YESAYA 48:11 - KITTA' MATANGKASA'

¹¹ Kugaukangi anjo kammaya untu' KalengKu, saba' taKupa'biangai arengKu nira'massi; tena Kubagei kala'birangKu manna pole ri nai.”

YESAYA 48:11 Referans Kwoze

YESAYA 42:8

INakke Batara, iaminjo arengKu; taKupassareangngai kala'birangKu manna ri nai; masahorokKu taKupassareangngai mae ri patunga.

YEHEZKIEL 20:9

Mingka tena naKugaukangi, sollanna tena nihinai arengKu ri bansa-bansa napammantangia ke'nanga. Nasaba' ri dallekanna anjo bansa-bansaya le'ba'mi Kupa'la'bang Kupau angkanaya laKuerangi bansa Israel assulu' battu ri Mesir.

YEHEZKIEL 20:14

Mingka tena naKugaukangi anjo lanri areng bajikKu, sollanna tena nihinai arengKu ri bansa-bansa ancinikiA' angngerangi bansa Israel assulu' battu ri Mesir.

YESAYA 37:35

LaKuallei siagang laKula'langi kota Yerusalem lanri kalompoang KalengKu, siagang lanri parjanjiangKu siagang atangKu Daud.’ ”

YEHEZKIEL 20:22

Mingka tena naKugaukangi sollanna tena nanihinai arengKu ri bansa-bansa ancinikai ke'nanga bansa Israel Kuerang assulu' battu ri Mesir.

1 SAMUEL 12:22

Le'ba'mi assumpa Batara, angkanaya tena nalaNabokoiko, lanri le'ba'namo Napattantu angkanaya laNapa'jariko umma' KalenNa.

YESAYA 43:25

Mingka iNakke Allata'ala allu'luki dosanu, Kupammopporangko lanri kammaminjo sipakKu; tena natuli Kuu'rangi dosanu.

YEREMIA 14:7

Akkioki ummakKu angkana, ‘Batara manna pole naniutung ikambe ri dosana mingka Kitulungi ikambe situru' janjinTa. A'mole-mole maKi' nibokoi ri kambe; tojeng, dorakami ikambe ri Katte.

YEHEZKIEL 20:44

Punna le'ba' mako Kupakamma anjo lanri kalompoanNa arengKu, na tena nasimbattala' panggaukang kodinu kammayatompa panggaukang ja'dala'nu, nuassemmi ikau tu Israel angkanaya iNakke Batara. INakke Batara Kaminang Tinggia anne akkana.”

YEHEZKIEL 20:39

Nakana Batara Kaminang Tinggia, “He tu Israel, kamma-kamma anne battu ri kau tommami. Patulusu'mi a'gau' dosa anynyomba ri barhala-barhalanu! Mingka u'rangi angkanaya punna le'baki anjo musti mannurukiko ri Nakke siagang tenamo nanura'massi areng matangkasakKu lanri angngerannu passare mae ri anjo barhala-barhalanu.

ROMA 2:24

Nia' tattulisi' lalang ri Kittaka, angkanaya, “Passabakkang ikau tu Yahudia, nanira'ma'-ra'massimo arenNa Allata'ala ri tangnga-tangngana bansa-bansa maraenga.”

YOHANES 5:23

NaNapakamma anjo Manggea sollanna nipakala'biri' anjo Anaka battu ri sikontu rupataua, sangkamma napakala'biri'na Manggea ke'nanga. Inai-nai tena napakala'biriki Anaka, tena tommo napakala'biriki Manggea, assuroai battu Anaka.

YESAYA 52:5

Kamma-kamma anne apa urusangKu anrinni? Natahangko tu Babel, na natahang bawang-bawang jako. Anjo tau anjallakkangako tulusu' napattampoanna kalenna siagang nahinA'.

YESAYA 48:5

Jari battu riolo iji naKutappu memang; ri tenanapa nakajariang, le'ba' memammi Kupau; sollanna tena nanungkana, angkanaya anjo panggaukanna patung-patung barhalanu.

PAMMUJI 25:11

O, Batara, Kipammopporanga' situru' janjinTa, saba' lompoi kasalangku.

PAMMUJI 106:8

Mingka Batara Napasalamaki ke'nanga lanri kalenna tonji, sollanna a'jari a'nyata kaporeanNa.

PAMMUJI 115:1

Teai ikambe, o, Batara, teai ikambe, mingka iKatteji musti nipuji, saba' iKatte tamamminraya siagang tuli mangngamaseang.

YESAYA 48:9

Kuparrangngi larroKu sollanna nipa'la'bang arengKu. Kutahangi untu' ikau, sollanna tena nipanrakiko.

DANIEL 9:17

O Allata'alana ikambe, Kipilangngeri laloi pappala' doangku siagang sambayangku. Kipakabajiki ammotere' anjo ballatTa le'baka niancuru'; Kipakabajiki sollanna sikontu taua akkullei naasseng angkanaya iKatte Allata'ala.

PAMMUJI 25:7

Pammopporangi dosaku siagang kasalangku ri wattu rungkaku, u'rangia' situru' pangngamaseanTa siagang kabajikanTa.

YEHEZKIEL 36:22

Lanri kammana anjo, pabattui apa Kupaua, iNakke Batara Kaminang Tinggia, mae ri bansa Israel, angkana, ‘Anjo apa Kugaukanga sallang, teai lanri ikau he tu Israel, passangalinna lanri arengKu matangkasaka, ia le'baka nura'massi, manna pole kemae lampanu.