YESAYA 45:9 - KITTA' MATANGKASA'

⁹ Cilakai tau eroka a'gea' siagang Mappa'jarina; rapangi uring butta angngewayai tumappare'na. Maka akkuta'nangi butta pika mae ri papare' uring buttaya, angkana, “Apa antu nupare'?” Maka akkunrarengi anjo uringa angkanaya tena kacara'dekanna anjo tumappare'na?

YESAYA 45:9 Referans Kwoze

YESAYA 64:8

Mingka iKatte, o Batara, iKatte Manggena ikambe, ikambe butta pi' ji bawang, na iKatte ampareki ikambe; ikambe yangasenna bate pare' limanTa.

YEREMIA 18:6

“He ummakKu, maka latena nakkulle Kugaukang sangkamma anjo apa nagaukanga papare' uringa battu ri butta pi'na? Rapang butta pi' lalang ri limanna papare' uringa, kamma tommako anjo lalang limangKu.

YESAYA 29:16

Yangasenna ke'nanga natunggengi. Kereanga la'bi parallu, papare' uringa, yareka butta pika? Maka lakkullei anjo apa nipareka akkana mae ri tumappare'na, “Teai ikau amparekka'”? Yareka akkullei anjo baranga angkana ri ia, “Tena apa-apa akkulle nugaukang”?

YESAYA 10:15

Mingka Nakana Batara, “Maka akkullei napattampoang kalenna pangkuluka mae ri tau ampakei ammangkulu'? Maka la'bi paralluangangi garagajia na tau ampagaragajiai? Teai palu-palua angngangkaki taua, passangalinna tauaji angngangkaki palu-palua.”

PANGNGEBARANG 21:30

Tena kaporeang, tarang pikkirang, siagang kacara'dekang akkulle attahang ri dallekanNa Batara.

YEREMIA 50:24

Nakana Batara, “Babel, angngewako ri Nakke, jari lanri kammana anjo naalle mako sikko' nutannanga untu' kalennu, mingka tanuassengai kalennu.

1 KORINTUS 10:22

Yareka erokki' ampa'jari Batara akkimburu'? Maka kassakangangki' na Batara?

AYUB 9:12

Punna anrampasaki, inai barani ampisangkai? Yareka barani akkuta'nang angkana, ‘He, apa Nupare'?’

AYUB 33:13

Angngapa nanusalakang Allata'ala angkanaya taNajampangiai kunrarenna rupataua?

KATO'BA 6:10

Yangasenna apa niaka, sallo memammi nia'na. Niassengi angkanaya takkulleai taua anggeakki tau la'bi gassinga na kalenna.

YESAYA 45:10

Cilakai tau akkuta'nanga mae ri tau toana angkana, “Angngapa nakunilassukang kamma anne?”

YEREMIA 36:29

Nasuroa' Batara ampauangi karaenga kamma anne, “Le'baki nutunu anjo kitta' nigulunga, siagang akkuta'nangko ri Yeremia angkana angngapa natulisiki angkanaya labattui karaeng Babel angngancuruki anne pa'rasanganga kammayatompa ambunoi pandudu'na siagang olo'-olo'na.

DANIEL 4:35

Bansa-bansaya ri lino tena anggaranna. Allata'ala makoasa mae ri malaekaka ri suruga siagang pandudu'na buttaya. Tena manna sitau akkulle ambaliangi ero'Na, tena barani ampakuta'nangngangi apa Nagaukanga.”

AYUB 9:4

Allata'ala sanna' cara'de'na siagang sanna' koasana; inai akkulle attahang ambaliangi?

AYUB 10:9

Kiu'rangi angkana battu ri butta pi' nakiparekka'! Masa' laKipa'jari limbu'buka' ammotere'?

YESAYA 64:7

Tenanniakka appala' doang mae ri Katte, yareka appala' pannulung battu ri Katte, saba' Kicokkoi rupanTa battu ri kambe, na Kilappassang ikambe nipanraki ri dosana ikambe.