YESAYA 44:26 - KITTA' MATANGKASA'

²⁶ INakke ampakajarreki kananna atangKu, siagang anggaukangi rancana napa'nyataya tunisuroKu, iNakke angkana lanipammantangngi poleammi Yerusalem, siagang kota-kota Yehuda laKubangung poleangi ammotere'; laKupakabajiki sikamma rumbanganna.

YESAYA 44:26 Referans Kwoze

ZAKHARIA 1:6

Tete ri sikamma anjo na'bi atangKu ngaseng, Kupabattumi sikamma parentaKu siagang sikamma pappakaingakKu mae ri boe-boenu. Mingka tena najampangi ke'nanga sa'genna musti natanggongi ke'nanga kale'bakkang kajariang kodina. Nampa assesse' lalammo ke'nanga, siagang mangakumi ke'nanga mae ri Nakke angkanaya iNakke, Batara Kaminang Koasaya, le'ba' anghukkungi ke'nanga situru' kasalanna ke'nanga, siagang sangkamma apa le'baka Kupattantu.”

YESAYA 60:10

Nakana Batara mae ri Yerusalem, “Bansa maraeng lambangungi ammotere' kalli' tembo'nu, siagang lanalayaniko sikamma karaenga. Riolo Kuhukkungko lalang larroKu, mingka kamma-kamma anne ero'Ma' angkamaseangko.

YEREMIA 33:7

Yehuda siagang Israel laKupa'jari porei sangkamma riolo siagang lammentengi ammotere' salaku ummakKu.

YEREMIA 30:18

Nakana pole Batara: “Ikau, ummakKu laKukamaseangko siagang laKupakabajiki ammotere' katallassannu ri butta passolongang cera' kalennu. Lanibangungi ammotere' Yerusalem, siagang lanipakabajiki balla' karaenna.

YESAYA 42:9

Kamma-kamma anne apa le'baka Kutappu riolo kajariammi; erokKa' pole ampabattui passala' berua; ri tenanapa nakajariang anjo, Kupau riolomi mae ri kau.”

NEHEMIA 1:3

Nacaritami ke'nanga angkana sikamma anjo tau le'baka nipela' ammotere'mi mange ri anjo pa'rasanganga. Mingka kamma-kamma anne teai sipato' sessana katallassanna, siagang sangnging nihinai ri sikamma bansa maraeng niaka a'reppese'. Nampa pole sikamma tembo' kalli'na Yerusalem ancuru' iji tassimbung-simbung, kammayatompa sikamma pakke'bu' lompona tenapa nale'ba' nipakabaji' baku' le'ba'na nitunu ri wattu allaloa.

EZRA 2:70

Sikamma imanga, tu Lewia, siagang sipa'gang ra'yaka ammantangi ri Yerusalem siagang kota-kota niaka ri ampi'na. Sikamma pakelonga, pajaga pakke'bu' lompona Balla'Na Batara ri Yerusalem siagang sikamma pajamaya ri Balla'Na Batara ri Yerusalem, kammayatompa la'binnaya tu Israel maraenga, ammantangi ri kota-kota pammantanganna boe-boena ke'nanga.

MATIUS 26:56

Mingka lakajariang ngaseng memanji anne kammaya, sollanna a'rupamo apa le'baka natulisi' na'bi-na'bia lalang ri Kittaka.” Le'baki anjo, apaji nalari ngasemmo ana'-ana' gurunNa Isa, a'lampa ambokoi.

MATIUS 5:18

U'rangi laloi! Angkanaya lalang nia'na ija langika siagang linoa, manna se're hurupu' yareka titti' kaminang ca'dina anjo atorang agamaya tena sikali lanipela' punna tenapa na'rupa ngaseng!

ZAKHARIA 12:6

Anjo alloa sikamma kaluarga Yehuda laKupa'jari rapang pepe' lalang ri pa'gompoang kayu tunua yareka sulo a'rinraya irawanganna gandung-gandung nikawarranga; lanaancuruki ke'nanga sikamma bansa-bansa niaka ri tammulilina. Mingka pandudu'na Yerusalem tuli ammantangi lalang ri kotaya siagang amang.

