YESAYA 46:11 - KITTA' MATANGKASA'

¹¹ AkkioKa' sitau tukoasa battu raya, battu rapang sikayu jangang-jangang sekke' untu' anggaukangi kaputusangKu. Apa Kupaua mattantu laKugaukangi, apa Kurancanakanga mattantu laKurupai.

YESAYA 46:11 Referans Kwoze

PAMMILANGNGANG 23:19

Anjo Allata'ala tena nasangkamma rupataua gampanga assesse' lalang siagang nangaia a'balle-balle. Punna a'janji Allata'ala, mattantu laNarupai! Punna a'bicarai, tena taNagaukanNa!

AYUB 23:13

Anjo Allata'ala tena pamminraNa; tena akkulle angngewai. Nagaukangi apa Nakaerokia.

YESAYA 41:2

Inai ampagioki tukoasaya battu raya, siagang tulusu' assarei pammetang? Inai assarei pakkulle untu' ambetai sikamma bansa-bansaya, siagang napatundu' sikamma karaenga? Pa'danna ampassimbungi ke'nanga rapang limbu'bu', panana ampatassiaraki ke'nanga rapang rarame nairikang anging.

EFESUS 1:11

Sikontu jama-jamanga, Napattantui siagang Nagaukangi Allata'ala situru' ero' KalenNa. Le'ba' maki' Napile memang battu ri pakkaramulanna, lanri Nakellaiki' sollanta a'jari umma'Na lanri a'jari se'reta siagang Almasi.

LAMPA-LAMPANA 5:39

Mingka punna apa-apa battu ri Allata'ala anjo napangngajarranga siagang nagaukanga ke'nanga, ma'nassa takkulleako ambetai ke'nanga. Ba'lalo akkullei a'butti angkanaya nuewai Allata'ala.” Natarimami sidanga anjo pappakainga'na Gamaliel.

YESAYA 38:15

Apa akkulle kupau? Anne gau'Na Batara; takkullea' attinro lanri si'na.

EZRA 1:2

“Anne parentana Kores, karaeng Persia. Batara, Allata'ala makoasaya ri suruga, le'ba' angngangkaka' a'jari karaeng ri sikontu linoa, siagang nasarea' tugasa' untu' ambangung Balla' untu' KalenNa ri Yerusalem, ri daera Yehuda.

EFESUS 3:11

Nagaukammi Allata'ala anjo sikammaya situru' ero' laNagaukanga satunggu-tungguna, siagang Nagaukanga tete ri Isa Almasi, Batarata.

YEREMIA 50:45

Lanri kammana anjo, pilangngeri apa le'baka Kurancanakang mae ri kota Babel, siagang apa ero' Kugaukang mae ri pandudu'na. Manna ana'-ana'na ke'nanga lanire'resang todong a'lampa, na kabusu'na taua a'jari malla' ngasengi.

YESAYA 41:25

Nia'mo sitau Kupagio' battu raya: Kukioki untu' a'bakka battu wara'. Sikamma tukoasaya lanaonjo'-onjokangi rapang peo', rapang papare' uring butta angngonjo'-onjokang butta pi'.

PAMMUJI 119:24

Paratorang-paratoranTa a'jari pappakaingakku ia ampakasannangi pa'maikku.

PAMMUJI 76:10

Ri wattunTa ammenteng ero' angngadeli untu' ampasalamaki tau nijallakkanga ri lino.

LAMPA-LAMPANA 4:28

Asse'remi ke'nanga ero' a'gau' sangka' rupa, situru' apa le'baka Kipattantu angkanaya lakajariang memangi anjo kammaya. Na lanri koasa KalenTa siagang ero' KalenTa naKipattantu anjo apa lakajarianga.

YEHEZKIEL 39:4

Irate ri daera moncong-monconna Israel, lamate Gog siagang sikontu tantarana kammayatompa sikontu naaganga sita'gala'; nampa maya'-maya'na ke'nanga laKupassareangi mae ri jangang-janganga siagang olo'-olo' sekkeka untu' nakanre.

