YESAYA 47:12 - KITTA' MATANGKASA'

¹² Na'na' mako bawang siagang sikontu baca-bacanu na pangngissengannu, ambattalliako appakkaramula ri ca'dinu. Inai angngassengi, gassingka nia' matu-matunna mae ri kalennu, untu' ampakamalla'-mallaki sikamma musunnu.

YESAYA 47:12 Referans Kwoze

NAHUM 3:4

Anjo Niniwe pasundalaka nihukkungi. Teai sipato' angngonta'na kaga'ganna. Jaimi bansa le'ba' napitabai, siagang nanyonyo' naalle pa'mai'na.

YEREMIA 2:28

Kemae ngaseng anjo barhala-barhala nupareka? Punna nia' kasukkarang, suromi anjo sikamma barhalaya ampasalamakko' punna akkullei! He Yehuda, anjo rewata-rewatanu sangkammai jaina kota-kotanu!

YESAYA 44:25

INakkemi ampassala-salangi tappu-tappuna pacinika, siagang ampakkarek-karenangi sikamma pabaca-bacaya. Kugeakki kana-kananna tau cara'deka, kacara'dekanna ke'nanga Kupa'jari kadongokang.

YESAYA 19:3

LaKupassala-salangi sikamma rancanana tu Mesir siagang laKutepoki sumanga'na ke'nanga. Lappala' tulungi ke'nanga mae ri barhala-barhalaya, lappalaki pappakainga' siagang pangngunju' mae ri sanro-sanroa siagang roh-roh tanicinika.

YESAYA 8:19

Mingka lanisuroko ri taua appala' pangngunju' battu ri sanro-sanroa, ia a'bici'-bicika siagang a'gio'-gioka muncenna. Lanakana anjo taua, “Sai siratangki' appala' pangngunju' battu ri sikamma nyawana tau matea untu' kaparalluanna tau attallasaka?”

KALAPPASSANG 9:11

Sikamma tau niaka pangngissenganna ri anjo tu Mesirka tena ngaseng nakkulle mange andallekang ri Musa lanri rassi ngasengi kalenna ke'nanga siagang lattang sangkamma tu Mesir maraenganga.

KALAPPASSANG 8:7

Mingka napajappa tommi pangngissenganna sikamma pabale'-bale' matana ke'nanga, nampa appaumba tommo tumpang ri anjo pa'rasanganga.

KALAPPASSANG 7:11

Lanri kammana nasuro kio' tommi karaenga sikamma taunna niaka pangngissenganna siagang cara'deka a'bale'-bale' mata, nampa nagaukang todong kammaya siagang pangngissenganna ke'nanga.

PAPPICINI' 9:21

Tena todong natoba' ke'nanga anggaukangi ammunoa, pangngassengang baca-bacaya, panggaukang bawanga, kammayatompa a'lukkaka.

PAMMUJI 129:1

Kelong siara. He Israel, paui antekamma batenu nisessa ri musu battu ri rungkanu.

DANIEL 2:2

Lanri kammana anjo nakio'mi sikamma pacinika, sanro cara'deka, sanro-sanro maraenganga siagang sikamma tau niaka pangngassenganna, untu' ampakasingaraki battuanna anjo so'naya.

DANIEL 5:15

Sikamma tau cara'deka siagang pacinika le'ba'mi nacoba ambacai anne tulisanga siagang ampauanga' battuanna. Mingka takkulleai ke'nanga.

MIKHA 3:7

Tau ambotoai allo labattua la'jari siri'-siriki lanri tena nakontutojeng botona. Lasiri'-siri' kabusuki ke'nanga lanri tena naNipiali ke'nanga ri Allata'ala.

PAMMILANGNGANG 22:25

Ri wattunna nacini' keledaia anjo malaekaka, a'birimmi sa'genna tassepe' bangkenna Bileam mae ri temboka. Natunrummi pole Bileam anjo keledaia.

YEHEZKIEL 21:26

INakke, Batara Kaminang Tinggia anne akkana. Lappassangi songko' kakaraengannu siagang sungkei soro'bannu. Kamma-kamma anne tappinrami kaadaanga. Angkaki empoanna tau kasi-asia siagang sarei ke'nanga koasa. Panaungi sikamma tau anna'galaka kakoasang battu ri kalompoanna!

DANIEL 2:11

Sukkara' dudui apa kikaerokia karaeng. Tena manna sitau akkulle anggaukangi pantaranganna sikamma rewataya, mingka tenai ke'nanga ammantang ri alla'na rupataua.”