YESAYA 49:25 - KITTA' MATANGKASA'

²⁵ Appiali Batara angkana, “Iaminjo lakajariang. Tunitahanna tubarania lanirampasaki ammotere'. Barang narampasa'na tau pallaka lanirampasaki ammotere'. Saba' iNakke KalengKu langngewai musunnu; laKupasalamaki sikamma ana'-ana'nu.

YESAYA 49:25 Referans Kwoze

YESAYA 35:4

Paui mae ri tau ca'dia pa'mai'na angkana, “Pakajarreki pa'mai'nu, teako mallakki, battui Allata'alanu untu' anghukkungi musunnu, battui untu' ampasalamakko.”

YESAYA 54:13

Sikontu pandudu'nu a'jari ana' gurungKu, lakala'biangi siagang lasalewangangi ke'nanga.

ZAKHARIA 14:12

LaNapabattui Batara garring appakamalla'-mallaka mae ri sikontu bansa le'baka a'bundu' angngewai Yerusalem. Matanna siagang lilana ke'nanga, ba'lalo sikontu batangkalenna la'jari bottoki lalang attallasa'na ija ke'nanga.

YESAYA 14:2

Jai bansa lantulungi bansa Israel untu' ammotere' mange ri pa'rasangang Napassareanga Batara mae ri ke'nanga, anjoreng, anjo bansa-bansa maraenga la'jari atai mae ri tu Israel. Lanatahangi tu Israel tau le'baka antahangi ke'nanga, siagang lanaparentai tau le'baka anjallakkangi ke'nanga.

YESAYA 10:27

Anjo wattua laKulappassangko battu ri panjallakkanna Asyur, nampa tenamo nakoasa ke'nanga mae ri kau.”

PA'JARIANG 12:3

LaKubarakkaki sikamma tau ambarakkakiako siagang laKutunrai sikamma tau antunrayako. Siagang lanri ri kau nalaKubarakkaki sikontu bansaya ri lino.”

1 YOHANES 3:8

Mingka inai-nai tuli a'gau' dosa, iami ana'na Billisika, nasaba' anjo Billisika doraka memammi battu ri pakkaramulanna. Untu' iaminne Nabattu Ana'Na Allata'ala, iamintu untu' angngancuruki jama-jamanna Billisika.

ZAKHARIA 9:11

Nakana Batara mae ri umma'Na, “Lanri parjanjiang le'baka Kupare' siagang ikau ngaseng, parjanjiang nipa'jari assaya siagang cera' koro'bang nipassareanga, laKupakabebasaki ra'ya'nu sessaya lalang ri butta pammelakkang sangkamma tau nikurunga lalang ri bungung kalotoro'.

YEREMIA 29:10

Nakana Batara, ‘Punna ganna'mo wattua tujupulo taung untu' Babel, laKuparhatikangko pole ammotere', siagang laKurupai janjingKu untu' angngerangko ammotere' mae ri anne tampaka.

YESAYA 25:9

Anjo wattua lanakana taua, “Sikontutojenna, Iami Allata'alata; Iami nitayanga, sollanta Napasalama'. Tojeng, Iaminne Batara; Iami nitayanga. Anne kamma akkio' rannu maki', saba' le'ba' maki' Napasalama'.”

PAPPICINI' 18:20

He, surugaya, a'rannu-rannuko lanri posso'na anjo kotaya. He, Umma'Na Allata'ala, suro-suroa, siagang na'bi-na'bia ma'rannu-rannuko! Nasaba' nihukkummi ri Allata'ala anjo kotaya, a'jari pa'balasa' mae ri apa-apa le'baka nagaukang mae ri kau ngaseng!

GALATIA 4:26

Mingka anjo Yerusalem, niaka ri suruga iamintu Yerusalem bebasaka, siagang iami anronta ikatte.

ZAKHARIA 14:3

Nampa lamaju Batara untu' a'bundu' angngewai anjo bansa-bansaya, sangkamma le'baka Nagaukang ri jammang riolo.

