YESAYA 44:4 - KITTA' MATANGKASA'

⁴ Lacoppongi pa'bakka'na ke'nanga rapang ruku' ri ampi' je'ne', rapang poko' gandarusa ri biring binangaya.

YESAYA 44:4 Referans Kwoze

YESAYA 58:11

INakke tuli lampimpingko siagang lampakabassorokko ri butta kalotoroka; iNakke lanjagaiko sollannu tuli akkamale siagang kassa'. Larapangko koko anggannaka ri je'ne', rapang timbuseng je'ne' tenaya nale'ba' a'jari kalotoro'.

PAMMUJI 1:3

Tau kammaya lamanggappa wassele' ri sikontu usahana; rapangi poko' kayu ri biring binanga a'rappoi punna narapi' wattu pa'rappoang tale'baka kalumeng leko'na.

YEHEZKIEL 17:5

Nampa angngalle sipoko' lamung-lamung lolo battu ri butta Israel, siagang nalamungi ri se'reang koko coppong, tenaya nale'ba' kurang je'ne'na.

LAMPA-LAMPANA 4:4

Mingka jaimi tau le'bakamo allangngereki anjo napangngajarrang tunisuroa, a'jari tappa'. Katambammi jaina ke'nanga a'jari kira-kira limassa'bu tau.

LAMPA-LAMPANA 5:14

Napila' mange allo, pila' katambangi jaina anjo tau tappaka mae ri Batara – baji' na bura'ne, baji' na baine.

YESAYA 61:11

Rapang bine nipakioroka lattimboi a'jari lamung-lamung, kammaminjo Karaeng Allata'ala ampatimboi kasalamakkanga na sikontu bansaya lamammuji mae ri Ia.”

KAIMANGNGANG 23:40

Ri allo makase'rea musti nuallei rappo-rappoang kaminang bajika battu ri kokonnu, kammayatompa leko'-leko' pandanga siagang tangke-tangke battua ri poko' kayu copponga leko'na, nampa nupakaramulai passua'-suarrang karannuanga untu' ampakalompoi Karaeng Allata'alanu.

AYUB 40:22

Rompo' katinting alla'langi ke'nanga siagang bayang-bayang. Poko' kayu bangko ri biring binangaya alla'langi ke'nanga.

AYUB 5:25

Ana'-cucunnu takkulleai lanibilang jaina, sanrapangi ruku' ri parang jaina ke'nanga.

YESAYA 48:19

Turungannu lajai rapang lisere' kassika; Kutanggongi angkanaya talanipanrakiai ke'nanga.”