YESAYA 45:11 - KITTA' MATANGKASA'

¹¹ Batara, Allata'ala matangkasa'na Israel Nakana, “Kuta'nangA' ri passala' allo labattua. Mingka teako akkuta'nangngi ri passala' ana'-anakKu, yareka assuroA' appare' apa-apa.

YESAYA 45:11 Referans Kwoze

YESAYA 48:17

Nakana Allata'ala matangkasa'na Israel, Mappasalama'nu, “INakke Karaeng Allata'alanu, angngajarakako apa a'matu-matua ri kalennu, anrurungangako ri agang mustia nuolo.

MARKUS 11:24

Jari u'rangi angkanaya: Punna appala' doangko appala' apa-apa mamo, tappa' mako angkanaya Nasare mako Allata'ala, siagang lanugappami anjo apa nupalaka.

YEHEZKIEL 36:37

Nakana Batara Kaminang Tinggia, “He bansa Israel, Kupa'biang mako ammotere' appala' tulung mae ri Nakke; laKutambai jainu, sanrapang pa'rappungang gimbalaka jaina.

YEREMIA 33:3

“Akkiokko mae ri Nakke, na Kulappiali; laKupauangko apa-apa ga'gaya siagang appakalannasaka, ia tenayapa nanuassengi.

YESAYA 29:23

Saba' punna nucini' sikamma ana'nu Kupassareanga mae ri kau, lanuakuiMa' angkana iNakkemi Allata'ala matangkasa'na Israel. LanupakalompoMa' siagang lamalla' mako mae ri Nakke.

EFESUS 2:10

Ikatte bate pare'Naki' Allata'ala; tete ri Isa Almasi, Napare' beru maki' Allata'ala, sollanna nigaukang apa-apa bajika, le'baka Napasadiangki' Allata'ala.

HOSEA 1:10

Bansa Israel la'jari sanrapangi kassika ri tamparanga jaina, sa'genna takkullea nibaku' yareka nirekeng. Kamma-kamma anne Nakana Allata'ala ri ke'nanga, “Ikau teaiko ummakKu,” mingka lanarapiki sallang wattunna nalaNakana ri ke'nanga, “INakkemi Allata'ala mattallasaka siagang ikaumi ana'-anakKu!”

YESAYA 60:21

Lannabai tindakanna pandudu'nu, lanapatangi ke'nanga pa'rasanganga satunggu-tungguna. Rapangi ke'nanga lamungang Kucangkoka KalengKu, untu' ampa'nyatai kala'birangKu.

YESAYA 43:21

Iami ke'nanga bansa Kupareka untu' KalengKu, sollanna akkulle nakabarrang pammujia untu' iNakke.”

YOSUA 10:12

Anjo alloa ri wattunna Nasare Batara pammetang tu Israel mae ri Amori, a'bicarami Yosua mae ri Batara. Na ri dallekanna tu Israel, nakanamo Yosua, “E, mataalloa! Ammantangko irateanna Gibeon; Na ikau bulanga! Teako a'letteki battu ri rateanna Ka'bung Ayalon.”

HOSEA 12:4

Baku' lalanna ija ri battanna amma'na anjo Yakub, iamintu boe-boena ke'nanga, nanalacci' memammo sari'battang kambara'na iamintu Esau; na ri wattunna lompomo, a'lagami Yakub siagang Allata'ala.

YEREMIA 31:9

A'jappai ke'nanga nammatti' je'ne' matanna, Kusaleori siagang Kururungangi ke'nanga. Kuerangi ke'nanga allalo ri tampa'-tampa' jaia je'ne'na, allalo ri agang lappara' tenaya nakkulle tatto'ro ke'nanga. INakke rapang mangge mae ri Israel; Efraim ana' bura'ne bungasakKu.”

YESAYA 64:8

Mingka iKatte, o Batara, iKatte Manggena ikambe, ikambe butta pi' ji bawang, na iKatte ampareki ikambe; ikambe yangasenna bate pare' limanTa.

YESAYA 43:15

INakkemi Batara, Allata'alanu matangkasaka, Karaennu, ampa'jariako, he Israel!”

