YESAYA 44:8 - KITTA' MATANGKASA'

⁸ He, bansaKu, teako mallakki yareka teako ta'bangkai; sai battu riolo iji sa'genna kamma-kamma anne le'ba'mi Kutappu riolo apa lakajarianga? Kau ngasemmi sa'bi-sa'bingKu. Tena pajaga maraeng siagang tena Kuasseng maraeng.”

YESAYA 44:8 Referans Kwoze

YESAYA 43:10

He ummakKu, ikau ngasemmi sa'bi-sa'bingKu, ikau ngasemmi Kupile a'jari ata-atangKu, sollanna nuassengA' siagang tappakko ri Nakke, na nupahang angkana iNakkemi Allata'ala. INakke Allata'ala Kaminang Se're-se'rea, tena maraeng rioloangangKu siagang ri bokoangangKu.

1 SAMUEL 2:2

Tena matangkasa' sangkamma Batara! Iaji bawang akkulle a'jari pa'la'lang.

PAOLE 4:35

Yangasenna anjo sikammaya Napappicinikangi Batara mae ri kau ngaseng untu' ampa'butti angkanaya Iaji bawang Batara Allata'ala, tena pantaranganna maraengang.

PAOLE 4:39

Lanri kammana anjo angngu'rangi mako anne alloa siagang teako takkaluppai: Bataraji bawang Allata'ala ri langika siagang ri linoa, tena ruanna siagang tena maraenganna.

YOHANES 10:30

INakke siagang Manggea se'rejA'.”

YOHANES 1:1

Ri pakaramulana, ri tenanapa nipa'jari linoa, nia' memammi Kanaya. Nia'mi anjo Kanaya siagang Allata'ala na anjo Kanaya iatonji Allata'ala.

YO"EL 2:27

Jari nuasseng ngasemmi, he Israel, angkanaya niakKa' ri tangnga-tangnganu, siagang angkanaya iNakkemi Batara, Allata'alanu. Tena Allata'ala maraeng, pantarangannaya iNakke KalengKu. Tenamo nalanipakasiri' poleang ummakKu!”

YESAYA 44:6

Iaminne kananNa Batara Kaminang Makoasaya, Karaeng siagang pajaga mae ri Israel, “INakke Allata'ala Kaminang Se're-se'rea, uru-urua siagang kala'busanga.

PAMMUJI 18:31

Sukku' ganna'na panggaukanNa Allata'ala akkulle nipatappa' janjinNa Batara. Sanrapangi pa'lapa' ri batangkale mae ri sikontu tau ma'la'langa mae ri Ia.

2 SAMUEL 22:32

Lanri Batara bawang Allata'ala; Allata'ala bawang angngalleiki'.

PAOLE 32:39

Ciniki, iNakke Allata'ala Tenaya Ruanna, pantaranganna iNakke tena maraeng. INakke ammuno siagang iNakke appakatallasa', allokoki siagang appamolle. PungKu angngalle tindakang, tena manna sitau akkulle angngewa.

YESAYA 46:9

U'rangi sikamma apa kajarianga ri jammang riolo; akuimi angkana iNakke Allata'ala, tena pantaranganna, iNakke Allata'ala, siagang tena sangkammangKu.

DANIEL 6:22

Nampa kalangngerammo sa'ranna Daniel appiali angkana, “La'bui umuru'na karaengku satunggu-tungguna!

DANIEL 4:25

Lanibongkai karaengku battu ri pa'rappunganna rupataua nampa attallasa' ri alla'na olo'-olo' niaka ri paranga. Lalang tuju taung langnganreki' ruku' kamma sapi karaeng, siagang attinroki' ri parang tassungkea, sa'genta lanibasai ri allung. Le'baki anjo lakianimi karaeng, angkanaya Allata'ala Kaminang Tinggia makoasa mae ri kakaraenganna rupataua, siagang anjo kakaraenganga Napassareangi mae ri nai-nai Napilea.

