YESAYA 49:6 - KITTA' MATANGKASA'

⁶ Nakana Batara ri nakke, “He atangKu, attayangi tugasa' lompoanganga ri kau; tena nanupoterang bawang sesa turunganna Yakub siagang nupoterang kalompoanna suku-suku Israel, mingka Kupa'jari tongko singara' mae ri bansa-bansaya, sollanna nipasalama' sikontu bonena linoa.”

YESAYA 49:6 Referans Kwoze

LAMPA-LAMPANA 13:47

Nasaba' iaminne parentaNa Batara mae ri kambe; Nakana Batara, ‘Kupa'jari mako singara' mae ri bansa-bansa maraenga, teaiya tu Yahudi, sollanna nupabattu kasalamakkang mae ri sikontu linoa.’ ”

YESAYA 42:6

“INakke, Batara, angkiokko siagang assareko tugasa' untu' ampajappai kaadelanga. Kurenrengko siagang Kuparakaiko untu' a'jari parjanjiang mae ri umma' rupataua, untu' a'jari singara' mae ri sikontu bansaya.

LUKAS 2:32

Sanrapang singara', ansingaria oloanna bansa-bansa maraenga, untu' labattu mae ri Katte; singara' angngeranga kala'birang mae ri ummatTa Israel.”

YESAYA 52:10

Napappicinikang Batara kakoasanNa ri dallekang matanna sikontu bansaya. Nanasa'bi sikontu buttaya kasalamakkang battua ri Allata'alata.

YESAYA 60:3

A'balulungi bansa-bansaya battu mange ri singara'nu, nikontaki sikamma karaenga ri caya ammumbaya mae ri kau.

LAMPA-LAMPANA 26:18

untu' ansungkeangi matanna ke'nanga, sollanna akkulle assulu' ke'nanga battu ri sassanga nampa antama' ri singaraka; sollanna ta'lappasa' ke'nanga battu ri pangngajara' salana Billisika, nampa nikoasai ke'nanga ri Allata'ala. Na lanri tappa'na ke'nanga mae ri Nakke, naKupammopporammo dosa-dosana siagang la'jarimi ke'nanga umma'Na Allata'ala nipilea.’ ”

YESAYA 11:10

Nia' sallang se're wattu nalabattu sitau karaeng turunganna Daud, a'jari tau niparhatikang ri sikontu bansaya. Labattui ke'nanga mae ri ia, siagang sanna' nipakalompona pammantanganna.

YESAYA 46:13

LaKupa'reppeseki allo kalappassanga, talanipammonokami wattu kasalamakkang laKupassareanga. LaKupasalamaki Yerusalem, siagang Kusare Israel kalompoang.”

2 KARAENG-KARAENG 3:18

Nampa nakana pole Elisa, “Mingka anjo sikammaya kara-kara ca'diji bawang mae ri Batara. Lanasare tongko pammetang mae ri tu Moab.

2 KARAENG-KARAENG 20:10

Nakanamo Hizkia, “Tenaja nasusa ampamajui 10 garisi' taun-taunna anjo pa'jo'joka. Lanri kammana anjo paunduru'mi 10 garisi'.”

LAMPA-LAMPANA 26:23

iamintu angkanaya musti sessai anjo Karaeng Mappasalama' le'baka Napa'janjiang Allata'ala, siagang Iami la'jari tau uru-uru attallasaka ammotere' battu ri kamateanga. Sollanna lanri kammana anjo, akkullemi Napabattu kasalamakkanga, baji' namae ri tu Yahudia, kammayatompa mae ri bansa-bansa maraenga.”

PA'JARIANG 49:10

Yehuda lanna'gala' takkang kakaraengang. Turunganna lammarenta satunggu-tungguna. Bansa-bansaya langngerangi passare, nasu'ju' tundu' ri dallekanna.

PAMMUJI 37:28

Saba' Nangai Batara panggaukang bajika siagang adeleka, tena Nabalang parekangi ta'ronang tau majarreka ri Ia. Najagai ke'nanga satunggu-tungguna, mingka natumpasaki turunganna tu ja'dalaka.

PAMMUJI 97:10

He, ikau ngaseng mangngaia ri Batara, kabirisi laloi kaja'dallanga! Saba' Najagai Batara tallasa'na umma'Na, Napakabebasaki ke'nanga battu ri koasana tu dorakaya.

YESAYA 42:10

Akkelongko kelong beru mae ri Batara, pujimi Batara, he sikontu linoa! Ammarrung mako, he tamparanga siagang sikontu bonena, sikamma pa'rasangang bellaya siagang sikontu pandudu'na!

YESAYA 45:22

He, sikontu pandudu'na buttaya, pasailemi kalennu mae ri Nakke sollannu Kupasalama', saba' iNakkeji bawang Allata'ala, tena pantaranganna!

YESAYA 48:20

A'lampako siagang lariko battu ri Babel, pa'la'bangi anne kabaraka ri kere-keremae. Kabarrangi siagang pakkio' rannu, angkana: “Le'ba'mi Napasalama' Batara atanNa, Israel!

YESAYA 51:4

Parhatikangi sa'rangKu, he bansaKu, pilangngeri kana-kanangKu, he ummakKu. Kupassareangi ajarangKu mae ri bansa-bansaya, hukkung-hukkungKu lansingari ke'nanga.

YESAYA 55:5

Lanukioki bansa-bansa maraenga, na battu linta' ke'nanga mae ri kau, lanri iNakke, Karaeng Allata'alanu, Allata'ala matangkasa'na Israel, lanri le'ba' mako Kupakalompo.”

YESAYA 62:11

Napassareangi Batara anne pasanga mae ri sikontu cappa'na buttaya, angkana, “Pabattui mae ri pandudu'na Sion angkana, ‘Ciniki, battumi Batara Mappasalamaka! Nirurungang ri sikamma tau le'baka Nalappassang.’ ”

YEREMIA 12:16

Punna attojeng-tojeng pa'mai'na ke'nanga ero' antarimai agamana ummakKu siagang ero' assumpa angkana, ‘Lanri Batara mattallasaka,’ – sangkamma batena riolo ke'nanga angngajaraki ummakKu assumpa lanri Rewata Baal – la'jarimi ke'nanga golonganna ummakKu siagang la'jari kalumanynyangi ke'nanga.

ZAKHARIA 6:13

Ia lambangungi BallakKu siagang lannarimai kala'birang sangkamma se'rea karaeng, siagang ia lammarenta mae ri ra'ya'na. Nia' sitau imang lanrurungangi siagang lasamaturuki ke'nanga siagang siamaki ke'nanga lalang ri jama-jamanna.’

ZAKHARIA 8:22

Nampa jaimo tau siagang jaimi bansa makassa' labattu mange ri Yerusalem untu' anynyomba mae ri Nakke Batara Kaminang Koasaya siagang ampalaki barakkakKu.

PAMMUJI 67:3

O, Allata'ala, poro naasseng laloi erotTa sikontu linoa, siagang nipa'nyata kasalamakkanTa ri sikontu bansaya.

YESAYA 56:8

Kammaminne kananNa Batara Kaminang Tinggia angngantarakai bansa Israel battu ri pa'rasangang pammelakkanga, “LangngerangA' tau maraeng untu' asse're siagang ke'nanga niakamo a'rappungang.”

MIKHA 5:3

Punna battu anjo tumakoasaya, laNaparentai umma'Na lalang kagassinganNa siagang kakoasang battua ri KalenNa Karaeng Allata'ala. Laamangi tallasa'na umma'Na, lanri sikontu taua ri sikontu linoa lanamangakui kabusuki kalompoanNa,