YESAYA 44:23 - KITTA' MATANGKASA'

²³ Akkio' rannuko, he langi', ma'rannu-rannuko, he bone kambunna buttaya! Akkio' rannuko, he sikamma monconga! siagang romanga na sikamma poko' niaka lalang! Saba' Napappicinikammi Batara kala'biranNa lanri le'ba'na Napasulu' Israel umma'Na.

YESAYA 44:23 Referans Kwoze

PAMMUJI 69:34

Saba' Napilangngeri Batara tu kasi-asia; tena nabalang parekangi umma'Na lalang ri tarungkua.

YEREMIA 51:48

Sikontu apa niaka ri langi' siagang ri butta lakkio' rannui punna tu'guru' Babel mae ri limanna bansa waraka, ia battua untu' angngancuruki.

YESAYA 49:3

Nakana ri nakke, “Ikaumi atangKu; lanipakala'birikKa' lanri ikau.”

YESAYA 49:13

Akkelongko he langika, akkio' rannuko he buttaya, he sikamma monconga, akkio' rannuko! Saba' niaki battu Batara ansaleori umma'Na, Nakamaseangi umma'Na nijallakkanga.

PAPPICINI' 18:20

He, surugaya, a'rannu-rannuko lanri posso'na anjo kotaya. He, Umma'Na Allata'ala, suro-suroa, siagang na'bi-na'bia ma'rannu-rannuko! Nasaba' nihukkummi ri Allata'ala anjo kotaya, a'jari pa'balasa' mae ri apa-apa le'baka nagaukang mae ri kau ngaseng!

PAPPICINI' 12:12

Lanri kammana, parallui ma'rannu-rannu surugaya siagang sikontu tau niaka ammantang lalang! Mingka cilakami buttaya siagang tamparanga, nasaba' naummi Billisika mae ri kau sanna' larrona, lanri naassenna angkana sinampe' mami wattunna.”

1 PETRUS 4:11

Inai-nai appabattu biritta, musti napabattui biritta battua ri Allata'ala; inai allayani ri paranna tau, musti allayani situru' kagassingang battua ri Allata'ala; sollanna ilalang yangaseng-ngasenna, akkullemi nipakala'biri' Allata'ala tete ri Isa Almasi. Iami Makoasa siagang siratanga nipakala'biri' sa'genna satunggu-tungguna. Aming.

EFESUS 3:21

Poro nipakala'biri'mi Allata'ala sa'genna a'lapi'-lapisi' sossorang lalang ri jama'aka, tete ri Isa Almasi. Nipujimi Allata'ala satunggu-tungguna! Aming.

YEHEZKIEL 36:8

Mingka mae ri kau Kukana he moncong-monconna Israel, poko'-poko'nu laccu'laki siagang la'rappo poleangi untu' ummakKu Israel tenayamo nasallo nammotere'.

YEHEZKIEL 36:1

Nakana Batara, “He tau, a'bicarako mae ri moncong-monconna Israel siagang suroi ke'nanga ampilangngeri pasanNa Batara Kaminang Tinggia, angkana,

YESAYA 61:3

untu' assarei karannuang siagang kate'neang pa'mai' sikamma tau si'naya siagang tau susaya; untu' ampinrai si'nana ke'nanga a'jari kelong pammuji. Larapangi ke'nanga poko' kayu nilamunga ri KalenNa Batara. Lanagaukangi ke'nanga apa bajika siagang annabaya, sa'genna nipakala'biri' Batara.

YESAYA 60:21

Lannabai tindakanna pandudu'nu, lanapatangi ke'nanga pa'rasanganga satunggu-tungguna. Rapangi ke'nanga lamungang Kucangkoka KalengKu, untu' ampa'nyatai kala'birangKu.

YESAYA 26:15

Le'ba'mi Kipa'lappi-lappi jaina ummatTa, o Batara, Kipa'jari luara' daerana ikambe, lanri kammana anjo iKattemi nipakala'biri'.

PAMMUJI 148:7

Pujimi Batara, he sikontu bonena lino, he, naga-naga tamparang siagang sikontu tamparang lompoa;

YEHEZKIEL 39:13

Sikontu pandudu'na pa'rasanganga lamminawang turu' ngasengi ambantu untu' antarawangi anjo tau matea; siagang untu' yangasenna anjo sikammaya, lannarimai ke'nanga pahala ri allo pammetangKu. INakke, Batara Kaminang Tinggia, anne akkana.

EFESUS 4:9

Jari, punna nikana “naiki” battuanna Iami uru-uru le'baka naung sa'genna ri tampa' kaminang rawaya ri anne buttaya.

1 PATTOTTORANG 16:31

Ma'rannu-rannuko ikau langika siagang buttaya! Birittakangi ri bansa-bansaya angkana Bataraji Karaeng!

PAMMUJI 65:13

Parang lompoa rassi bembe siagang gimbala', sikontu bulu'na ma'rannu-rannui.

PAMMUJI 148:9

Pujimi, he bulu'-buluka siagang moncong-monconga, poko'-poko' a'rappoa siagang sikontu romanga;

YESAYA 12:5

Akkelongko mae ri Batara, saba' jai gau' appakalannasa' Nagaukang. Lappassammi sikontu linoa nalangngere' sese panggaukanNa.

YESAYA 43:1

He, Israel, kammaminne kananNa Batara, “INakkemi ampa'jariko siagang amparekko, teako mallakki, mattantu Kupasalamakko! Le'ba' mako Kukio' situru' arennu, iNakke ampatangko.

YESAYA 43:7

Saba' nikio' ngasemmi ke'nanga lalang arengKu, Kupa'jari ke'nanga untu' ampakala'birikKa'.”

YESAYA 46:13

LaKupa'reppeseki allo kalappassanga, talanipammonokami wattu kasalamakkang laKupassareanga. LaKupasalamaki Yerusalem, siagang Kusare Israel kalompoang.”

YESAYA 52:9

Akkio' rannuko, he sikamma rumbanna Yerusalem, saba' Nasaleori Batara umma'Na na Napakabebasa' Yerusalem.

YEREMIA 31:11

Le'ba'mi Kupasalama' umma' Israel, siagang Kulappassang battu ri bansa kassaka.

YEHEZKIEL 35:14

INakke Batara Kaminang Tinggia Kukana: Sikontu linoa lasannangi ri wattunna Kupa'jari sino sikali sikontu pa'rasangannu,

KALAPPASSANG 18:9

Nalangngere'na ngaseng Yitro sikamma anjo caritaya, sanna'mi rannuna,

1 PATTOTTORANG 16:32

A'gamarrungko tamparanga siagang sikontu bonena! Ma'rannu-rannuko ikau paranga siagang sikontu lamunganna!

1 PATTOTTORANG 16:33

Poko'-poko' ri romang lama'gora rannu nasaba' battumi Batara untu' ammarenta ri lino.

PAMMUJI 69:35

Pujimi Allata'ala, he langika siagang linoa, tamparanga siagang sikontu apa-apa niaka ilalanna.

PAMMUJI 89:13

IKatte ampa'jari waraka siagang timboroka, makkio' rannui mae ri Katte Moncong Tabor siagang Hermon.