ZAKHARIA 2:4

Nakana malaeka' makase'rea mae ri malaeka' makaruaya, “A'lampako linta' mange ri anjo tau rungkaya, siagang pauangi angkanaya lateai sipato' rassina kota Yerusalem napakamma tau siagang olo'-olo' niparakai, sa'genna tena olona lakkulle nibangung tembo' pakkallika ri tammulilina.

AMOS 9:14

LaKupa'jari kalumanynyangi ammotere' ummakKu Israel. Lanabangungi ammotere' kota-kotana ke'nanga le'baka runtung, nampa ammantang ke'nanga anjoreng. Lanalamungi koko-koko anggoro'na ke'nanga, siagang nainung je'ne'na. La'lamung-lamungi ke'nanga, nampa nakanre wassele'na.

DANIEL 9:25

Cataki siagang pahangi anne: Lallaloi pintuju tattuju taung, appakkaramula ri wattu nipasulu'na parentaya untu' ambangungi ammotere' Yerusalem, sa'genna battu sitau pamimping Napilea Allata'ala. Lalang pintuju ta'annampulo anrua taung, lanibangungi ammotere' agang-aganga siagang pa'balla'-ballakanna Yerusalem, mingka anjo wattua teai sipato' sukkara'na.

YEHEZKIEL 38:17

Sai ri sesena ikau naKua'bicara riolo tete ri sikamma atangKu iamintu na'bi-na'bina Israel. Nabotomi ke'nanga angkanaya ri allo labattua sallang laKusuroi taua untu' ambunduki Israel. INakke, Batara Kaminang Tinggia, anne akkana.”

YEHEZKIEL 36:10

LaKutambai jaina ummakKu Israel. Lammantangi ke'nanga ri kota-kotaya siagang lanabangungi ammotere' sikontu balla'na le'baka ancuru' a'jari loro.

NEHEMIA 2:3

kunampa appiali angkana, “Poro la'bui umurutta satunggu-tungguna karaeng! Antekamma talasusa atanta, punna kota pa'jerakkanna boe-boena atanta kamma-kamma anne sesa-sesa rumbangngang mami; pakke'bu' lompona ancuru'mi nakanre pepe'.”

LUKAS 24:44

Le'baki anjo Nakanamo ri ke'nanga, “Iaminne sikamma passala' le'baka Kupau ri kau ngaseng, ri wattungKu nia'ija assiagang ikau ngaseng. Iamintu angkanaya: sikamma niaka tattulisi' lalang Kitta'-kitta' Musa, Na'bi-na'bia, siagang Pammujia, iamintu ansero kanayai KalengKu, musti kajariang ngasengi.”

YEREMIA 32:44

sura' pammallina lanitekengi, nisarei segele', siagang nitekengi ri sa'bi-sa'bi. Anjo kammaya lakajariangi ri daerana Benyamin, ri desa-desa tammulilina Yerusalem, ri kota-kota Yehuda, ri kota-kota ri daera monconga, ri daera bangkeng buluka, siagang ri Yehuda bageang timboro'. Anne bansaya laKupakabajiki ammotere' katallassanna ri anne pa'rasanganga. INakke, Batara, anne akkana.”

YEREMIA 32:15

Batara Kaminang Koasaya, iamintu Allata'alana Israel, Nakana angkanaya, balla', tampa', siagang koko anggoro' lanipare' balukangi sallang.”

YEREMIA 31:4

Bansanu laKupa'jari porei sangkamma riolo. Sikalipi pole langngalleko rabana, siagang a'jogekko napakamma rannu.

YESAYA 58:12

Kota salloamo rumbanna lanubangungi ammotere' irate ri pundasi sallona. Lanigallarakko ‘Bansa ambangungai ammotere' sikamma tembo' kallika siagang ampakabajikai sikamma balla' ancuruka.’ ”

YESAYA 54:3

Lapila' katambangi luara'nu mae ri kanang siagang mae ri kairi, pandudu'nu lanaempoi buttana bansa-bansaya siagang lanapammantangngi kota-kota sinoa kamma-kamma anne.

PAMMUJI 147:2

LaNapammollei Batara Yerusalem; laNapoterangi sikamma tau nipelaka.

