YESAYA 47:6 - KITTA' MATANGKASA'

⁶ Riolo larroA' mae ri ummakKu, tenamo naKukana iNakke ampatangi. Nampa Kupassareang ke'nanga mae ri kau, nampa tena nukamaseangi ke'nanga, ba'lalo manna tau toa-toaya nujallakkang nukapallaki todong.

YESAYA 47:6 Referans Kwoze

ZAKHARIA 1:15

Mingka sanna' larroKu mae ri bansa-bansa nakanaya amang siagang sannang pakkasia'na. Nasaba' ri wattunna Kutahang larroKu mae ri ummakKu, anjo bansa-bansaya pila' natambai sessana ummakKu.

2 PATTOTTORANG 28:9

Nia' sitau na'biNa Batara niarenga Oded ammantang ri kota Samaria. Ri se'reang wattu ammotereki tantara Israel angngerang tunitahang battu ri Yehuda. Battumi Oded anruppai ke'nanga ri wattunna lantama' ke'nanga ri kotaya. Nakanamo ri ke'nanga, “Le'ba'mi nubeta tu Yehuda lanri larroi Karaeng Allata'alana boe-boenu mae ri ke'nanga. Mingka Nalangngereki Batara antekamma palla'nu ambunoi anjo tantara Yehuda.

PAOLE 28:50

Sekkeki ke'nanga siagang manna inai talanakamaseangi, baji' tau toa kammayatompa tau rungka.

OBAJA 1:10

“Le'bakko a'gau' palla' mae ri sikamma sari'battannu iamintu jari-jarina Yakub. Lanri kammana anjo laKupanrakiko siagang nicallako ri taua lalang sikontuna jammanga.

YAKOBUS 2:13

Nasaba' talaNapa'nyatayai pangngamaseanNa Allata'ala mae ri tau tenaya nangngasseng mangngamaseang. Mingka la'bi jarrekangangi pangngamaseanga na anjo hukkunganga!

PAMMUJI 69:26

Boli'mi kamma a'jari sino sikali kemana ke'nanga, siagang tenamo bonena kema-kemana ke'nanga.

OBAJA 1:16

Irate ri bulu' matangkasakKu le'ba'mi nainung ummakKu inungang pangngebarranna hukkunganna. Mingka inungang mae ri bansa-bansaya ri buttaya anne la'bi paikangngangi pole. Takkulleai naliliang ke'nanga anjo hukkunganga. Musti nainungi ke'nanga sa'genna la'busu', nampa lalanynya' ke'nanga tena bate-batena.”

YESAYA 14:17

Iakami angngancuruki kota-kotaya siagang ampinrai linoa a'jari parang kassi'? Iaka minne le'baka allappassangi sikamma tunitahanna yareka allappassangi ke'nanga ammotere'?’

YESAYA 10:6

LaKukiringi Asyur mange ambunduki bansaKu a'bokoa ri Nakke siagang ampakanassuA'. LaKusuroi Asyur mange angngellaki, allukkaki siagang angngonjo'-onjokangi bansaKu rapang limbu'bu' ri aganga.”

MATIUS 7:2

Nasaba' antekamma batenu mangngadeli ri parannu tau, kamma tomminjo batenu laniadeli ri Allata'ala. Siagang pa'baku' apa nupake ambakuki parannu tau, ia tomminjo sallang pa'bakuka laNapake Allata'ala ambakukko.

YEHEZKIEL 28:16

Tenamo sawenu napakamma a'balu-balu', siagang iaminjo angngerangko mange ri katerassanga siagang dosaya. Jari kubongka mako battu ri bulu' matangkasakKu, siagang malaeka' pajaganu angngembako battu ri tangnga-tangngana anjo paramata accillaka.

YEHEZKIEL 24:21

ampabattui anne pasanga mae ri kau ngaseng angkana; Ikau nukalompoang pa'maiki kakassakanna Balla'Na Batara. Nungai nucini' siagang angkunjungi, mingka laNara'massi Batara Balla'na. Siagang sikamma anggota kaluarganu loloa ija, ia niaka ija ammantang ri Yerusalem, lanibunoi lalang ri pa'bundukang.

