YESAYA 44:10 - KITTA' MATANGKASA'

¹⁰ Sia-siaji taua appare' patung nampa nisomba a'jari rewata!

YESAYA 44:10 Referans Kwoze

YEREMIA 10:5

Anjo patung-patung barhalaya rapangi tau-tau ri koko bonteka. Takkulleai ke'nanga a'bicara, takkulleai a'dakka, siagang musti niangkaki. Teako mallakki mae ri ke'nanga, nasaba' takkulleai ke'nanga a'gau' ja'dala' mae ri kau; manna a'gau' bajika tanakullei ke'nanga.”

HABAKUK 2:18

Nitunraiko ikau! Nukana mae ri kayu sipolonga, “Ambangnungko!” yareka mae ri batu lompoa angkana, “Ammentengko!” Maka akkullei se'rea patung a'bicara mae ri kau? Nakulle anjo patunga nilapisiki bulaeng siagang pera', mingka tena nyawa ri ia. Apa matu-matunna patung barhalaya? Anjo poro bate pare'na rupataua. Apa nugappaya battu ri ia poro balle-balle bawang. Tena bua'-bua'na katappakkanna papare' barhalaya mae ri bate pare' limanna, tenaya nakkulle appau.

LAMPA-LAMPANA 19:26

Na kamma-kamma anne massing nucini'mi siagang massing nulangngere'mi, apa nagaukanga anjo Paulus. Napaui angkana anjo rewata-rewata napareka rupataua tena sikali nakkulle nikana rewata. Najaimo tau akkulle a'jari tappa' ri anjo pangngajaranna; tena na ri Efesus bawang mingka a'birimmi a'la'bang todong ri sikontu daera Asia.

1 KORINTUS 8:4

Ri passala'na nikanaya angnganre kanre le'bakamo nipassareang mae ri barhalaya sikontutojenna anjo barhalaya apa tena nanikana nia'. Iaji niasseng angkanaya se'reji Allata'ala; tena ruanna.

DANIEL 3:14

Akkuta'nammi karaenga ri ke'nanga angkana, “He Sadrakh, Mesakh, siagang Abednego! Kammatojengi angkanaya taerokako anynyomba ri rewata-rewatangku siagang tena todong nuero' su'ju' mae ri anjo patung bulaeng le'baka kupaenteng?

DANIEL 3:1

Ri se'reang wattu, appareki Karaeng Nebukadnezar se're patung bulaeng. Tinggina 27 metere' siagang sangkara'na ambani 3 metere'. Anjorengi ri lappara' Dura ri propinsi Babel napaenteng anjo patunga.

YESAYA 41:29

Tojeng, anjo rewata-rewataya tena matu-matunna, patung nipare'ji ke'nanga, tenaya kullena, tenaya nakkulle appare' apa-apa.”

1 KARAENG-KARAENG 12:28

Le'ba'na napikki'-pikkiri' anjo passalaka, appare'mi rua patung sapi bulaeng, nampa nakana mae ri ra'yaka, “Bansa Israel! Sallo mako tuli a'lampa mange ri Yerusalem untu' assambayang. Kamma-kamma anne, iaminne rewata-rewatanu, ia le'baka angngantarakko assulu' battu ri Mesir.”

PAMMUJI 115:4

Barhalana ke'nanga battu ri bulaeng siagang pera' nipare', bate pare' limanna ke'nanga.

YESAYA 40:19

Tena Nasangkamma patung napareka tukang-tukang, patung nilapisika bulaeng siagang nilapaka pera'.

YEREMIA 16:19

O Batara, iKattemi alla'langngia' siagang assarea' kagassingang; iKatte antulunga' ri wattungku kasukkarang. Labattui bansa-bansaya battu ri cappa'na linoa mae ri Katte na nakana, “Boe-boena ikambe poro rewata takontutojengaji bawang napatappa', tena sikalia matu-matunna.

YESAYA 45:20

Nakana Batara, “A'rappung mako siagang battu mako assama-sama, ikau ngaseng tau ta'lappasaka ri bansa-bansaya! Dongoki tau a'balulunga anrurungangi patung kayua, siagang appala' doanga mae ri rewata-rewataya ia tenaya nakkulle appasalama'.