YESAYA 43:9 - KITTA' MATANGKASA'

⁹ Suroi sikontu bansaya a'rappungang siagang sikontu sukua asse're. Inai ri rewata-rewatana ke'nanga le'ba' ampaui apa kajarianga kamma-kamma anne? Inai ri ke'nanga akkulle antappui apa labattua sallang? Lappassammi maju sikamma sa'bina ke'nanga, na napa'butti angkana tojengi ke'nanga, sollanna sikontu tau allangngerekai ke'nanga angkanai, annaba memangi ke'nanga!

YESAYA 43:9 Referans Kwoze

YESAYA 46:10

Battu ri pakaramulanna Kupaumi apa-apa labattua ri bokoanganna, battu riolo Kutappu memammi apa lakajarianga. Kukana: Lakajarianga apa le'baka Kutappuki, mattantu Kugaukangi erokKu!

YO"EL 3:11

Umba, battu mako linta', he sikontu bansa-bansaya battu attammulili! A'rappungko anjoreng ri ka'bunga.” O Batara, suro laloi tantaraTa ambunduki ke'nanga!

YESAYA 43:26

Piu'rangiangA', umba kimange ri pangadelang, pamajumi parkaranu sollanna a'nassa angkanaya annabako.

YESAYA 41:1

Nakana Allata'ala, “A'merekiko, pilangngeriA', he sikamma pandudu'na sikamma pa'rasangang bellaya. Sadiako untu' maju ri pangadelanga, maju mako nasorong parkaranu. Umba kissidang siagang, na nitappuki angkana inai annaba, inai sala.

PAMMUJI 50:1

Pammujina Asaf. Batara, Allata'ala Kaminang Koasaya, a'bicarai; akkioki mae ri sikontu linoa battu iraya sa'genna kalau'.

YESAYA 48:14

A'rappungang ngaseng mako siagang pilangngeri! Ri sikamma rewata-rewataya tena le'ba' antappu rioloi angkanaya lanibunduki Babel ri tunipileKu; lanagaukangi apa Kukaerokia.

YESAYA 34:1

Umba kirappungang, he bansa-bansaya, pilangngerimi. Lappassammi nabattu ngaseng sikontu buttaya siagang sikontu niaka ammantang ri tompo'na, nampa appilangngeri.

YESAYA 48:3

Nakana Batara, “Pilangngeri, he Israel! Apa kajarianga riolo, sallomi le'ba'na Kupau riolo; apa Kupaua, ti'ring Kugaukangi siagang Kupa'nyatai.

YESAYA 44:6

Iaminne kananNa Batara Kaminang Makoasaya, Karaeng siagang pajaga mae ri Israel, “INakke Allata'ala Kaminang Se're-se'rea, uru-urua siagang kala'busanga.