YESAYA 44:22 - KITTA' MATANGKASA'

²² Kasalannu Kubongkai rapang rammang, dosanu Kupakabellai rapang saliu'. Ammotere' mako mae ri Nakke, saba' le'ba' mako Kupakabebasa'!”

YESAYA 44:22 Referans Kwoze

YESAYA 43:25

Mingka iNakke Allata'ala allu'luki dosanu, Kupammopporangko lanri kammaminjo sipakKu; tena natuli Kuu'rangi dosanu.

1 KORINTUS 6:20

Le'ba' mako Naballi Allata'ala, siagang lappasa'mi ballinnu. Lanri kammana, katutuimi anjo batangkalennu, sollanna akkulle nupa'matu-matu untu' ampakala'biriki Allata'ala.

YESAYA 43:1

He, Israel, kammaminne kananNa Batara, “INakkemi ampa'jariko siagang amparekko, teako mallakki, mattantu Kupasalamakko! Le'ba' mako Kukio' situru' arennu, iNakke ampatangko.

PAMMUJI 103:12

Antekamma bellana battu raya sa'genna kalau', kammaminjo bellana Napela' dosa-dosata.

YEREMIA 33:8

LaKutangkasi ke'nanga battu ri dosa-dosana, ia le'baka nagaukang ke'nanga mae ri Nakke; laKupammopporangi dosa-dosana siagang kadorakanna ke'nanga.

YESAYA 55:7

Parallui tau ja'dalaka napakabaji' tallasa'na, siagang napinra batena appikkiri'. Lappassammi ammotere' mae ri Batara, sollanna anggappa pangngamaseanNa. Parallui assaile mae ri Allata'alata, saba' lammoro' pa'maiki Batara ampammopporangi taua.

PAMMUJI 51:9

Kitangkasia', sollangku a'jari tangkasa'; bissaia', sollangku a'jari kebo' sanrapang kapasa'.

PAMMUJI 51:1

Untu' pamimpin pakelong. Pammuji natulisika Daud

YESAYA 48:20

A'lampako siagang lariko battu ri Babel, pa'la'bangi anne kabaraka ri kere-keremae. Kabarrangi siagang pakkio' rannu, angkana: “Le'ba'mi Napasalama' Batara atanNa, Israel!

YESAYA 51:11

Nalammotere'mo sikamma tau Nalappassanga Batara akkio' rannui ke'nanga antama' ri Yerusalem corai rupanna ke'nanga lanri karannuang mannannungang. Rannui siagang ma'reja-rejai ke'nanga, lanynya'mi susaya siagang kunrarenga.

YESAYA 1:27

Adeleki Batara. Jari laNapasalamaki kota Yerusalem siagang sikamma taunna assesse' lalanga.

PAMMUJI 109:14

Boli'mi kamma tuli Nau'rangi Batara kaja'dallanna boe-boena, siagang tena nikaluppai dosana amma'na.

AYUB 37:11

Napierangngi rammanga siagang je'ne', naccaya rammanga nisingari ri kila'.

NEHEMIA 4:5

TeaKi' pammopporangi kaja'dallanna ke'nanga siagang teaKi' kaluppai dosana ke'nanga, lanri le'ba'na nahina ikambe ambangunga kamma-kamma anne.”

YEREMIA 3:1

Nakana Batara, “Punna nia' sitau baine nitalla' ri bura'nenna, nampa anjo bainea nibaineangi ri bura'ne maraeng, takkulleai anjo le'ba' bura'nenna ambaineangi pole ammotere', lanri anjo passala' kammaya lammanraki ri anne pa'rasanganga. Ikau tu Israel, jai sikalimi tanrinnu, antekamma batenu lakkulle ammotere' mae ri Nakke!

YESAYA 1:18

Nakana Batara, “Umba nanipa'le'ba' anne parkaraya. Manna pole nule'leng kamma uring napakamma dosa-dosanu, laKubissaiko sa'gennu a'jari kebo' sangkamma kapasa'. Manna pole najai siagang battala' dosa-dosanu, mingka laKupammopporang ngasengi.

YEREMIA 18:23

Mingka iKatte, o Batara, Kiassengi sikontu apa narancanakanga ke'nanga untu' angngallei nyawaku. Lanri kammana anjo, teaKi' pammopporangngi ke'nanga; teaKi' lu'luki kasalanna ke'nanga. Kitunrungi ke'nanga sa'genna tu'guru'. Angngalle maKi' tindakang mae ri ke'nanga lanri larroTa.”

YESAYA 31:6

Nakana batara, “O, bansa Israel, nuewaMa' siagang doraka mako ri Nakke. Mingka kamma-kamma anne, ammotere' lalo mako mae ri Nakke!

YESAYA 33:24

Manna sitau ri pa'rasanganta tania' lakkunrareng lanri garring, siagang sikontu dosana lanipammopporang ngasengi.

YESAYA 41:14

Nakana Batara, “Teako mallakki, Israel, manna nuca'di siagang lamma. INakke Batara antulungko, kaminang Matangkasaka, Allata'alana Israel, Mappasalama'nu.

ZAKHARIA 1:3

Mingka kamma-kamma anne Kukana mae ri kau ngaseng: Ammotere' mako mae ri Nakke, naKuammotere' todong mae ri kau ngaseng.

KALAPPASSANG 18:9

Nalangngere'na ngaseng Yitro sikamma anjo caritaya, sanna'mi rannuna,

PAOLE 32:43

Makkio' rannuko lanri umma'Na Batara, e, sikamma bansaya, nasaba' Nahukkungi sikontu tau ambunoai ke'nanga. A'balasaki mae ri musunNa mingka Napammopporangi dosana bansaNa.”

2 SAMUEL 12:13

Nampa nakanamo Daud ri Natan, “Dorakama' mae ri Batara.” Appialimi Natan angkana, “Le'ba' maki' Napammopporang Batara; jari tena kilamate karaeng.

PAMMUJI 130:8

Ia lampakabebasakki' battu ri sikontu kasalanta.

YESAYA 52:9

Akkio' rannuko, he sikamma rumbanna Yerusalem, saba' Nasaleori Batara umma'Na na Napakabebasa' Yerusalem.

YEREMIA 50:20

Ri anjo wattua Israel siagang Yehuda latangkasaki battu ri dosaya, lanri laKupammopporangi sikamma tau le'baka Kupasalama'. INakke, Batara, anne akkana.”

YEHEZKIEL 16:63

LaKupammopporangi kasalannu, mingka takkulleako angkaluppai siagang lasiri'-siriki nusa'ring akkanaya. INakke, Batara Kaminang Tinggia, anne akkana.”

MIKHA 7:18

Tena Allata'ala sangkammanTa, o Batara, ampammopporangai dosana umma' nipileNa niaka tassesa. Tena Kituli lalarro; kabalekanna, sannangi nyawaTa ampappicinikangi pangngainTa tenaya sanggana.

ZAKHARIA 3:4

Nakanamo anjo malaekaka mae ri sikamma pambantu-pambantuna ri suruga, “Pelaki care-care ra'masa' niaka napake anne taua.” Nampa nakana mae ri Yosua, “Kupela'mi dosanu, lakusareko pakeang beru.”