MARKUS 3:27

Punna nia' paella' antama' ri balla'na tau gassinga, takkulleai naalleang barang-baranna punna tanasikkoka rolong anjo tau gassinga. Le'bappi nasikko' anjo tau gassinga nampa akkulle naalleang barang-baranna.

PAMMUJI 35:1

Pammujina Daud. O, Batara, Kiewai tau angngewaya', Kibunduki tau ambundukia'.

YESAYA 5:29

Ammarrungi sa'ranna tantarana rapang sa'ranna singaya, beru le'baka angngokko' apa najakkala', nampa naerang lari, nampa tena akkulle allappassangi.

YESAYA 10:6

LaKukiringi Asyur mange ambunduki bansaKu a'bokoa ri Nakke siagang ampakanassuA'. LaKusuroi Asyur mange angngellaki, allukkaki siagang angngonjo'-onjokangi bansaKu rapang limbu'bu' ri aganga.”

YESAYA 14:1

LaNakamaseangi Batara Israel umma'Na, siagang Napilemi ke'nanga a'jari taunNa. LaNaboliki ammotere' ke'nanga ri pa'rasangang kalenna. Bansa maraenga labattu nampa asse're siagang ke'nanga.

YESAYA 19:20

Anjo tampa' pakkoro'bangnganga siagang anjo bentenga a'jari pannanrai ri kahaderanNa Batara Kaminang Makoasaya ri Mesir. Punna nijallakkang anjo bansaya, nampa akkio' ke'nanga appala' tulung mae ri Batara, nia'mo sitau lanisuro battu untu' ampasalamaki ke'nanga.

YESAYA 25:4

Saba' iKattemi palararianna tau lammaya, tampa' amanga mae ri tu kasi-asia lalang kasukkarranga. IKattemi pa'la'langngang battu ri anging lompoa, pa'la'langngang battu ri bambanna alloa. Saba' tau pallaka a'bakkai rapang anging lompo ri wattu bara',

YESAYA 33:22

Sikontu pakkakasa' niaka ri kappala'na ke'nanga tena ngaseng matu-matunna; sikamma sombala'na takkulleai nipaka'rang! Sikontu kakalumanynyanganna pasukang musua lanirampasaki, teai sipato' jaina, sa'genna manna tau pesoka anggappa ngaseng bageang. KalenNa Batara la'jari karaenta; Ia lammarenta, ampaentengi hukkunga siagang ampasalamakki' battu ri musua.

YESAYA 40:2

Pakasannangi atinna tu Yerusalem, pauangi angkanaya lakala'busammi nipare' ata. Kupammopporammi salana, le'ba'mi Kuhukkung a'lappi rua sikamma dosana ke'nanga.”

YESAYA 51:22

Kammaminne kananNa Bataranu, Karaeng Allata'alanu angngalleangako, “Ia passessa Kupabattua mae ri kau lalang larroKu, laKuallei ammotere' battu ri kau. Lanaungi larroKu, siagang tea' mako tanggongi pole.

YEREMIA 15:21

LaKulappasangko battu ri kakoasanna sikamma tau ja'dalaka siagang pallaka. INakke, Batara, anne akkana.”

NAHUM 2:13

Nakana Batara Kaminang Tinggia, “INakke anne musunnu. LaKutunui kareta-karetanu sa'genna cappu'. Lamatei tantaranu lalang ri pa'bundukanga, siagang laKuallei battu ri kau sikontu apa le'baka nualle battu ri tau maraenga. Sikamma apa natuntuka tunisuronu tenamo lanilangngere'.”

KAIMANGNGANG 25:54

Punna takkulleai nipasulu' anjo taua lalang kalase'renna anjo caraya, ia siagang sikamma ana'na musti nipakabebasaki lalang Taung Pammoterang labattua.

YESAYA 51:14

Sikamma tunitahanga lanilappassangi linta'; tena nalakakurangang ke'nanga ri kanre, siagang talamateai na nikuburu'.

YEREMIA 31:11

Le'ba'mi Kupasalama' umma' Israel, siagang Kulappassang battu ri bansa kassaka.