YESAYA 47:14 - KITTA' MATANGKASA'

¹⁴ Ciniki, rapangi ke'nanga rarame nakanrea pepe'; takkulleai napasalama' kalenna ke'nanga! Ta'lalo bambanna anjo pepeka mae ri ke'nanga, teai pepe' kammu' untu' a'binrung.

YESAYA 47:14 Referans Kwoze

MALEAKHI 4:1

Nakana Batara Kaminang Koasaya, “Labattui sallang allonNa nasikontu tau tampoa siagang tau ja'dalaka nitunui rapang rarame. Ri anjo alloa lanitunui sa'genna la'busu' ke'nanga, siagang tenamo ke'nanga latassesa.

NAHUM 1:10

Lanitunuko rapang rarame kalotoro' kontu rompo' akkatinting sikalasaka.

MATIUS 10:28

Teako mallakki ri tau akkullea ammuno tubu, mingka tenaya koasaNa ammuno nyawa. Mingka musti mallakko mae ri Allata'ala, niaka koasana ammuno tubu siagang nyawa lalang ri naraka.

YEHEZKIEL 15:7

LaKuhukkungi ke'nanga. Manna pole ta'lappasa'mi ke'nanga battu ri pepeka, mingka ia tonji anjo pepeka lampanraki ke'nanga. Na Naassemmo ke'nanga angkanaya iNakke Batara.

YESAYA 41:2

Inai ampagioki tukoasaya battu raya, siagang tulusu' assarei pammetang? Inai assarei pakkulle untu' ambetai sikamma bansa-bansaya, siagang napatundu' sikamma karaenga? Pa'danna ampassimbungi ke'nanga rapang limbu'bu', panana ampatassiaraki ke'nanga rapang rarame nairikang anging.

YESAYA 10:17

Allata'ala matangkasaka, Cayana Israel, la'jari pepe' angkanreai sikamma apa niaka lalang siallo bawang, ba'lalo sikamma rompo' katintinga.

PAPPICINI' 18:21

Le'baki anjo, nia'mo malaeka' sannaka kassa'na angngangka' se're batu lompo, sangkamma batu pa'giling sannaka lompona, nampa napasambila antama' ri tamparanga, siagang nakana, “Kammaminne batena anjo kota Babel masahoroka lanipasambila sarring, sa'genna tenamo nalanibuntulu' ammotere'.

MATIUS 16:26

Nasaba' apa matu-matunna nagappa ngaseng taua anne linoa punna latappela' katallassanna? Maka akkullei anjo katallassanga nipassambe apa-apa maraeng?

OBAJA 1:18

UmmakKu Israel larapangi pepe' angkanrei jari-jarina Esau, rapang pepe' angkanreai sa'genna cappu' raramea ri kokoa. Tena manna sitau battu ri jari-jarina Esau akkulle lata'lappasa'. INakke, Batara anne akkana!

YO"EL 2:5

A'lumpa'-lumpa' ke'nanga ri coppo' monconga, sa'ranna kontui sa'ra galutturu'na kareta pa'bundukanga siagang a'rete'na pepe' akkanreya. A'barrisiki kontu pasukang barania, sadiaya maju mange ri pa'bundukanga.

YEREMIA 51:58

Tembo'na Babel ia kassaka ngaseng laKuancuruki sa'genna a'jari sallappara' siagang buttaya. Pakke'bu' lompoa tinggi-tinggia ngaseng laKutunui sa'genna cappu'. Tena matu-matunna poso bansa-bansaya, nasaba' sikontu bate pare'na ke'nanga lanikanrei ri pepe'. INakke, Batara Kaminang Koasaya, anne akkana.”

YEREMIA 51:32

Tampa' pa'limbangnganga niallemi ri musua, siagang sikamma tampa' pattahangnganga nitunumi. Silingu-linguimi tantara Babel.

YEREMIA 51:30

Ammarimi tantara Babel a'bundu', siagang ammantammi ri sikamma pattahangnganga. Tenami kabaranianna ke'nanga siagang tenamo pakkullena. Sikamma pakke'bu' lompona kotaya le'ba' ngasemmi nirumbang, siagang sikamma ballaka le'ba'mi nitunu.

YESAYA 40:24

Rapangi ke'nanga lamungang lolo, beru accu'laka aka'na. Punna Napatui' Batara anginga, kalotoro'mi ke'nanga na niri'bakang rapang rarame.

YESAYA 30:14

Laancurukko rapang uring butta tappokaraka na tassiara', sa'genna anjo reppe'na takkulleami nipake angngalle bara pepe' battu ri pappalluanga yareka untu' anynye'ro' je'ne' battu lalang ri ba' je'neka.”

YESAYA 5:24

Nutollaki ajaranNa Batara Kaminang Koasaya, na nuhina parentaNa Allata'ala matangkasa'na tu Israel. Lanri kammana anjo, rapang rarame siagang ruku' kalotoro' la'busu' nakanre pepe', kamma tomminjo aka'-aka'nu la'jari bottoki, bunga-bungannu la'jari kalotoroki na la'busu' nairi' anging.

YESAYA 33:14

Sikamma tau dorakaya ri Sion lannekkereki napakamma malla'. Nakana ke'nanga, “KaputusanNa Allata'ala rapangi pepe' a'rinraya sa'genna satunggu-tungguna. Maka nia' tau akkulle attahang lalang ri anjo pepe' appakaancuruka?”

KALAPPASSANG 5:12

Jari a'lampami tu Israel anjappai sikontu butta Mesir untu' appasse're rarame.