YESAYA 49:13 - KITTA' MATANGKASA'

¹³ Akkelongko he langika, akkio' rannuko he buttaya, he sikamma monconga, akkio' rannuko! Saba' niaki battu Batara ansaleori umma'Na, Nakamaseangi umma'Na nijallakkanga.

YESAYA 49:13 Referans Kwoze

YESAYA 44:23

Akkio' rannuko, he langi', ma'rannu-rannuko, he bone kambunna buttaya! Akkio' rannuko, he sikamma monconga! siagang romanga na sikamma poko' niaka lalang! Saba' Napappicinikammi Batara kala'biranNa lanri le'ba'na Napasulu' Israel umma'Na.

YESAYA 51:3

Ikau Yerusalem, laKusaleoriko, siagang sikontu niaka ammantang ri alla'na rumbangannu. Sikamma parang kalotoro'nu Kupa'jari koko ga'ga, rapang Eden, koko coppongKu. Anjoreng taua larannui siagang ma'reja-rejai siagang appala' sukkuru' lalang kelong-kelong.

YESAYA 52:9

Akkio' rannuko, he sikamma rumbanna Yerusalem, saba' Nasaleori Batara umma'Na na Napakabebasa' Yerusalem.

YESAYA 55:12

Lanubokoi Babel siagang rannu, siagang niantarakko assulu' siagang salama'. Monconga siagang buluka larannui siagang lakkio' rannui, latempa-tempai sikamma poko' kayua ri kokoa.

YESAYA 12:1

Lania' sallang se're wattu nukkelong: “O, Batara, appala' sukkurukka' mae ri Katte lanri Kisaleoringku. Riolo larroKi' mae ri nakke, mingka kamma-kamma anne ammarimi larroTa.

2 KORINTUS 7:6

Mingka sukkurukki', lanri tuli nipakalompona ri Allata'ala atinna tu tappu' panrannuanga; Iami ampakasannangi atinna ikambe ri wattu battuna Titus mae ri kambe.

LUKAS 15:10

Kamma tomminjo rannuna malaeka'Na Allata'ala, punna nia' se're tau ja'dala' a'jari toba' battu ri dosa-dosana. Patappa'mi anne!”

YEREMIA 31:13

Ri anjo wattua la'jogeki tau loloa assannang-sannang pa'mai'. Tau toaya siagang tau rungkaya para lamate'ne ngasengi pa'mai'na, nasaba' iNakke lassaleori ke'nanga. Susana ke'nanga Kupinrai a'jari karannuang, Kupinrai si'naya a'jari mate'ne.

1 PATTOTTORANG 16:31

Ma'rannu-rannuko ikau langika siagang buttaya! Birittakangi ri bansa-bansaya angkana Bataraji Karaeng!

PAMMUJI 69:34

Saba' Napilangngeri Batara tu kasi-asia; tena nabalang parekangi umma'Na lalang ri tarungkua.

PAMMUJI 71:21

LaKipa'jaria' la'bi la'biri', siagang Kisaleoria' ammotere'.

PAMMUJI 148:9

Pujimi, he bulu'-buluka siagang moncong-monconga, poko'-poko' a'rappoa siagang sikontu romanga;

YESAYA 14:1

LaNakamaseangi Batara Israel umma'Na, siagang Napilemi ke'nanga a'jari taunNa. LaNaboliki ammotere' ke'nanga ri pa'rasangang kalenna. Bansa maraenga labattu nampa asse're siagang ke'nanga.

YESAYA 48:20

A'lampako siagang lariko battu ri Babel, pa'la'bangi anne kabaraka ri kere-keremae. Kabarrangi siagang pakkio' rannu, angkana: “Le'ba'mi Napasalama' Batara atanNa, Israel!

YESAYA 49:14

Mingka nakana pandudu'na Yerusalem, “Nabokoi maki' Batara, Nakaluppai maki' Batarata.”

YESAYA 51:12

Nakana Batara, “INakkemi ansaleori ngasengko. Angngapa numalla' mae ri rupatau lamatea, mae ri rupatau nipelaka rapang ruku'?

YESAYA 54:7

“Sinampe' dudujA' ambokoiko; Kukamaseang duduko siagang Kualleko ammotere'.

YESAYA 54:8

Sinampe'jA' anggilingi rupangKu battu ri kau lanri sanna'na larroKu. Mingka Kukamaseangko siagang pangngamaseang mannannungang.” Kammaminjo kananNa Allata'ala Mappasalama'nu.

YEREMIA 51:48

Sikontu apa niaka ri langi' siagang ri butta lakkio' rannui punna tu'guru' Babel mae ri limanna bansa waraka, ia battua untu' angngancuruki.

YEHEZKIEL 35:14

INakke Batara Kaminang Tinggia Kukana: Sikontu linoa lasannangi ri wattunna Kupa'jari sino sikali sikontu pa'rasangannu,

PAMMUJI 65:13

Parang lompoa rassi bembe siagang gimbala', sikontu bulu'na ma'rannu-rannui.

PAMMUJI 89:13

IKatte ampa'jari waraka siagang timboroka, makkio' rannui mae ri Katte Moncong Tabor siagang Hermon.