YESAYA 43:7

Saba' nikio' ngasemmi ke'nanga lalang arengKu, Kupa'jari ke'nanga untu' ampakala'birikKa'.”

YESAYA 43:3

Saba' iNakke Batara, Allata'alanu, Allata'ala matangkasa'na Israel, Mappasalama'nu. Kupassareangi Mesir a'jari pappasulu'nu, Sudan siagang Syeba a'jari sambennu.

PA'JARIANG 32:26

Nampa nakana anjo taua, “Lappassanga', kala'birimmi ammumba alloa.” Appialimi Yakub angkana, “Tena nakulappassangki' karaeng, punna tena kibarakkakia'.”

2 KORINTUS 6:18

La'jariMa' Manggenu, nula'jari ana'-anakKu, kammami anjo kananNa Batara Kaminang Makoasaya.”

DANIEL 2:18

Nasuromi ke'nanga appala' doang mae ri Allata'ala ri suruga sollanna mangngamaseang mae ri ke'nanga na Nasungke rahasiana anjo so'naya. Lanri kammana anjo tenamo nanihukkung matei ke'nanga siagang kabusu' sikamma tau cara'de' maraenganga.

YEHEZKIEL 39:7

Mingka ri tangnga-tangngana tu Israel, laKupa'nyatai arengKu matangkasaka, siagang tenamo nalanira'massi arengKu. Jari naassemmi bansa-bansaya angkanaya iNakkemi Batara, iamintu Allata'ala matangkasaka ri Israel.”

YEREMIA 3:19

Nakana Batara, “He Israel, erokKa' antarimako a'jari anakKu, siagang assareko pa'rasangang appakasannanga pa'mai', pa'rasangang kaminang bajika ri sikontu linoa. ErokKa' nukio' mangge, siagang tenamo nanula'lampa pole ampilariA'.

YESAYA 19:25

Batara Kaminang Makoasaya lambarakkaki ke'nanga siagang Nakana Batara, “Kubarakkaki ngasengko, he ikau tu Mesir ummakKu, Asyur tu Kupa'jaria, siagang Israel umma' Kupilea.”

YEREMIA 31:1

Nakana Batara, “Lanarapi sallang wattunna naKua'jari Allata'ala mae ri sikontu suku Israel, siagang ke'nanga a'jari ummakKu.

HAKING-HAKING 16:23

Ri se'reang wattu a'rappungammi sikamma tukoasana tu Filistin. Eroki ke'nanga assua'-suara' siagang assare koro'bang mae ri Dagon, iamintu rewata nasombaya ke'nanga. Akkelong-kelommi ke'nanga angkana, “Nasaremaki' pammetang mae ri Simson, musunta!”

YESAYA 8:19

Mingka lanisuroko ri taua appala' pangngunju' battu ri sanro-sanroa, ia a'bici'-bicika siagang a'gio'-gioka muncenna. Lanakana anjo taua, “Sai siratangki' appala' pangngunju' battu ri sikamma nyawana tau matea untu' kaparalluanna tau attallasaka?”

YESAYA 44:2

INakke Batara ampa'jariako, amparekko baku' lalannu ri pammanakkanga, siagang antulungko. Teako mallakki, ikaumi atangKu, ummakKu Kupilea siagang Kukamaseanga.

YESAYA 45:10

Cilakai tau akkuta'nanga mae ri tau toana angkana, “Angngapa nakunilassukang kamma anne?”

YESAYA 54:5

Mappa'jarinu rapangi bura'nennu, Allata'ala matangkasa'na Israel Iami Mappasalama'nu. Batara Kaminang Makoasaya, iaminjo arenNa, Ia Allata'ala makoasa ri sikontu linoa.

YESAYA 43:1

He, Israel, kammaminne kananNa Batara, “INakkemi ampa'jariko siagang amparekko, teako mallakki, mattantu Kupasalamakko! Le'ba' mako Kukio' situru' arennu, iNakke ampatangko.

YESAYA 63:16

Sai iKatte manggena ikambe? Abraham siagang Yakub tanaassengai ikambe. Mingka iKatte o Batara, iKatte Manggena ikambe, Mappasalama'na ikambe battu riolo dudu.