YESAYA 45:1 - KITTA' MATANGKASA'

¹ Batara le'ba' angngangkaki Kores a'jari karaeng; ia nisuro ambetai sikamma bansa-bansaya siagang antepoki kakoasanna sikamma karaenga. Batara lassungkeangi sikamma pakke'bu' lompona kotaya, tena manna se're lammantang tattongko'. Nakana Batara ri ia,

YESAYA 45:1 Referans Kwoze

YESAYA 44:28

INakke angkana mae ri Kores, ‘Ikau lammarenta untu' iNakke, siagang langgaukangi sikontu erokKu. Parentakangi sollanna nibangung ammotere' Yerusalem, siagang na nipadongko' batu pundasina Balla'Na Batara.’ ”

YESAYA 42:6

“INakke, Batara, angkiokko siagang assareko tugasa' untu' ampajappai kaadelanga. Kurenrengko siagang Kuparakaiko untu' a'jari parjanjiang mae ri umma' rupataua, untu' a'jari singara' mae ri sikontu bansaya.

PAMMUJI 73:23

Mingka tuli niaka' ri ampitTa, Kita'galaki lima kanangku.

YESAYA 41:13

Saba' iNakke Batara, Allata'alanu, anta'galaki lima kanannu; kukana, ‘Teako mallakki, iNakke lantulungko.’ ”

YEREMIA 51:11

Nakompami Batara sikamma karaeng Media, lanri eroki Naancuru' Babel. Iaminjo caraNa ambalasaki panggaukanna tau le'baka angngancuruki balla'Na. Sikamma komandang pasukang pa'bundukanga naparentakangi nakana, “Ciduki ana' pananu! Pasadiai pattahannu!

YEREMIA 50:35

Nakana Batara, “Panraki Babel siagang ra'ya'na, pagawe-pagawe pamarentana, kammayatompa sikamma tau cara'de'na!

YESAYA 45:5

INakkemi Batara, tena pantaranganna, iNakke Allata'ala Kaminang Se're-se'rea. Le'ba' mako Kusare sanjata, manna natena nuassengA'.

EZRA 1:1

Ri taung makase're ammarenta Kores, karaeng Persia, Narupaimi Batara apa le'baka Napau tete ri Na'bi Yeremia. Napagio'mi Batara nyawana Kores untu' appasulu' se're parenta, nibacaya ri sikontu kakaraenganna. Ia bonena anjo sura' parentaya iamintu:

NAHUM 2:6

Tassungke kabusu'mi pannahang je'neka, nagegere'mo sikontu balla' karaenga.

DANIEL 7:5

Olo'-olo' makaruaya sangkammai tanja'na beruang. Ammentengi siagang bangkeng ri bokoa, siagang angngerangi tallumpolong buku rusu' ri gigi-giginna. Nia' sa'ra kulangngere' angkana ri ia, “Angnganre mako dageng siapa-siapa jaina nungaia!”

YESAYA 13:3

Le'ba'mi Nakio' Batara sikamma pejuang nipileNa. Kassaki ke'nanga, napatappaki kalenna siagang akkullei Nakalompoang pa'mai'. Nasarei tugasa' Batara ke'nanga untu' anghukkungi sikamma tau natabaya pangngalarroinNa.

AYUB 12:21

Napakasiriki tau nipakalompoa; Naallei kakoasanna tau koasaya.

DANIEL 5:6

A'jari pi'lasa'mi rupanna siagang lanri malla'na nannekkere'mo kulantu'na.

YEREMIA 27:6

INakkemi le'ba' ampassareangi sikontu anne bansaya antama' ri kakoasanna atangKu, Nebukadnezar, karaeng Babel. Ba'lalo manna olo'-oloka le'ba' tommi Kupassareang mae ri ia untu' nakoasai.

YESAYA 41:2

Inai ampagioki tukoasaya battu raya, siagang tulusu' assarei pammetang? Inai assarei pakkulle untu' ambetai sikamma bansa-bansaya, siagang napatundu' sikamma karaenga? Pa'danna ampassimbungi ke'nanga rapang limbu'bu', panana ampatassiaraki ke'nanga rapang rarame nairikang anging.

