YESAYA 45:4 - KITTA' MATANGKASA'

⁴ Kukiokko siagang Kusareko areng pa'gallara', manna natena nanuassengA'. Kusareko tugasa' untu' antulungi atangKu Israel, nasaba' anjo ke'nanga bansa nipileKu.

YESAYA 45:4 Referans Kwoze

ROMA 11:7

Jari antekamma? Tanagappayai bansa Israelka anjo apa naboyaya ke'nanga. Anggappayai, iamintu sipa'rappungang ca'diji tau, ia le'baka Napile Allata'ala. Ia maraenganga, a'jari kapala batu ngasengi mae ri pakkio'Na Allata'ala.

LAMPA-LAMPANA 17:23

Nasaba' ri wattungku a'jappa-jappa akkuliling ri kota-kotanu, nakuparhatikang sikamma tampa' passambayangannu, nia' tommo kucini' se're tampa' biasaya nupake assare koro'bang. Anjoreng ri tampaka nia' tattulisi' angkanaya, ‘Mae ri Allata'ala Tenaya Naniassengi.’ Na kamma-kamma anne, iaminjo Allata'ala nusombaya mingka tanuassengai, Iaminjo Allata'ala kukabarranga ri kau ngaseng.

YESAYA 44:1

Nakana Batara, “Pilangngeri, he atangKu Yakub, he Israel, ummakKu Kupilea!

ROMA 9:6

Tena nalakukana tenamo natappake janjinNa Allata'ala; mingka tena nasikontu bansa Israelka nipile ri Allata'ala a'jari umma'Na.

MARKUS 13:20

Na ka'de' tena Napa'jari sinampeki Allata'ala anjo wattu kasusaang lompo dudua, ma'nassa manna sitau tenamo lakkulle salama'. Mingka lanri Nau'ranginna umma'Na, Napa'jari sinampe'mi Allata'ala anjo wattu kasusaang lompo dudua.

MATIUS 24:22

Na ka'de' tena Napa'jari sinampeki Allata'ala anjo wattu kasusaang lompo dudua, ma'nassa manna sitau tenamo lakkulle salama'. Mingka lanri Nau'ranginna umma'Na, Napa'jari sinampe'mi Allata'ala anjo wattu kasusaang lompo dudua.

YESAYA 44:28

INakke angkana mae ri Kores, ‘Ikau lammarenta untu' iNakke, siagang langgaukangi sikontu erokKu. Parentakangi sollanna nibangung ammotere' Yerusalem, siagang na nipadongko' batu pundasina Balla'Na Batara.’ ”

YESAYA 43:14

Batara Mappasalama'nu, Batara Matangkasa'na Israel, Nakana, “Lanri ikau ngaseng, naKuakkiring tantara mange ri Babel, naKulappo sa'genna rumbang sikamma panjoli pakke'bu'na panjaraya; sa'ra orre'na tu Kasdim Kupinrai a'jari piraung.

1 TESALONIKA 4:5

Teako turuki hawa napasunu mae ri bainennu sangkamma nagaukanga tau kapere' tenaya naassengi Allata'ala.

EFESUS 2:12

Anjo wattua tena nusse're siagang Almasi; a'jariko tau maraeng, tenaya nantama' ri umma' Napilea Allata'ala. Tena nuntama' ri janji le'baka Napare' Allata'ala siagang umma'Na. Tena panrannuannu siagang tena Allata'alanu ammantang ri anne linoa.

PAMMUJI 136:22

a'jari Napatang Israel atanNa; pangngamaseanNa sa'genna satunggu-tungguna;

YESAYA 43:1

He, Israel, kammaminne kananNa Batara, “INakkemi ampa'jariko siagang amparekko, teako mallakki, mattantu Kupasalamakko! Le'ba' mako Kukio' situru' arennu, iNakke ampatangko.