YESAYA 48:10 - KITTA' MATANGKASA'

¹⁰ Kuso'riko lalang ri pepe' kasessanga, rapang pera' nipakati'noka lalang ri pepeka.

YESAYA 48:10 Referans Kwoze

1 PETRUS 4:12

Sikamma sari'battangku, sannaka kukarimangnginna! Kamma-kamma anne sanna' sessanu lanri niujiko. Mingka teako lannasakki, sangkamma angkana nia' apa sanna' heba'na kajariang mae ri kalennu.

PANGNGEBARANG 17:3

Bulaeng siagang pera' niuji' ri pepeka, mingka atinna taua niuji ri Batara.

AYUB 23:10

Mingka Naassengi sikontu jappaku kammayatompa tunggala' dakkaku. Punna sanrapanga' bulaeng kuniuji, la'nyatami angkana ti'noki pa'maikku.

PAMMUJI 66:10

O, Allata'ala, le'ba'mi Kiso'ri ikambe sanrapang tau eroka ampakati'noki peraka lalang ri pepeka.

1 PETRUS 1:7

Matu-matunna ngaseng anjo iamintu sollanna akkulle a'butti katappakkang tojeng-tojennu mae ri Batara yareka tena. Manna bulaeng akkullea panra' niuji tonji siagang pepe'. Jari, anjo katappakkannu la'bi lompoangangi anggaranna na bulaenga; jari musti niuji tongi sollanna a'jari jarre'. Siagang lanri kammana, lanipuji mako siagang lanipakala'biri' mako, kammayatompa lanipakatinggi mako sallang ri allo kabattuanNa ammotere' Isa Almasi.

YEREMIA 9:7

Lanri kammana anjo Nakanamo Batara Kaminang Koasaya, “Rapang bulaeng, laKuso'ri ummakKu sollanna a'jari ti'no' ke'nanga. Apapi pole akkulle Kugaukang mae ri ummakKu le'baka a'gau' ja'dala'?

PAPPICINI' 3:19

Sikamma tau Kukamaseanga Kupakaingaki siagang Kuba'balaki. Lanri kammana, paralluko allompoi ngasengi sumanga'nu, siagang toba' battu ri dosa-dosanu ngaseng.

PAOLE 4:20

Mingka ikaumi bansa Napasalamaka battu ri butta Mesir, tampa'nu sessa dudu riolo. Naerangko assulu' battu ri anjo pa'rasanganga, sollannu a'jari bansa KalenNa sangkamma kaadaannu kamma-kamma anne.

YEHEZKIEL 20:38

Sikamma tau nangaia angngewa siagang tau ja'dalaka laKupakabellai battu ri tangnga-tangnganu. LaKuerangi ke'nanga assulu' battu ri tampa'-tampa' napammantangngia kamma-kamma anne, siagang tenamo nalaKupa'biang ammotere' ke'nanga mange ri butta Israel. Nampa nuassemmo angkana iNakke Batara.”

1 KARAENG-KARAENG 8:51

Iami ke'nanga umma' kalenTa, ia Kieranga assulu' battu ri Mesir, pa'rasangang le'baka napammantangi ke'nanga nisessa.

YESAYA 27:9

Mingka iapa nakkulle nipammopporang dosa-dosana Israel punna nigiling sikamma tampa' pakkoro'bangnganga mae ri rewata-rewataya sa'genna a'jari alusu' rapang pa'leo'. Sikamma pa'dupanga siagang pannanraina rewata baine niarenga Asyera musti niancuru' tongi.

YEREMIA 11:4

Le'ba'mi Kupare' anjo parjanjianga siagang boe-boena ke'nanga ri wattunna Kuerang ke'nanga assulu' battu ri Mesir, iamintu pa'rasangang rapanga naraka mae ri ke'nanga. Kusuroi ke'nanga mannuruki mae ri Nakke siagang nagaukang sikontu apa le'baka Kuparentakang. Kamma-kamma anne Kupau tommi mae ri tu Yehuda siagang pandudu'na Yerusalem angkanaya punna mannuruki ke'nanga ri Nakke, la'jarimi ke'nanga ummakKu siagang iNakke Allata'alana ke'nanga.

AYUB 28:1

“Nia' pangngekeang kemae nibuntulu' peraka; nia' tampa' kemae nipici'nongi bulaenga.