YESAYA 44:6 - KITTA' MATANGKASA'

⁶ Iaminne kananNa Batara Kaminang Makoasaya, Karaeng siagang pajaga mae ri Israel, “INakke Allata'ala Kaminang Se're-se'rea, uru-urua siagang kala'busanga.

YESAYA 44:6 Referans Kwoze

YESAYA 41:4

Inaika anggaukang ngasengi anjo sikammaya? Inaika ampattantui jappana riwayaka? INakke, Batara, iNakkemi uru-uru, siagang tuli niaka sa'genna satunggu-tungguna.

PAPPICINI' 1:8

“INakkemi uru-urua, siagang iNakkemi kala'busanga,” kammami anjo kananNa Karaeng Allata'ala, Ia niaka battu ri pakaramulanna, ri kamma-kammaya anne, sa'genna satunggu-tungguna, Ia Kaminang Makoasaya.

PAPPICINI' 22:13

INakkemi uru-urua siagang kala'busanga; iNakkemi Batara battu ri Pakaramulaya sa'genna Kala'busanga.”

YESAYA 44:8

He, bansaKu, teako mallakki yareka teako ta'bangkai; sai battu riolo iji sa'genna kamma-kamma anne le'ba'mi Kutappu riolo apa lakajarianga? Kau ngasemmi sa'bi-sa'bingKu. Tena pajaga maraeng siagang tena Kuasseng maraeng.”

YESAYA 48:17

Nakana Allata'ala matangkasa'na Israel, Mappasalama'nu, “INakke Karaeng Allata'alanu, angngajarakako apa a'matu-matua ri kalennu, anrurungangako ri agang mustia nuolo.

YESAYA 48:12

Nakana Batara, “Pilangngeri he Israel, umma' Kukioka, iNakke tuli Allata'alanu. INakkemi uru-urua, siagang iNakke tommi kala'busanga.

PAOLE 32:39

Ciniki, iNakke Allata'ala Tenaya Ruanna, pantaranganna iNakke tena maraeng. INakke ammuno siagang iNakke appakatallasa', allokoki siagang appamolle. PungKu angngalle tindakang, tena manna sitau akkulle angngewa.

YESAYA 42:8

INakke Batara, iaminjo arengKu; taKupassareangngai kala'birangKu manna ri nai; masahorokKu taKupassareangngai mae ri patunga.

YESAYA 44:24

Kammaminne kananNa Batara Mappasalama'nu ampa'jariako baku' lalannu ri pammanakkang, “INakkemi Batara ampa'jariai yangasenna niaka, kale-kalennaya angka'rangi langika, tena ambantuA' naKupa'jari buttaya.

PAOLE 6:4

U'rangi sikamma sari'battangku! Bataraji bawang, siagang Bataraji bawang Allata'alata!

PAOLE 4:39

Lanri kammana anjo angngu'rangi mako anne alloa siagang teako takkaluppai: Bataraji bawang Allata'ala ri langika siagang ri linoa, tena ruanna siagang tena maraenganna.

YESAYA 43:1

He, Israel, kammaminne kananNa Batara, “INakkemi ampa'jariko siagang amparekko, teako mallakki, mattantu Kupasalamakko! Le'ba' mako Kukio' situru' arennu, iNakke ampatangko.

YESAYA 37:16

“O, Batara Kaminang Makoasaya, Allata'alana Israel, niaka ri empoang kala'biranTa, tena ruanTa Allata'ala angkoasai sikontu kakaraenganga ri tompo'na buttaya. IKattemi ampa'jari langika na buttaya.

PAOLE 4:35

Yangasenna anjo sikammaya Napappicinikangi Batara mae ri kau ngaseng untu' ampa'butti angkanaya Iaji bawang Batara Allata'ala, tena pantaranganna maraengang.

YESAYA 33:22

Sikontu pakkakasa' niaka ri kappala'na ke'nanga tena ngaseng matu-matunna; sikamma sombala'na takkulleai nipaka'rang! Sikontu kakalumanynyanganna pasukang musua lanirampasaki, teai sipato' jaina, sa'genna manna tau pesoka anggappa ngaseng bageang. KalenNa Batara la'jari karaenta; Ia lammarenta, ampaentengi hukkunga siagang ampasalamakki' battu ri musua.

