YESAYA 47:4 - KITTA' MATANGKASA'

⁴ Allata'ala matangkasa'na Israel allappassangki', arenNa Batara Kaminang Makoasaya.

YESAYA 47:4 Referans Kwoze

YESAYA 44:6

Iaminne kananNa Batara Kaminang Makoasaya, Karaeng siagang pajaga mae ri Israel, “INakke Allata'ala Kaminang Se're-se'rea, uru-urua siagang kala'busanga.

YESAYA 49:26

LaKupa'jari sikamma musunnu palla' ero' ammuno, sa'genna para ia sibuno-buno. Nalanaasseng sikontu umma' rupataua, angkanaya iNakke, Batara, Mappasalama'nu; Kaminang Kassaka, Allata'alana Yakub, Mappasulu'nu.”

YESAYA 43:14

Batara Mappasalama'nu, Batara Matangkasa'na Israel, Nakana, “Lanri ikau ngaseng, naKuakkiring tantara mange ri Babel, naKulappo sa'genna rumbang sikamma panjoli pakke'bu'na panjaraya; sa'ra orre'na tu Kasdim Kupinrai a'jari piraung.

YESAYA 41:14

Nakana Batara, “Teako mallakki, Israel, manna nuca'di siagang lamma. INakke Batara antulungko, kaminang Matangkasaka, Allata'alana Israel, Mappasalama'nu.

YEREMIA 31:11

Le'ba'mi Kupasalama' umma' Israel, siagang Kulappassang battu ri bansa kassaka.

YESAYA 54:5

Mappa'jarinu rapangi bura'nennu, Allata'ala matangkasa'na Israel Iami Mappasalama'nu. Batara Kaminang Makoasaya, iaminjo arenNa, Ia Allata'ala makoasa ri sikontu linoa.

YESAYA 43:3

Saba' iNakke Batara, Allata'alanu, Allata'ala matangkasa'na Israel, Mappasalama'nu. Kupassareangi Mesir a'jari pappasulu'nu, Sudan siagang Syeba a'jari sambennu.

PAMMUJI 19:14

Pakabella' battu ri dosa kusangajakkia, teaKi' lappassangngia' nikoasai. Nakuma'jari tena callangku, kuta'lappasa' battu ri gau' sala lompoa.

AMOS 4:13

Moncong siagang anging, Batara ampareki; rancanaNa Napa'nyatai mae ri rupataua. Napareki alloa siagang bangngia; iratei ri coppo'-coppo' buttaya a'jappa. Karaeng Allata'ala Kaminang Koasaya, iaminjo arenNa.

YESAYA 43:15

INakkemi Batara, Allata'alanu matangkasaka, Karaennu, ampa'jariako, he Israel!”

YESAYA 51:15

Saba' iNakkemi Karaeng Allata'alanu, ampa'jalloki tamparanga siagang ampamarrungi bombanna. Kaminang Makoasaya, iaminjo arengKu.