DANIEL 2:47

Nakana karaenga ri ia, “Tojeng, Daniel, anjo Allata'alanu kaminang malompo ri alla'na sikontu rewataya. Iami makoasa mae ri sikontu karaenga, siagang assungkeai sikontu rahasiaya. Kuassengi anjo passalaka nasaba' ikau akkulleko ampakasingaraki anne rahasiaya.”

DANIEL 2:28

Mingka ri suruga, nia' Allata'ala akkulle ansungkei sikontu rahasiaya, siagang Iami le'ba' ampauangki' karaeng apa lakajarianga ri allo ri boko. Kamma-kamma anne, boli'mi kamma nanapakasingara' atanta angkana apa so'nata siagang kicini' ilalang tinrota karaeng.

YEREMIA 10:7

Inai kutadeng taeroka mappilangngeri mae ri Katte, Karaenna sikontu bansaya? Tojeng, siratang sikaliKi' nipakalompo. Battu ri sikontu cara'deka ri alla'na bansa-bansaya siagang battu ri sikontu karaenna ke'nanga, tena manna sitau akkulle nipasangkamma iKatte, o Batara.

YESAYA 48:5

Jari battu riolo iji naKutappu memang; ri tenanapa nakajariang, le'ba' memammi Kupau; sollanna tena nanungkana, angkanaya anjo panggaukanna patung-patung barhalanu.

YESAYA 44:2

INakke Batara ampa'jariako, amparekko baku' lalannu ri pammanakkanga, siagang antulungko. Teako mallakki, ikaumi atangKu, ummakKu Kupilea siagang Kukamaseanga.

YESAYA 43:12

Le'ba' mako Kupauang, angkana iNakke ampasalamakko, teai rewatana bansa maraeng niaka ri alla'nu; ikau ngasemmi a'jari sa'bi-sa'bingKu. Na iNakke, iNakke minne Allata'ala,

YESAYA 42:9

Kamma-kamma anne apa le'baka Kutappu riolo kajariammi; erokKa' pole ampabattui passala' berua; ri tenanapa nakajariang anjo, Kupau riolomi mae ri kau.”

YESAYA 30:29

Mingka ikau ngaseng, umma'Na Allata'ala, larannuko siagang lakkelongko sangkamma ri wattu bangngi passua'-suarrang agamaya. Larannuko rapang tau a'jappaya nirurungang ri sa'ra suling mange ri Balla'Na Batara ri Yerusalem, mappatojenna Israel.

EZRA 8:22

Angngalika' appala' tantara a'jarang mae ri karaenga untu' anjagai ikambe battu ri musua lalang pa'jappanga. Nasaba' le'ba'mi kupau ri ia angkana Nabarakkaki Allata'alana ikambe sikamma tau anynyombaya ri Ia siagang Nakabirisi na Nahukkung sikamma tau tenaya najarre' tappa'na mae ri Ia.

EZRA 1:2

“Anne parentana Kores, karaeng Persia. Batara, Allata'ala makoasaya ri suruga, le'ba' angngangkaka' a'jari karaeng ri sikontu linoa, siagang nasarea' tugasa' untu' ambangung Balla' untu' KalenNa ri Yerusalem, ri daera Yehuda.

PAOLE 32:31

Naassengi musunna Israel angkanaya lammai pajagana ke'nanga, tena nasangkamma Allata'alana Israel hebaka.

PAOLE 32:4

Batara Mappasalama'nu maporea, adeleki na sukku' baji' sikontu oloanNa. Allata'alanu tamamminra pa'mai'Na na matulusu' ri nyawa, manggaukangi ri bajika na ri siratanga.

PA'JARIANG 48:19

Mingka taerokai manggena, na nakana, “Kuassenji ana', kuassenji. Manasye lalompoi koasana, siagang turunganna la'jari tongi bansa lompo. Mingka andi'na lalompoangngangi koasana naia, kammayatompa turunganna andi'na la'jari bansa-bansa lompo.”

PA'JARIANG 46:3

Nakanamo Allata'ala, “INakkemi Allata'ala, Allata'alana manggenu. Teako mallakki untu' a'lampa mange ri Mesir. LaKupa'jari turungannu se're bansa lompo anjoreng.

