YESAYA 45:5 - KITTA' MATANGKASA'

⁵ INakkemi Batara, tena pantaranganna, iNakke Allata'ala Kaminang Se're-se'rea. Le'ba' mako Kusare sanjata, manna natena nuassengA'.

YESAYA 45:5 Referans Kwoze

YESAYA 46:9

U'rangi sikamma apa kajarianga ri jammang riolo; akuimi angkana iNakke Allata'ala, tena pantaranganna, iNakke Allata'ala, siagang tena sangkammangKu.

YESAYA 44:8

He, bansaKu, teako mallakki yareka teako ta'bangkai; sai battu riolo iji sa'genna kamma-kamma anne le'ba'mi Kutappu riolo apa lakajarianga? Kau ngasemmi sa'bi-sa'bingKu. Tena pajaga maraeng siagang tena Kuasseng maraeng.”

YESAYA 44:6

Iaminne kananNa Batara Kaminang Makoasaya, Karaeng siagang pajaga mae ri Israel, “INakke Allata'ala Kaminang Se're-se'rea, uru-urua siagang kala'busanga.

YO"EL 2:27

Jari nuasseng ngasemmi, he Israel, angkanaya niakKa' ri tangnga-tangnganu, siagang angkanaya iNakkemi Batara, Allata'alanu. Tena Allata'ala maraeng, pantarangannaya iNakke KalengKu. Tenamo nalanipakasiri' poleang ummakKu!”

1 KARAENG-KARAENG 8:60

Lanri kammana, sikontu bansaya ri lino lanaassemmi angkanaya Iaji bawang Batara, Allata'ala, tena maraenganna.

PAOLE 32:39

Ciniki, iNakke Allata'ala Tenaya Ruanna, pantaranganna iNakke tena maraeng. INakke ammuno siagang iNakke appakatallasa', allokoki siagang appamolle. PungKu angngalle tindakang, tena manna sitau akkulle angngewa.

PAOLE 4:35

Yangasenna anjo sikammaya Napappicinikangi Batara mae ri kau ngaseng untu' ampa'butti angkanaya Iaji bawang Batara Allata'ala, tena pantaranganna maraengang.

AYUB 12:21

Napakasiriki tau nipakalompoa; Naallei kakoasanna tau koasaya.

PAMMUJI 18:39

Kipatappasaki ke'nanga sa'genna takkullea ambangung poleang, anra'ba tenamo pakkullena ke'nanga ri dallekang bangkengku.

PAOLE 4:39

Lanri kammana anjo angngu'rangi mako anne alloa siagang teako takkaluppai: Bataraji bawang Allata'ala ri langika siagang ri linoa, tena ruanna siagang tena maraenganna.

PAMMUJI 18:32

Saba' Batarayaji bawang Allata'ala; Allata'alaji bawang akkulle ampattojengki'.

YOHANES 1:1

Ri pakaramulana, ri tenanapa nipa'jari linoa, nia' memammi Kanaya. Nia'mi anjo Kanaya siagang Allata'ala na anjo Kanaya iatonji Allata'ala.

EZRA 1:2

“Anne parentana Kores, karaeng Persia. Batara, Allata'ala makoasaya ri suruga, le'ba' angngangkaka' a'jari karaeng ri sikontu linoa, siagang nasarea' tugasa' untu' ambangung Balla' untu' KalenNa ri Yerusalem, ri daera Yehuda.

YESAYA 22:21

Pakeang kalompoannu siagang passikko' aya'nu laKupatabai mae ri ia. Sikontu kakoasannu laKupassareangi mae ri ia. Ia la'jari bapa' mae ri pandudu'na Yerusalem siagang Yehuda.

AYUB 12:18

Naruntungi karaenga nampa Natahang ke'nanga;

KALAPPASSANG 9:14

Anne kamma lappabattuA' bala, tena namae ri sikamma pagawea siagang ra'yaka bawang, mingka ikau pole, sollanna nuasseng angkanaya tena sangkammangKu ri sikontu linoa.

PAMMUJI 18:31

Sukku' ganna'na panggaukanNa Allata'ala akkulle nipatappa' janjinNa Batara. Sanrapangi pa'lapa' ri batangkale mae ri sikontu tau ma'la'langa mae ri Ia.

YESAYA 43:10

He ummakKu, ikau ngasemmi sa'bi-sa'bingKu, ikau ngasemmi Kupile a'jari ata-atangKu, sollanna nuassengA' siagang tappakko ri Nakke, na nupahang angkana iNakkemi Allata'ala. INakke Allata'ala Kaminang Se're-se'rea, tena maraeng rioloangangKu siagang ri bokoangangKu.

YESAYA 45:1

Batara le'ba' angngangkaki Kores a'jari karaeng; ia nisuro ambetai sikamma bansa-bansaya siagang antepoki kakoasanna sikamma karaenga. Batara lassungkeangi sikamma pakke'bu' lompona kotaya, tena manna se're lammantang tattongko'. Nakana Batara ri ia,

YESAYA 45:6

NaKugaukang ngaseng sikammaya anjo sollanna appakkaramula battu raya sa'genna kalau' sikontu taua naassengi angkana iNakke Batara, tena allata'ala pantaranganna iNakke.

YESAYA 47:8

Lanri kammana anjo pilangngeriA', he ikau nungaia angngondanga kasannangngang! Nukapangi angkana amangi katallassannu, siagang tena sangkammannu. Tanupikkirai angkana la'jari jandako, siagang talapanrakai turungannu.

YEHEZKIEL 30:24

Nampa laKukassakki paling-palinna karaeng Babel, siagang Kuboliki pa'dangKu ri limanna. Mingka paling-palinna karaeng Mesir laKutepoki sa'genna lakkunrareng na mate ri dallekanna karaeng Babel, musunna.

PAMMUJI 18:33

Iaji Allata'ala akkulle ampakajarreka' siagang ampa'jari amangi oloangku.

PAMMUJI 86:10

Saba' iKatte pore siagang anggaukangi gau'-gau' appakalannasaka, iKatteji bawang Allata'ala.

YESAYA 37:20

O, Karaeng Allata'alana ikambe, Kilappassang laloi ikambe battu ri anjo tu Asyur, sollanna naasseng sikontu bansaya ri lino angkana iKatteji bawang, tena ruanTa Batara ri lino.”