YESAYA 49:18 - KITTA' MATANGKASA'

¹⁸ Ciniki siagang parhatikangi niaka ri tammulilinu, a'rappungammi ra'ya'nu battu mae ri kau. Lanri iNakke, Allata'ala mattallasaka, Kukana, tojeng, lalompoi pa'mai'nu lanri pandudu'nu, rapang bunting baine lompoa pa'mai'na lanri belo-belona.

YESAYA 49:18 Referans Kwoze

YESAYA 61:10

Nakana Yerusalem, “Rannui pa'maikku lanri Batara, mate'nei atingku lanri Allata'ala. Rapang bunting bura'ne siagang baine ammake belo-belo ga'ga ngaseng, kammaminjo Napatabaya Batara ri nakke baju kasalamakkang siagang pammetang.

YESAYA 54:9

“Sangkamma ri jammanna Nuh a'janjiA' angkanaya talanialleami linoa ri je'ne' a'ba, kamma tomminjo anne kamma a'janjiA' angkanaya talalarroaMa' yareka tenamo naKuancangko.

YEREMIA 2:32

Maka nia' tulolo angkaluppai belo-belona, yareka bunting baine angkaluppai baju buntinna? Mingka ikau sallo sikaliMa' nukaluppai – takkulleami nirekeng angkana siapami sallona.

YESAYA 66:20

Battu ri anjo sikammaya pa'rasangang, lanaerangi ammotere' ke'nanga sikamma sari'battang julu bansanu, a'jari hadia mae ri Nakke. Lanaerangi ke'nanga sikamma anjo taua mange ri bulu' matangkasakKu ri Yerusalem, a'dongko' jarang, keledai, unta, kareta siagang bendi, kamma biasaya nagaukang tu Israel punna a'lampa ke'nanga mange ri Balla'Na Batara ri Yerusalem untu' assare passare gandung lalang pammoneang tangkasa'.

YESAYA 54:7

“Sinampe' dudujA' ambokoiko; Kukamaseang duduko siagang Kualleko ammotere'.

YESAYA 49:12

Battu bellai ummakKu para battu, battu wara', battu lau' siagang battu ri kota Sinim bageang timboro'.”

PAPPICINI' 22:15

Mingka sikontu tau anggaukangai apa-apa tenaya matu-matunna, tau ammakea pangngissengang baca-baca, tau a'gau' bawanga, tau ammunoa, tau anynyombaya barhala, siagang tau a'balle-ballea, baji' na'balle-balle lalang bicara yareka lalang panggaukang, sikontu anjo tau kammaya pantaranganna ngasengi anjo kotaya tampa'na.

PAPPICINI' 21:2

Kucini'mi anjo kota matangkasaka, iamintu kota Yerusalem berua, turunga battu ri Allata'ala ri suruga. Le'ba'mi nipasadia anjo kotaya sanrapang bunting baine nimodeia untu' bunting bura'nena.

YEREMIA 31:8

Battu wara' Kuerang ke'nanga ammotere'; Kupasse'rei ke'nanga battu ri cappa'-cappa'na buttaya. Tau butaya siagang tau pesoka lamminawangi ri ke'nanga, kammayatompa baine beru ammanaka siagang tianang salloamo. Labattu ngasengi ke'nanga ammotere' jai sipa'gangngang mae anrinni ri pa'rasanganga.

YESAYA 52:1

Ambangungko, he Yerusalem, ambangung mako! Pakajarreki pa'mai'nu! Pakei pakeang kalompoannu! He Yerusalem, kota matangkasaka, takkulleami allalo antama tau rantasaka ri pakke'bu' lomponu.

YESAYA 49:22

Nakana Batara Kaminang Tinggia mae ri umma'Na, “LaKusarei pammatei bansa-bansaya na lanapoterang ana'-ana'nu; ana'-ana'nu bura'nea lanakalawingi, na ana'-ana'nu bainea lanapisangi rate ri salangganna.

YESAYA 45:23

INakke le'ba' a'janji, na janjingKu tena nalasala-salang; lanri KalengKu na Kuassumpa: Tunggala' taua lakkulantuki ri dallekangKu, lalang massing bahasana a'janji massing talamamminraya mae ri Nakke.

PANGNGEBARANG 17:6

Kalompoang pa'mai'na tau toayamo, iamintu ana' cucunna; kalompoang pa'mai'na ana'-anaka, iamintu tau toana.

PA'JARIANG 22:16

“Nakana Batara: AssumpA' lanri areng KalengKu, lanri nugaukanna anne kammaya siagang tena nanutollaki untu' ampassareangi anjo ana' sitau-taunu mae ri Nakke,

PA'JARIANG 13:14

A'lampanamo Lot, Nakanamo Batara ri Abram, “Battu ri antu tampa' nupammentengia, cinikimi baji'-baji' sikontu niaka attammulili;

YOHANES 4:35

Nukana ngaseng, ‘Patambulang mami nawattu pakkattoanga.’ Mingka Kukana ri kau: Cinikimi tana-tana didiamo asenna, sadiami lanikatto!

PAMMILANGNGANG 14:21

Mingka a'janjiA' lanri batangkalengKu siagang lanri iNakke mattallasaKa siagang makoasaYa ri anne linoa,

YEREMIA 43:12

LapparinrA' pepe' ri sikamma balla'-balla' rewatana Mesir, nampa lanatunu karaeng Babel anjo patung-patung barhalaya ri anjo balla' rewataya yareka naengkaki mange ri pa'rasanganna. Rapang sitau pakalawaki antangkasi pakeanna battu ri gantuma, kamma tomminjo karaeng Babel lambarrasaki Mesir, nampa a'lampa ammotere' tena anrompai.

YEHEZKIEL 33:11

Paui mae ri ke'nanga angkanaya lanri iNakke, Allata'ala mattallasaka, Batara Kaminang Tinggia, tena naKusannang punna mate tau ja'dalaka; kabalekanna Kukellai nabokoi ke'nanga dosa-dosana sollanna tuli attallasa'. He bansa Israel, ammari mako a'gau' ja'dala'! Angngapa nuero' mate?