YESAYA 43:8 - KITTA' MATANGKASA'

⁸ Nakana Allata'ala, “Suroi maju mae ri dallekang bansaKu butaya, manna pole nania'ja matanna; ia tongoloka, manna pole nania'ja tolinna.

YESAYA 43:8 Referans Kwoze

YESAYA 6:9

Nampa Nasuroma' a'lampa angngerangi anne pasanga mae ri ummaka angkana: “Nupatulusuki allangngereka, mingka tena nanupahangi. Lanupatulusuki amparhatikangi, mingka tanuassengai apa kajarianga.”

YEHEZKIEL 12:2

“He tau, ikau niakko ammantang ri tangnga-tangngana tau nangaia angngewa. Nia' matanna ke'nanga, mingka tena naccini'; nia' tolinna mingka tena nallangngere', lanri nangaina ke'nanga angngewa.

YEREMIA 5:21

“Pilangngeri, he ikau ngaseng sikamma tau dongoka siagang toloa! Nia' matannu, mingka tena nuccini'; nia' tolinnu mingka tena nullangngere'!

MARKUS 4:12

sollanna ‘Lanaciniki tojemmi ke'nanga, mingka tanaassengai apa kajarianga, lanapilangngeri tojemmi ke'nanga, mingka tanapahangai, anne kajariangi sollanna tena naciniki siagang tena napahangi ke'nanga na tea battu mae ri Allata'ala, nampa nipammopporang ri Allata'ala ke'nanga.’ ”

YESAYA 29:18

Anjo wattua tau tongoloka lanalangngereki kana-kana nibacaya battu ri se'reang kitta', siagang tau butaya, ia sassanga tallasa'na sumpaeng, lakkullei accini'.