PIRAUNG 2:2

Sikontu parang ruku' ri pa'rasangang Yehuda, Naancuru' tamammaling-maling. Narappasaki napakamma larro sa'genna runtung sikamma pattahanganna angkallikai anjo pa'rasanganga. Anjo kakaraenganga na sikamma pamimpinna Naruntummi sa'genna nipakatuna.

YESAYA 43:28

imang-imannu narantassi ballakKu. Jari Kupassareammi nihina Israel, Kubalang parekangi turunganna Yakub nitumpasa'.”

YESAYA 13:16

Lanaciniki ana' lolonna ke'nanga nilica', balla'na ke'nanga niella', siagang sikamma bainenna ke'nanga nigau' bawang.”

2 SAMUEL 24:14

Appialimi Daud angkana, “O, dende'! Ballasa'ma' inakke! Mingka bajikangngang mami Batara anghukkung ngasengki' kala rupa tau langhukkunga'; nasaba' Batara lompo pangngamaseangi.”

YESAYA 14:6

larroa anjallakkangi bansa-bansaya siagang tulusu' ansessayai ke'nanga.

YEREMIA 50:42

Sanjatana ke'nanga iamintu pana siagang poke; pallaki natangngassenga appammopporang. Rapang sa'ra tamparang a'gamarrung kammami anjo sa'ra bangkeng jaranna ke'nanga nipalaria maju ambunduki Babel.

PIRAUNG 1:14

Napasse're kabusuki dosaku nampa Nasikko' Napa'jari se're, na Nagentung ri kallongku sa'gengku a'jari lamma napakamma battala'na. Napassareanga' Batara mae ri musua; na tena kulleku angngewai ke'nanga.

PIRAUNG 1:21

O Batara, pilangngeri kunrarengku, taenamo ansaleoria'. Rannumi musu-musungku, lanri Kipitujuingku bala. Kipabattu lalomi anjo allo le'baka Kipa'janjiang; Kipa'risimi ke'nanga kamma inakke.

PIRAUNG 5:12

Pamimping-pamimpinna ikambe nijakkalaki nampa nigentung, tau-tau toana ikambe tenamo nanipakalompoi.

2 PATTOTTORANG 10:11

Nabattalliko manggeku, mingka inakke la'bi lakubattalliko. Nacambokko manggeku siagang pa'ba'bala' biasa, mingka inakke lakucambokko siagang pa'ba'bala' akkatinting bassia!’ ”

2 PATTOTTORANG 36:17

Napagio'mi Batara atinna karaeng Babel sollanna battu ambunduki ke'nanga. Anjo karaenga nabunomi tu Yehuda rungka-rungkaya, kammayatompa ia niaka lalang ri Balla'Na Batara. Tena manna sitau nakamaseang, tau toa yareka tau rungka, bura'ne yareka baine, tau garring yareka tau tagarring. Nipassareang ngasengi ri Allata'ala ke'nanga mae ri karaeng Babel.

2 PATTOTTORANG 36:20

Ra'ya' ta'lappasaka nalalingi mange ri Babel. Anjorengi ke'nanga nipa'jari atanna karaenga siagang atanna jari-jarina karaenga sa'genna ri jammang kakoasanna kakaraengang Persia.

EZRA 5:12

Mingka lanri anggappana pangngalarroi boe-boena ikambe battu ri Allata'ala makoasaya ri suruga, jari napassareammi ke'nanga mae ri kakoasanna Nebukadnezar, karaeng Babel battu ri turungang tu Kasdim. Naancuru'mi anjo Balla' Sambayanga nampa naerang bansana ikambe mange ri Babel.

PIRAUNG 4:16

Tenamo naNaparhatikangi Batara umma'Na; Ia KalenNa ampasimbungi ke'nanga ampa'jari tanianggara'mo imang-imanna; tenamo angkamaseangi sikamma pamimpinga.

ZAKHARIA 1:12

Nampa nakanamo anjo malaekaka, “O, Batara Kaminang Koasaya, tujupulo taummi salloTa larro mae ri kota Yerusalem siagang kota-kota niaka ri Yehuda. Siapapi salloTa tuli lalarro siagang tena naKipammopporangi ke'nanga?”