, tunipileKu appakasannanga ri atingKu. Le'ba'mi Kusare koasaKu, untu' angngerang kaadelang mae ri tunggala' bansaya.

YOHANES 19:15

Ammarrang-marrammi ke'nanga, angkana, “Bunoi! Bunoi! Allei Salli'!” Akkuta'nammi Pilatus nakana, “Maka musti inakke ansalliki karaennu?” Appialimi imang-imang kapalaya angkana, “Tena ruanna karaeng pantaranganna Karaenna ikambe!”

LUKAS 23:35

Ammenteng ngasemmi tau jaia anjoreng ancini'-ciniki Isa. Na nicau-caumi Isa ri pamimping-pamimpinna tu Yahudia angkana, “Le'baki Napasalama' tau maraenga; coba sabeki Napasalama' KalenNa kamma-kamma anne, punna ma'nassa Karaeng Mappasalama' tojengi, nipilea ri Allata'ala!”

LUKAS 23:23

Mingka pila' ammarrang lompo tojemmi ke'nanga, angkana musti nisalliki Isa. Na kala'busanna niturukiammi ero'na ke'nanga.

YESAYA 60:10

Nakana Batara mae ri Yerusalem, “Bansa maraeng lambangungi ammotere' kalli' tembo'nu, siagang lanalayaniko sikamma karaenga. Riolo Kuhukkungko lalang larroKu, mingka kamma-kamma anne ero'Ma' angkamaseangko.

YESAYA 60:3

A'balulungi bansa-bansaya battu mange ri singara'nu, nikontaki sikamma karaenga ri caya ammumbaya mae ri kau.

YESAYA 50:6

Kutannangngangi dongkokku tau eroka amba'jia'; na pilisikku mae ri tau eroka ambi'buki janggokku. Tena nakugilingi rupangku ri wattungku nihina siagang nipi'rui.

YESAYA 48:7

Kamma-kammapi anne naKupa'jari, teai riolo; tale'bakapi nulangngere' anjo passalaka, sollanna takkulleako angkana, angkanaya sikontuna nuasseng ngasengi.

PAMMUJI 68:31

Kiga'gara' laloi tu Mesir, anjo olo'-olo' sekkeka ri tangngana ruku' tinggia. Kikalarroi bansa-bansaya, pa'rappungang tedong romanga siagang ana'-ana'na, massing sionjo'-onjokanga untu' anggappa pera'. Napasimbungi Allata'ala bansa-bansa nangaia a'bundu'.

PAPPICINI' 11:15

Nampa napasa'ra tarompe'na malaeka' makatujua; na nia'mo nilangngere' ri suruga sa'ra-sa'ra sannaka lompona, angkanaya, “Kamma-kamma anne nia'mi lalang limanNa Batarata siagang Karaeng Mappasalama' Napa'janjianga kakoasanga untu' ammarenta ri anne linoa, iamintu Karaeng Mappasalama' Napa'janjianga. Lammarentai sa'genna satunggu-tungguna!”

PAPPICINI' 3:7

“Untu' mae ri malaeka'na jamaah ri Filadelfia, tulisiki kamma anne: Iaminne pappasang battu ri Ia matangkasaka siagang kontutojenga. Iami anta'galaki konci battua ri Daud; punna Nasungkei pakke'buka, tena manna sitau akkulle antongkoki, siagang punna Natongkoki, tena manna sitau akkulle ansungkei.

YOHANES 19:6

Ri wattunna nacini' imang-imang kapalaya siagang pangawalaka ngaseng anjo Isa, ammarrang-marrammi ke'nanga, angkana, “Allei salli'! Allei salli'!” Nakanamo Pilatus ri ke'nanga, “Allemi anne Taua nampa ikau tommo ansalliki. Nasaba' inakke tena kugappa kasalanNa manna sirupa.”

YOHANES 18:40

Appialimi siagang ammarrang-marrammi ke'nanga, angkana, “Tena, teaki' Ia kilappassang, mingka Barabas!” (Anjo Barabas, iami paella'.)