YESAYA 41:14

Nakana Batara, “Teako mallakki, Israel, manna nuca'di siagang lamma. INakke Batara antulungko, kaminang Matangkasaka, Allata'alana Israel, Mappasalama'nu.

PAPPICINI' 2:8

“Untu' mae ri malaeka'na jama'ah Smirna, tulisiki kamma anne: Iaminne pappasang battu ri Ia uru-urua siagang kala'busanga, le'baka mate Nattallasa' poleang.

MATIUS 25:34

Nampa laNakana anjo Karaenga mae ri anjo tau niaka ri sa'ri kananNa, ‘Mae ngaseng mako kau tu nibarakkakia ri ManggeKu. Antama' mako ri Tampa' le'baka nipasadiang memangko ri uru nia'na linoa.

YESAYA 54:5

Mappa'jarinu rapangi bura'nennu, Allata'ala matangkasa'na Israel Iami Mappasalama'nu. Batara Kaminang Makoasaya, iaminjo arenNa, Ia Allata'ala makoasa ri sikontu linoa.

MALEAKHI 1:14

Nitunraimi patipu assarea ri Nakke olo'-olo' tenaya anggaranna, punna nia'ja olo'-olo' maraengannaya bajika le'baka napa'janjiang ri Nakke! Nasaba' iNakke Karaeng Malompo, siagang nipakalompoa ri sikontu bansaya.”

YEREMIA 50:34

Mingka iNakke kassa', ampasalamaki ke'nanga; arengKu iamintu Batara Kaminang Koasaya. INakke KalengKu langngusahakangi parkarana ke'nanga siagang langngerang kaamangngang mae ri linoa. Mingka mae ri Babel lappabattuA' karicuang siagang kamallakkang.”

YESAYA 59:20

Nakana Batara mae ri umma'Na, “LabattuA' mange ri Yerusalem untu' ampasalamakko sikamma tau tobaka battu ri dosa-dosana.

MATIUS 27:37

Ri tompo' ulunNa Isa, nia' natannang ke'nanga tulisang angkanaya, “Iaminne Isa, Karaenna tu Yahudia”. Iaminjo tattulisika nituduangi Isa.

YESAYA 37:20

O, Karaeng Allata'alana ikambe, Kilappassang laloi ikambe battu ri anjo tu Asyur, sollanna naasseng sikontu bansaya ri lino angkana iKatteji bawang, tena ruanTa Batara ri lino.”

YESAYA 41:21

Batara, karaenna Israel, angkana ri rewata-rewataya, “Pamajumi parkaranu, paumi alasang-alasanna!

1 TIMOTIUS 3:16

Tena manna sitau akkulle ansassali, antekamma lompona rahasiana agamata, angkanaya: Napa'nyatai KalenNa lalang tubuna rupataua, na nipa'nyata katojenganNa ri RohNa Allata'ala siagang nicini' ri sikamma malaekaka. Nipakkiokkammi birittana mae ri sikamma bansa-bansaya, na nipatappa' ri sikontu linoa siagang niangka' nai' ri suruga.

PAPPICINI' 1:11

Nakana anjo sa'raya, “Tulisiki apa nucinika, nampa nukiring anjo kitta' nutulisika mae ri tujua jama'ah, iamintu: Efesus, Smirna, Pergamus, Tiatira, Sardis, Filadelfia, siagang Laodikia.”

PAMMUJI 86:10

Saba' iKatte pore siagang anggaukangi gau'-gau' appakalannasaka, iKatteji bawang Allata'ala.

YESAYA 63:16

Sai iKatte manggena ikambe? Abraham siagang Yakub tanaassengai ikambe. Mingka iKatte o Batara, iKatte Manggena ikambe, Mappasalama'na ikambe battu riolo dudu.

YESAYA 40:18

Jari inai lanupasinrapangangi Allata'ala? Inai nukana Naagang sangkamma?

YESAYA 43:9

Suroi sikontu bansaya a'rappungang siagang sikontu sukua asse're. Inai ri rewata-rewatana ke'nanga le'ba' ampaui apa kajarianga kamma-kamma anne? Inai ri ke'nanga akkulle antappui apa labattua sallang? Lappassammi maju sikamma sa'bina ke'nanga, na napa'butti angkana tojengi ke'nanga, sollanna sikontu tau allangngerekai ke'nanga angkanai, annaba memangi ke'nanga!

YEREMIA 10:1

Umma' Israel, pilangngeri anne pasanNa Batara mae ri kau.