YESAYA 49:16 - KITTA' MATANGKASA'

¹⁶ O, Yerusalem, tuli langngu'rangiA' mae ri kau; laKutulisiki arennu ri pala' limangKu.

YESAYA 49:16 Referans Kwoze

HAGAI 2:23

Ri anjo alloa, ikau Zerubabel, atangKu, laKuangkakko untu' ammarenta lalang arengKu. Nasaba' ikaumi le'ba' Kupile.” Batara Kaminang Koasaya anne akkana.

YESAYA 62:6

Lammolika' pangawala' ri tembo' kalli'na Yerusalem; allo bangngi ke'nanga takkulleai a'mereki, mingka musti tuli napakaingaki Allata'ala mae ri janjinNa le'baka Napare'.

YESAYA 60:18

Tenamo kabara'na nikanaya katerassang nigaukang ri pa'rasangannu, nikanaya kaancuranga siagang karuntungang ri daeranu. RapangA' tembo' lanjagaiko, nalanupujiA' a'jari mappasalama'nu.

KELONG MALA'BIRI' 8:6

Pa'jaria rappo ri atinnu, teako nia' maraeng nuraka' pantaranganna inakke; lanri anjo passingaianga sangkammai kassa'na kamateanga, na anjo napasua makoasai rapang kamateang. Rinrana rapangi rinrana pepeka a'rinra sannaka heba'na.

YESAYA 26:1

Anjo wattua lanakelongangi taua anne kelonga ri butta Yehuda: “Tamaka kassa'na kotata; KalenNa Allata'ala ambangungi pattahanganNa, anrinni lasalamakki'.

KALAPPASSANG 13:9

Anne passua'-suarranga anjari pangngu'rangi mae ri kau, sanrapang pammatei nisikkoka ri limannu yareka pammatei ri abannu. Anne passua'-suarranga anjari pappiu'rangi mae ri kau sollanna tuli nubicara siagang tuli nupilajari Hukkung-hukkunNa Batara; saba' Napasulukko Batara battu ri Mesir siagang koasa malompoNa.

YESAYA 54:12

Sikamma tembo' pattahangnganga Kubangungi battu ri batu delima, sikamma pakke'bu' lomponu battu ri batu paramata, tembo'-tembo'nu battu ri paramata intang.

YEREMIA 22:24

Nakana Batara ri Karaeng Yoyakhin, ana' bura'nena Yoyakim karaeng Yehuda, “Lanri iNakke, Allata'ala mattallasaka, Kupattantu tojeng-tojengi angkanaya manna pole ikau rapangko cincingKu ammakea meterei ri lima kanangKu, mingka laKupasulukko

YESAYA 62:7

Takkulleai ke'nanga Nalappassang a'mereki punna tenapa Nabangungi ammotere' Yerusalem, na Napa'jari masahoro' ri sikontu linoa.

YEREMIA 17:1

Nakana Batara, “He bansa Yehuda, le'ba'mi ta'ukiri' dosanu ri atinnu siagang ri sikontu panyingkulu'na tampa'-tampa' pakkoro'bangngannu, niukirika siagang pena bassi battu ri intang.