YESAYA 61:4

Lanabangungi ke'nanga kota-kota salloamo runtung nappaenteng tampa'-tampa' salloamo sino.

PAMMUJI 69:35

Pujimi Allata'ala, he langika siagang linoa, tamparanga siagang sikontu apa-apa niaka ilalanna.

YESAYA 40:9

Naikko ri moncong tinggia, pa'la'bangi kabara' bajika mae ri Yerusalem! Akkiokko, pilompoi sa'rannu, pa'la'bangi kabara' bajika mae ri Sion! Paui mae ri kota-kotana Yehuda angkana labattui Allata'alana ke'nanga!

YESAYA 42:19

Inai la'bi buta na atangKu Israel? Inai la'bi tongolo' na tunisuroKu?

YESAYA 49:8

Nakana Batara ri umma'Na, “Punna mangngellaiA', lappialiA'; ri allo appasalamakKu, laKutulungko. Kula'langiko siagang Kujagaiko, siagang Kupa'jariko parjanjiang mae ri bansa-bansaya. Kupa'jari bajiki ammotere' pa'rasangang sinoa a'jari butta pisaka nipammantangia.

YESAYA 52:9

Akkio' rannuko, he sikamma rumbanna Yerusalem, saba' Nasaleori Batara umma'Na na Napakabebasa' Yerusalem.

YESAYA 55:11

kamma tomminjo kana Kupaua talammoterai sia-sia, mingka akkullei nagaukang apa Kukaerokia, siagang nagappa sikamma apa Kupakkanaya.

YEREMIA 1:10

Anne alloa Kusareko koasa mange ri bansa-bansaya siagang sikamma kakaraenganga – iamintu koasa untu' appara'ba siagang anrumbang, untu' apagulung siagang ammanraki, kammayatompa untu' appabangung siagang a'lamung.”

DANIEL 9:12

TindakanTa sicoco' le'baki apa le'baka Kipa'janjiang mae ri kambe siagang mae ri pamarentana ikambe. Le'ba'mi Kihukkung kota Yerusalem la'bi sannakkangngang nakota maraenga ri anne linoa.

HAGAI 1:13

Nampa napabattu Hagai mae ri ra'yaka pasanNa Batara angkanaya a'janji Batara ero' anjagai ke'nanga.

ZAKHARIA 1:17

Nasuro tonga' anjo malaekaka ampabattu tongi anne pasang angkanaya, “A'janji Batara Kaminang Koasaya angkanaya la'jari coppongi kota-kotaNa siagang angkanaya sikalipi pole laNatulung Yerusalem na Naani angkanaya Ia ampatangi.”

2 KARAENG-KARAENG 7:16

Jari larimi pandudu'na Samaria assulu' ri kotaya nampa naalle kabusu' apa-apa niaka ri pakkemaanna tu Siria. Sangkamma apa le'baka Napau Batara, kajariang tojemmi angkanaya tallu kilo gandung kaminang baji' yareka annang kilo gandung biasa ballinna se'reji doe' pera'.

2 KARAENG-KARAENG 7:18

Le'ba'mi napau Elisa angkanaya kira-kira wattu kammaya anjo ammuko, tallu kilo gandung kaminang baji' yareka annang kilo gandung biasa lanibalukangi se're bawang doe' pera'.

2 KARAENG-KARAENG 7:20

Kammami anjo kajariang mae ri anjo taua – matei nionjo'-onjokang ri ra'yaka ri pakke'bu' lompoa.

PAMMUJI 69:36

Ia lampasalamaki Yerusalem siagang ambangungi ammotere' kota-kotana Yehuda. Lammantangi umma'Na Batara anjoreng; a'jari napatangi ke'nanga anjo buttaya.

PAMMUJI 102:17

punna nabangung Batara ammotere' Sion, na maju lalang ri kalompoanNa.

KATO'BA 3:3

wattu untu' ammuno siagang wattu untu' appamolle, wattu untu' anrumbang siagang wattu untu' ambangung.

YEREMIA 28:9

Mingka na'bi a'botoa ri kaamangngang, iapa nakkulle niakui salaku na'bi tojeng-tojeng nisuro ri Batara, punna a'rupa tojenja anjo sikontu apa nabotoa.”