1 KARAENG-KARAENG 19:15

Nakanamo Batara, “Ammoterekko mange ri parang lompoa ri ampi'na Damsyik! Nampa a'lampako mange ri kotaya siagang tiriki minynya' ulunna Hazael a'jari pammatei ri niangka'na a'jari karaeng Siria.

DANIEL 8:3

nampa ri birinna anjo binangaya nia' kucini' sikayu gimbala' laki, la'bu tanru'na, naia se'rea la'buangngangi natanru' se'rea siagang la'bi berui.

YEREMIA 50:3

Nia' se're bansa battu wara' labattu ambunduki Babel, siagang ampa'jari anjo pa'rasanganga kamma parang kalotoro'. Taua siagang olo'-oloka lalari, siagang tenamo ero' ammantang anjoreng.”

YESAYA 41:25

Nia'mo sitau Kupagio' battu raya: Kukioki untu' a'bakka battu wara'. Sikamma tukoasaya lanaonjo'-onjokangi rapang peo', rapang papare' uring butta angngonjo'-onjokang butta pi'.

EZRA 1:2

“Anne parentana Kores, karaeng Persia. Batara, Allata'ala makoasaya ri suruga, le'ba' angngangkaka' a'jari karaeng ri sikontu linoa, siagang nasarea' tugasa' untu' ambangung Balla' untu' KalenNa ri Yerusalem, ri daera Yehuda.

YESAYA 13:2

Pakapeki sikamma bandera pa'bundukannu ri coppo'na bulu' a'gondoloka! Akkiokko mae ri sikamma tantaraya, panaiki limannu sollanna maju ke'nanga anrumbangi pakke'bu' lompoa kota tampoa anjo.

YESAYA 48:15

INakkemi ampaui siagang angkioki, anrurungangi, sa'genna a'jari apa nagaukanga.

YEREMIA 43:10

Nampa nupau mae ri ke'nanga angkana iNakke, Batara Kaminang Koasaya, iamintu Allata'alana Israel, laKupabattui atangKu Nebukadnezar karaeng Babel, mae anrinni ri tampaka. Siagang anjoreng ri rateanna batu-batu Kulamunga lalang ri anjo buttaya, lanapaentengi empoang kakaraenganna siagang napaka'rang kema kakaraenganna.

YEREMIA 51:30

Ammarimi tantara Babel a'bundu', siagang ammantammi ri sikamma pattahangnganga. Tenami kabaranianna ke'nanga siagang tenamo pakkullena. Sikamma pakke'bu' lompona kotaya le'ba' ngasemmi nirumbang, siagang sikamma ballaka le'ba'mi nitunu.

YEREMIA 51:58

Tembo'na Babel ia kassaka ngaseng laKuancuruki sa'genna a'jari sallappara' siagang buttaya. Pakke'bu' lompoa tinggi-tinggia ngaseng laKutunui sa'genna cappu'. Tena matu-matunna poso bansa-bansaya, nasaba' sikontu bate pare'na ke'nanga lanikanrei ri pepe'. INakke, Batara Kaminang Koasaya, anne akkana.”

YEHEZKIEL 29:20

Butta Mesir Kupassareangi mae ri ia salaku pa'balasa' mange ri jasa-jasana, lanri le'ba'mi tantarana anggaukangi tugasa'na untu' iNakke. INakke, Batara Kaminang Tinggia, anne akkana.

DANIEL 8:4

Kuciniki anjo gimbala' lakia angngula' kalau', wara' siagang timboro'. Tena manna sikayu olo'-olo' akkulle attahang andallekangi yareka ta'lappasa' battu ri kakoasanna. Appaero'-eroki appanggaukang siagang sanna' tampona.

NAHUM 3:13

Sikamma tantaranu lammai sangkamma baine, siagang pa'rasangannu tena sikali pakkullena andallekangi musua. Pepeka lanapammutungi sikamma balo' panjolina pakke'bu' lomponu.