1 YOHANES 1:2

Ri wattunna nipa'nyata anjo tallasaka, nacini'mi ikambe. Iaminjo saba'na na'jari sa'bimo ikambe mae ri anjo passalaka. Kibirittakammi mae ri kau ngaseng passala'na anjo tallasa' sitojennaya siagang mannannunganga, ia niaka siagang Manggea, kammayatompa le'bakamo nipa'nyata mae ri kambe.

IBRANI 12:1

Jari, ri passala'na ikatte, jai sa'bi angkulilingiki'! Lanri kammana mae mako, nanipela' ngaseng sikontu apa-apa ambattaliaki' siagang sikontu dosa tuli a'dakkika ri katte. Siagang mae mako nakituli appa'lumba mange ri dallekang.

LAMPA-LAMPANA 14:15

“He, angngapa nanugaukang ngasengi anne kammaya? Ikambe anne tau biasa tonjaki' sangkamma ikau ngaseng! Niaki ikambe mae anrinni untu' ampabattui Kabara' Bajika mae ri kau ngaseng, sollanna nubokoi anjo apa-apa tenaya matu-matunna; na nubattu mae ri dallekanNa Allata'ala attallasaka, ampa'jariai langika siagang linoa, kammayatompa tamparanga siagang sikontu apa niaka lalang.

LAMPA-LAMPANA 1:8

Mingka punna battumo RohNa Allata'ala mange ri kau, langgappa mako koasa. Na la'jari mako sa'bingKu ri Yerusalem, ri sikontu Yudea, ri Samaria, sa'genna ri cappa'na linoa.”

YOHANES 6:10

Nakanamo Isa, “Suro ngasengi anjo taua ammempo.” Anjoreng ri tampaka jai ruku'. Jari ammempo ngasemmi anjo taua naung ri rukuka – yangasenna kira-kira nia' limassa'bu jaina poro tau bura'neja bawang nitassere' –.

PAMMUJI 86:10

Saba' iKatte pore siagang anggaukangi gau'-gau' appakalannasaka, iKatteji bawang Allata'ala.

YESAYA 17:10

O, Israel, nukaluppaimi Allata'ala le'baka ampasalamakko siagang alla'langiko sanrapang moncong batu kassaka. Kabalekanna, nulamungimi kokonnu untu' rewata-rewataya.

YESAYA 26:4

Tuli tappa' mako mae ri Batara, saba' Karaeng Allata'ala tuli anjagaiki'.

YESAYA 41:23

Paumi apa lakajarianga, sollanna naasseng ikambe angkana ma'nassa batara tojengko. Gaukammi a'matu-matua yareka appakarugia, sollanna lannasa' ikambe anciniki.

YESAYA 43:11

INakke Kale-kalengKu Batara, pantaranganna iNakke tena appasalama'.

YESAYA 45:19

Tena Kuccokko-cokko a'bicara, yareka a'bicara rahasia. Tena Kusuroi ummakKu Israel sia-sia amboyai KalengKu. INakke, Batara, Makkana tojeng, siagang ampaui apa annabaya.”

YESAYA 48:3

Nakana Batara, “Pilangngeri, he Israel! Apa kajarianga riolo, sallomi le'ba'na Kupau riolo; apa Kupaua, ti'ring Kugaukangi siagang Kupa'nyatai.

PAMMUJI 18:32

Saba' Batarayaji bawang Allata'ala; Allata'alaji bawang akkulle ampattojengki'.

YESAYA 43:9

Suroi sikontu bansaya a'rappungang siagang sikontu sukua asse're. Inai ri rewata-rewatana ke'nanga le'ba' ampaui apa kajarianga kamma-kamma anne? Inai ri ke'nanga akkulle antappui apa labattua sallang? Lappassammi maju sikamma sa'bina ke'nanga, na napa'butti angkana tojengi ke'nanga, sollanna sikontu tau allangngerekai ke'nanga angkanai, annaba memangi ke'nanga!