LUKAS 23:18

A'rappungang ngasemmi tau jaia anjoreng, siagang ammarrang-marrammi ke'nanga angkana, “Bunoi! Lappassammi Barabas untu' ikambe!” (

LUKAS 22:27

Kereanga la'bi la'biri'?: tau ammempoa angnganre ri mejanga, yareka tau a'jari palayanga mae ri anjo tau angnganrea? Tantu anjo tau ammempoa angnganre. Mingka nia'Ma' ri tangnga-tangnganu a'jari palayang.

YESAYA 60:16

Laniparakaiko ri bansa-bansaya siagang sikamma karaenga, rapang sitau amma' amparakai ana'na. Nanuassemmo angkana iNakke Batara, Mappasalama'nu, angkanaya Allata'alana Israel makassaka allappassangko.

PAMMUJI 69:19

Battu lalo maKi' ampasalamaka', Kilappassanga' battu ri musu-musungku.

1 KORINTUS 1:9

Akkullei nipatappa' tojeng-tojeng Allata'ala. Iami Allata'ala le'baka angkiokko untu' a'jari se're siagang Ana'Na, iamintu Isa Almasi, Batarata.

PA'JARIANG 27:29

Poro a'jari atannu ngaseng sikamma bansa-bansaya, siagang tundu' ngaseng suku bansaya mae ri kau. Poro nukoasai ngaseng sikamma bija pammanakannu, siagang su'ju' ri kau turunganna amma'nu. Poro nitunra ngasengi sikamma tau antunrayako, siagang poro nibarakkaki ngaseng sikamma tau ambarakkakiako.”

PAOLE 7:9

U'rangi angkanaya Karaeng Allata'alanu bawang Allata'ala, tena pantaranganna, siagang Iami Allata'ala tamamminraya nyawaNa. Narupai Batara janjinNa siagang Napappicinikangi pangngamaseanNa tenaya tappu'na sa'genna sisa'bu turungang mae ri tau mangngamaseanga ri Ia siagang mannurukia ri parenta-parentaNa.

PAMMUJI 47:9

Ammempoi Allata'ala irate ri empoang kala'birang matangkasa'Na; ammarentai mae ri bansa-bansaya.

YESAYA 14:1

LaNakamaseangi Batara Israel umma'Na, siagang Napilemi ke'nanga a'jari taunNa. LaNaboliki ammotere' ke'nanga ri pa'rasangang kalenna. Bansa maraenga labattu nampa asse're siagang ke'nanga.

YESAYA 19:21

Lanapa'nyatai KalenNa Batara mae ri bansa Mesir, siagang laniassemmi kammayatompa lanisombami ri ke'nanga, siagang langngerammi koro'bang siagang passare ke'nanga mae ri Ia. Assumpami siagang a'janjimi ke'nanga mae ri Ia, nampa narupai anjo janjinna.

YESAYA 19:23

Anjo wattua lania' agang lompo battu ri Mesir sa'genna mae ri Asyur. Pandudu'na anjo ruaya pa'rasangang la'lampai siagang lammotereki numalo anjoreng ri anjo aganga, siagang lasiagangi ke'nanga anggaukangi ibadaya.

YESAYA 27:13

Anjo wattua lanipasa'rai tarompe' lompoa untu' angkioki ammotere' sikontu tu Israel nipelaka mange ri Asyur siagang Mesir. Labattui ke'nanga Mange ri Yerusalem untu' anynyomba ri Batara, ri bulu' matangkasa'Na.

YESAYA 49:26

LaKupa'jari sikamma musunnu palla' ero' ammuno, sa'genna para ia sibuno-buno. Nalanaasseng sikontu umma' rupataua, angkanaya iNakke, Batara, Mappasalama'nu; Kaminang Kassaka, Allata'alana Yakub, Mappasulu'nu.”

YESAYA 66:23

Tunggala' Bulang Beru siagang allo Pammari-marianga labattui sikontu umma' rupataua untu' anynyomba ri Nakke ri Yerusalem.