YESAYA 45:16 - KITTA' MATANGKASA'

¹⁶ Sikontu tau appareka patung barhala; lanipakasiriki siagang lanihinai.

YESAYA 45:16 Referans Kwoze

YESAYA 44:11

Tojeng, sikontu tau anynyombaya patung latu'guru' siri'-siriki. Anjo tau appareka patung tau biasaji. Suromi ke'nanga para maju siagang; mattantu lamallaki siagang lasiri'-siriki ke'nanga.

YESAYA 44:9

Anjo tau appareka barhala tena matu-matunna, siagang anjo rewata-rewata napakalompoa ke'nanga tena anggaranna. Tau anynyombaya ri anjo patunga butai siagang tena apa-apa naasseng, lanri kammanna lasiri'-siriki ke'nanga napakamma.

YESAYA 42:17

Tau tappaka mae ri patung barhalaya na naakui ke'nanga a'jari allata'alana, lanihinai siagang lanipakasiriki.”

YESAYA 45:20

Nakana Batara, “A'rappung mako siagang battu mako assama-sama, ikau ngaseng tau ta'lappasaka ri bansa-bansaya! Dongoki tau a'balulunga anrurungangi patung kayua, siagang appala' doanga mae ri rewata-rewataya ia tenaya nakkulle appasalama'.

YESAYA 41:19

Parang lompoa laKulamungi poko' camara, poko' zaitun, poko' mura', siagang poko' akasia. Parang luaraka laKupa'jari romang, romang eru, berangang, siagang camara.

PAMMUJI 97:7

Sikontu tau anynyombaya ri barhala lanipakasiriki, ampattampoangai barang-barang tenaya matu-matunna; sikontu rewataya lasu'juki ri dallekanNa Batara.

YEREMIA 48:13

Lala'bai pa'mai'na Moab mae ri Kamos, rewatana ke'nanga, sangkamma batena Israel la'ba pa'mai'na ri Betel ia napattoanga ke'nanga.