YEREMIA 50:29

Nakana Batara, “Suroi sikamma tantara angngeranga pana ambunduki Babel. Pagio' ngasengi sikamma tau cara'deka ammake sanjata pana. Kurungi anjo kotaya siagang teako lappassangngi manna sitau ta'lappasa'. Balasaki sikontu panggaukanna siagang gaukammi ri ke'nanga sangkamma le'baka panggaukanna, lanri le'baki a'gau' kurangajara' mae ri Nakke, Kaminang Matangkasaka, iamintu Allata'alana Israel.

YESAYA 45:13

INakke ampagioki Karaeng Kores untu' anggaukangi erokKu siagang ampaentengi kaadelanga. INakke allappari sikontu agang naoloa. Lanabangungi ammotere' kotaKu Yerusalem siagang lanalappassangi ummakKu nitahanga, na tanisarea doe' pammuccu' yareka pa'bayara'.” Batara Kaminang Makoasaya anne le'ba' angkana.

YESAYA 44:28

INakke angkana mae ri Kores, ‘Ikau lammarenta untu' iNakke, siagang langgaukangi sikontu erokKu. Parentakangi sollanna nibangung ammotere' Yerusalem, siagang na nipadongko' batu pundasina Balla'Na Batara.’ ”

PAPPICINI' 16:12

Le'baki anjo natumpami bonena pammoneanna anjo malaeka' makaannanga naung ri Binanga lompoa, iamintu Efrat. A'jari kalotoro'mi anjo binangaya sa'genna a'jappamo sikamma karaeng battu rayaya angngolo anjoreng.

YESAYA 18:6

Lanibokoi sikamma maya'na tantarana, a'jari kanrena jangang-janganga ri wattu timoro', siagang kanrena olo'-olo' sekkeka ri wattu dinginga.”

YESAYA 22:25

Punna kajariang anjo kammaya, anjo paku nipasang jarreka lata'lappasaki nampa tu'guru'. Nampa ia tomminjo kala'busanna sikamma bija pammanakanna siagang sikamma tau a'dingkolenga mae ri ia. INakke, Batara, anne le'ba' akkana kamma.”

YESAYA 37:26

Tale'bakapi nulangngere' angkanaya yangasenna anjo apa le'baka kajariang apa le'ba' memammo Kurancana battu riolo? Nampa kamma-kamma anne iNakke anggaukangi. INakke assareko koasa untu' angngancuruki kota-kota niaka pattahanganna a'jari rumbangang.

YESAYA 56:9

Nasuroi Batara bansa-bansa maraenga battu rapang olo'-olo' sekke' untu' ambakkai nakokko' umma'Na.

YEREMIA 44:28

Poro siapa areji bawang lasalama' siagang ammotere' mange ri Yehuda battu ri Mesir. Jari sikontu tu Yehuda niaka ri Mesir lanaciniki angkana apaka kananna ke'nanga yareka kana-kanangKu la'rupa.

YESAYA 10:12

Mingka Nakana Batara, “Punna le'ba'mo apa eroka Kugaukang ri Bulu' Sion siagang ri Yerusalem, laKuhukkungi karaeng Asyur lanri kaborroanna siagang katampoanna.”

YESAYA 25:1

Batara, iKatte Allata'alaku, kupakala'birikKi' siagang kupuji arenTa. Saba' sikamma bate pa'jariTa tamaka appakalannasa'na; le'ba' Kirancana memangi battu riolo, naKimmajarre' anggaukangi.

YEREMIA 50:44

Rapang singa ammumbaya battu ri romang lompoa ri ampi'na Binanga Yordan nabattu mange ri parang pa'rukukanna gimbalaka, kamma tomminjo iNakke, Batara, labattu siagang ampalari Babel battu ri kotana ke'nanga silalonna. Nampa laKupilei sitau pamimping untu' amparentai anjo bansaya. Inai akkulle nipasangkammangA'? Inai barani appare' parkara siagang iNakke? Apaka nia' pamimping akkulle angngewA'?