YESAYA 44:7 - KITTA' MATANGKASA'

⁷ Inaika sangkamma iNakke? Suromi mangaku! Lappassammi napau siagang napa'butti mae ri Nakke! Inai le'ba' antappu rioloi apa labattua battu ri uru-urua sa'genna kala'busang jammang?

YESAYA 44:7 Referans Kwoze

YESAYA 41:26

Inai ri kau akkulle antappu rioloi sa'genna akkulle ikambe ampattojengi? Mingka tena ri kau akkulle ampaui, tena tau allangngerekko le'ba' a'bicara.

YESAYA 41:22

Battu mako mae, siagang tappu riolomi apa lakajarianga, sollanna naasseng ikambe antekamma sallang kale'bakkanna. Paumi sikamma kajariang-kajariang rioloa, pakasingara'mi battuanna sollanna naparhatikangi ikambe.

YESAYA 45:21

Pamajumi parkaranu, paridallekammi butti-buttina, iyo, boli'mi kamma appare' ke'nanga passitujuang. Inaika angkabarrangi anjo passalaka siagang le'ba' ampaui baku' battu riolo iji? Sai iNakke, Bataraya? Tena allata'ala pantaranganna iNakke. INakkemi Allata'ala adeleka siagang Mappasalamaka, tena maraeng pantaranganna iNakke!

LAMPA-LAMPANA 17:26

Battu ri se'rea tau Nanapa'jari sikontu bansaya, nampa Nasuro ke'nanga ampammantangi sikontu buttaya. Iatommi ampattantui battu ri uru-uruna angkana kemae sa'genna siagang kemaei akkulle ammantang rupataua.

YESAYA 43:12

Le'ba' mako Kupauang, angkana iNakke ampasalamakko, teai rewatana bansa maraeng niaka ri alla'nu; ikau ngasemmi a'jari sa'bi-sa'bingKu. Na iNakke, iNakke minne Allata'ala,

YESAYA 43:9

Suroi sikontu bansaya a'rappungang siagang sikontu sukua asse're. Inai ri rewata-rewatana ke'nanga le'ba' ampaui apa kajarianga kamma-kamma anne? Inai ri ke'nanga akkulle antappui apa labattua sallang? Lappassammi maju sikamma sa'bina ke'nanga, na napa'butti angkana tojengi ke'nanga, sollanna sikontu tau allangngerekai ke'nanga angkanai, annaba memangi ke'nanga!

YESAYA 41:4

Inaika anggaukang ngasengi anjo sikammaya? Inaika ampattantui jappana riwayaka? INakke, Batara, iNakkemi uru-uru, siagang tuli niaka sa'genna satunggu-tungguna.

PAOLE 32:8

Ri wattu Nabagena Kaminang Tinggia butta pisakaya, tunggala' bansaya Napattantui daerana siagang se'reang rewata a'jari makoasa.

YESAYA 41:23

Paumi apa lakajarianga, sollanna naasseng ikambe angkana ma'nassa batara tojengko. Gaukammi a'matu-matua yareka appakarugia, sollanna lannasa' ikambe anciniki.

YESAYA 19:12

He, karaeng Mesir, kemae sikamma tu mappakainga'na anjo karaeng cara'deka? Barang naassengi ke'nanga apa Narancanakanga Batara Kaminang Makoasaya mae ri Mesir.